एस्‍तर 1:12 - Sunuwar Bible

¹² तन्‍न पिपीममी पिप आ सोइश्‍शो मुर आन देंशो मबिस्‍से। मोपा वास्‍तीम मबिश्‍शो तशा, मेको पिप हिंचा ङा पा गाइक्‍ताक्‍व।

एस्‍तर 1:12 ပူးပေါင်းရင်းမြစ်များ

उत्पत्ती 3:16

मिनु मेकोमी मेको मीश मुर कली “कोव़ज कुरशा, आल थिवेनु, इ कली ठेयब श्‍येत गेनुङ। आल थिचा रोइ पाइनेवे। मो हना यो इ वोंइश कली माल्‍नेवे। मिनु मेकोमी इ कली हुकुम पाइब” देंमाक्‍त। एफिसी ५:२२-२३; १तिमोथी २:१२

एस्‍तर 1:11

“पिपीम वास्‍ती कली आ सिरपेच गुम्‍सीशा, मुर नेल्‍ल नु हुकुम पाइब आन ङोंइती आ दारस कोंइचा कली चाक्‍कीन” दे अरेशा सोइक्‍ताक्‍व। मारदे हना मेको पिपीम शुश दारशो बाक्‍‍त।

एस्‍तर 1:13

मिनु पिपमी “मुल मार पचा” दे जोक्‍ब तुइक्‍ब नु लोव़ पाप्‍तु। मेको जोक्‍ब तुइक्‍बमी ङोंइती रे पिप कली अर्ती गेबाक्‍मा बाक्‍त। मिनु ऐन कानुन जोक्‍ब तुइक्‍ब नेल्‍लेमी “मुल मार पचा” दे सल्‍ला पाम्‍तेक्‍म।

एस्‍तर 7:7

मिनु पिप चुरशा, भोज रे छुल बोक्‍शा, दरवार ङा फू रूमी लत। हामानमी चहिं “पिपमी आ थुंमी आं कली खतम पचा मिम्‍ताक्‍व” दे तुइश्‍शा, पिपीम एस्‍तर नु माफ पुंइचा कली आ बाक्‍तीक उइ बाक्‍त।

भजन संग्रह 74:1

परमप्रभु, गे मारदे आंइ कली मदाक्‍थु, गेना हना यो प्रोंइनीनी? इन भेडा आन कली तशा मारदे गाइक्‍नीनी?

भजन संग्रह 79:5

परमप्रभु यावे, गे गेना सम्‍म गाइक्‍स ङा गाइक्‍स बाक्‍नीनी? इन गेहे पतीके गेना सम्‍म मी खोदेंशो पा ब्रस ङा ब्रस बाक्‍बा?

प्रस्‍थान 32:19

मिनु मोसा इस्राएली आन बाक्‍तीके आ नेक्‍था जाक्‍मेनु, बाछा नु बाछा आ एर ओंथ मुरपुकी सिल पशो तशा, शुश गाइश्‍शा, फुल्‍लु निम्‍फा ताइश्‍शा, डांडा आ पुंम प्रोल्‍तु।

प्रस्‍थान 32:22

मिनु हारूनमी “आं पर्बम मगाइक्‍तीन। गे एको मुर आन कली तुइक्‍नीनी। एकोपुकी दूली पाइब ला बाक्‍नीम।

हितोपदेस 19:12

पिप आ गाइश्‍शो गुप्‍स आ ग्रीशो खोदेंशो बाक्‍ब। आ दाक्‍तीक चहिं घांस तार दोक्‍शो सुनी ङा सीत खोदेंशो बाक्‍ब। हितोपदेस १६:१४-१५

हितोपदेस 20:2

पिप आन शुश गाइश्‍शो गुप्‍स आन ग्रीशो खोदेंशो बाक्‍ब। सुम मेको कली गाइक्‍पाइक्‍बा, मेको साइक्‍चा पुंइसीब। हितोपदेस १६:१४

दानीएल 2:12

मिनु मेको लोव़ नेंशा, पिप शुश गाइश्‍शा, बेबीलोन रागीम बाक्‍ब जोक्‍ब तुइक्‍ब नेल्‍ल आन कली साइक्‍चा नम, दे हुकुम पाप्‍तु।

दानीएल 3:13

मिनु मेको नेंशा, पिप नेबुकदनेसर शुश गाइश्‍शा, चुरशा “शद्रक, मेशक नु अबेद-नेगो आन कली आं ङोंइती चाक्‍कीन” दे हुकुम पाप्‍तु। मिनु मेको आन कली चाक्‍शा, पिप आ ङोंइती राप्‍पाइक्‍तेक्‍म।

दानीएल 3:19

मिनु मेको नेंशा नेबुकदनेसर शद्रक, मेशक नु अबेद-नेगो आन कली तशा, थाम्‍पान गाइश्‍शा, आ कुल राव किक्‍पाइक्‍तु। मिनु मेकोमी “ब्रशो मी कली ङोंइती क्‍येङा ७ खेयप नाप्‍शो सेल्‍चा माल्‍ब” दे हुकुम पाप्‍तु।

नहुम 1:6

परमप्रभु यावे गाइक्‍तानु, मेको आ ङोंइती सु राप्‍ने चाप्‍‍बा ङा? मेको आ चुरशो सुम फाल्‍ने चाप्‍बा ङा? मेको आ गाइश्‍शो मी खोदेंशो पा ब्राइब। मिनु मेकोमी सेरथे फुल्‍लु आन कली प्रोल्‍ब।

एफिसी 5:22

गे मीश मुरपुकी, प्रभु कली टिशो खोदेंशो पा आंम वोंइश कली यो टिने। उत्‍पत्ती ३:१६; तिमोथी २:११-१२; तीतस २:५

एफिसी 5:24

दोपा थमा सुइक्‍बपुकीमी ख्रीस्‍त कली टीनीमी, मोपा मीश मुरपुकीमी आंम वोंइश आ देंशो नेल्‍ल टिचा माल्‍नीमी।

ब्‍यवस्‍था 29:20

मिनु परमप्रभु यावेमी मोदेंशो मुर आ पाप मक्‍याम्‍ब। परमप्रभु यावे मेको कली तशा, आ गाइक्‍चा नु आ गेहे पतीके मी खोदेंशो पा ब्राइब। मिनु मेको अरेशो लोव़ ङा किताबम ब्रेक्‍शो सराप नेल्‍ल मेको मुर कली राइब। मिनु परमप्रभु यावेमी मेको आ नें रागी रे क्‍याम्‍ब। ब्‍यवस्‍था २८:१५-६८

१ पत्रुस 3:1

गे मीश मुरपुकी, आंम वोंइश आ देंशो टिने। का निक्‍शी वोंइश मुरपुकी परमप्रभु यावे आ लोव़ मटीब बाक्‍तेक्‍म हना यो, आ मीश आ रिम्‍शो पशो तशा, लोव़ मपथु यो, थमा सुइक्‍ब दुम्‍नीम। एफिसी ५:२२; १कोरिन्‍थी ७:१६