एस्‍तर 1:16 - Sunuwar Bible

¹⁶ मिनु मेमुकानमी पिप नु आ सरकार ङा हुकुम पाइब नेल्‍ल आन ङोंइती “पिपीम वास्‍तीमी पिप कली ला ममाइ, तन्‍न हुकुम पाइब नेल्‍ल आन कली नु पिप अहासूरस आ रागी ङा मुर नेल्‍ल आन कली मरिम्‍शो पाप्‍तु।

एस्‍तर 1:16 ပူးပေါင်းရင်းမြစ်များ

एज्रा 4:6

मिनु अहासूरसमी सासन पचा गोवा आ ङोंइती ङा बर्स, मेको रागी ङा मुरपुकीमी यहूदा नु यरूसलेम ङा मुर आन कली दोस गेशो ब्रेक्‍स का ब्रेक्‍शा सोइक्‍ताक्‍मी।

एस्‍तर 1:15

मिनु पिप अहासूरसमी मेको आन कली “आं गेय पाइब रे पा आं सोइश्‍शो लोव़ पिपीम वास्‍तीमी मटीव। मोपतीके मेको कली ऐन कानुन कोव़शा मार पचा?” दे हिल्‍लो पाप्‍तु।

एस्‍तर 1:17

मुल पिपीम आ मरिम्‍शो पशो मीश मुर नेल्‍लेमी तुइक्‍नीम। मोपतीके मेकोपुकीमी यो आन वोंइश कली आइक्‍च सेल्‍शा मटीनीम। मेकोपुकीमी ‘पिप अहासूरसमी पिपीम वास्‍ती कली आ बाक्‍तीकेमी ब्रेत्‍ताक्‍व, तन्‍न पिपीममी मटीव’ दे लोव़ पाइनीम।

प्रेरित 18:14

मिनु पावलमी एको गेशो दोस आ पर्बम लोव़ लेत्‍चा चिक्‍शो, गाल्‍लीयोमी लोव़ पचा मगेथु, दोस गेब यहूदी आन कली “एको मुर मरिम्‍शो पशा, खुइ पा मुर आन कली साइश्‍शो हना, इन लोव़ नेंशा गो निसाफ पङ वा। प्रेरित २५:१८-२०

प्रेरित 25:10

मिनु पावलमी “मदुम्‍ब हजुर, मारदे हना सिजर आ निसाफ पाइबपुकीमी कका आं मुददा कोव़चा माल्‍नीम। यहूदी आन कली मरिम्‍शो मारेइ मपङ, दे हजुर, गे यो तुइक्‍नीनी।