एस्‍तर 1:14 - Sunuwar Bible

¹⁴ मेको पिप कली सल्‍ला गेब सु बाक्‍मा बाक्‍त, देंशा हना, पारसी नु मादी ङा ७ जना हुकुम पाइब कारशेना, शेथार, अदमाथा, टारशीश, मेरेस, मारसेना नु मेमुकान बाक्‍मा बाक्‍त। मेकोपुकी पिप आ ङोंइती बाक्‍शा, नेल्‍ल क्‍येङा ठेयब अधिकार पा गेय पाइब बाक्‍तेक्‍म।

एस्‍तर 1:14 ပူးပေါင်းရင်းမြစ်များ

२ राजा 25:19

मेकोमी सहरम मुल यो लीशो आन दाते ङा लडाइ पाइब आन ठेयब मुर नु ५ जना पिप कली सल्‍ला गेब आन कली यो लाइक्‍मी बाक्‍त। मेकोम रागी ङा मुर आन कली लडाइ पाइब मुर सेल्‍चा कली योव़ब ब्रेक्‍ब ठेयब मुर नु सहरम थिश्‍शो ६० जना मुर आन कली यो लाइक्‍मी बाक्‍त।

एज्रा 7:14

गो, पिप नु आं ७ जना अर्ती गेबपुकीमी इन कली यहूदा नु यरूसलेममी मार दुम्‍ना दुम्‍न बाक्‍मे, मेको कोव़चा कली सोइश्‍शो बाक्‍नीकी। गे नु बाक्‍ब इन परमप्रभु आ अरेशो लोव़ पशो बाक्‍मा कों, मपशो बाक्‍मा, मेको कोव़ङो।

एस्‍तर 1:15

मिनु पिप अहासूरसमी मेको आन कली “आं गेय पाइब रे पा आं सोइश्‍शो लोव़ पिपीम वास्‍तीमी मटीव। मोपतीके मेको कली ऐन कानुन कोव़शा मार पचा?” दे हिल्‍लो पाप्‍तु।

येरमीया 52:25

मिनु मेकोमी सहरम मेना सम्‍म लीशो लडाइ पाइब आन कली कोव़ब कप्‍तान का नु पिप कली अर्ती गेब ७ जना मुर आन कली ग्‍याइश्‍शा लाइक्‍तीमी। मेको रागीम लडाइ पाइब आन कली पुक्‍ब आन कप्‍तान आ ब्रेक्‍ब मुर नु सहरमी थिश्‍शो अरु ६० जना वोंइश मुर आन कली यो ग्‍याइश्‍शा लाइक्‍तीमी।

मत्ती 18:10

होस पांइसीने, आल आन कली आइक्‍च मसेलीने। नोफा दाइश्‍शा नेनीने, आल आन कली कोव़ब परमप्रभु यावे आ स्‍वर्ग ङा गेय पाइबपुकी स्‍वर्गम बाक्‍ब आं आफ आ ङोंइती बाक्‍नीम।

प्रकाश 22:4

मेकोपुकीमी परमप्रभु यावे आ कुल ताइनीम। मेको आन कुप्‍फीमी परमप्रभु यावे आ नें ब्रेक्‍शो बाक्‍ब। प्रकाश ३:१२