एफिसी 6:5 - Sunuwar Bible

⁵ गे वाइलीम वाइलपुकी, इन रागी ङा होव़प कली टिने। दोपा टिचा माल्‍नीनी देंशा हना, गेपुकी ख्रीस्‍त कली टिशो खोदेंशो पा, मेको आन क्‍येङा हिंशा ख्रिंख्रि पा, थुं का पा रिम्‍शो गेय पने। तिमोथी ६:१२; तीतस २:९-१०; १पत्रुस २:१८

एफिसी 6:5 ပူးပေါင်းရင်းမြစ်များ

उत्पत्ती 16:9

मिनु परमप्रभु यावे आ स्‍वर्ग ङा गेय पाइबमी मेको कली “इ होव़पोक्‍म आ खिं ले‍तो। मिनु मेको आ अरेशो टिशा बाक्‍को” देंमाक्‍त।

१ इतिहास 29:17

आं परमप्रभु, गे मुर आन थुं नाक्‍शा कोव़नीनी, दे तुइक्‍नुङ। गे ब्रेम्‍शो थुं पाइश्‍शो मुर तशा ग्‍येरनीनी। गो आं ब्रेम्‍शो थुं दुम्‍तीकेमी ग्‍येरशा एको नेल्‍ल इन कली चढ़ेता। मुल गो एक बाक्‍शो इन मुर आन कली ताता। ग्‍येरशो थुंमी एको नेल्‍ल चढ़ेम्‍तेक्‍म। भजन संग्रह ७:१०

भजन संग्रह 123:2

दोपा वाइलपुकीम आन होव़प आन गुइ गे कोव़नीमी नु वाइलीमपुकीमी आन होव़पोक्म आन गुइ गे कोव़नीम, मोपा गोपुकीमी परमप्रभु यावे गे कोव़नीकी। आंइ कली शिशी मपवा सम्‍म मोपा कोव़नीकी।

भजन संग्रह 86:11

परमप्रभु यावे, आं कली इन लां खोइक्‍चा शेंदीनी। मिनु गो इन थमा पतीकेमी गाक्‍नुङ। आं कली थुं का पा इन कली मान पा हिंब सेल्‍यीनी। यूहन्‍ना १४:६

मलाकी 1:6

मिनु मुर नेल्‍ल आन परमप्रभु यावेमी आ नें आइक्‍च सेल्‍ब चढ़ेब आन कली “तौपुकीमी आन आफ कली मान पाइनीम। मिनु गेय पाइबपुकीमी आन होव़प कली यो मान पाइनीम। गो इन आफ नङ हना, मारदे आं कली मान मपाइनीनी? गो इन होव़प नङ हना, मारदे आं कली मान पा महिंनीनी?” देंत। मिनु गेपुकीमी “गो दोपा इन नें आइक्‍च सेल्‍का?” देंतीनी। प्रस्‍थान २०:१२

मत्ती 6:22

इन मिक्‍च रां ङा छेङछेङ बाक्‍ब। मिक्‍च ब्राब्रा मदुम्‍शो बाक्‍त हना, इन रां नेल्‍ल छेङछेङ बाक्‍ब। लूका ११:३४-३६

मत्ती 6:24

सुइमी होव़प निक्‍शी आस गेय पने मचाप्‍ब। मारदे हना का कली मदाक्‍ब, का कली दाक्‍ब। का कली मान पा टीब, का कली मान मपथु मटीब। परमप्रभु यावे नु शोंप निम्‍फा आस कली गेय पने मचाप्‍नीनी। लूका १६:१३; याकूब ४:४

मत्ती 8:9

मारदे हना अधिकार तचा दा गो यो अधिकार तशो नङ, अधिकार पाइनुङ, अधिकारमीन बाक्‍नुङ। गोमी सिपाही का कली ‘लावो’ दे सोइक्‍तुनु, लाइब। का कली ‘पिवो’ दे ब्रेत्‍तुनु, पीब। आं वाइल कली ‘एको गेय पावो’ दे मदुनु, पाइब” देंमाक्‍त।

प्रेरित 2:46

मिनु नाक्‍त किंत किंत परमप्रभु यावे आ खिंमी ग्रुम्‍शा शेंसीबाक्‍मा बाक्‍त। खिं खिं हिरशा, प्रभु भोज जाइबाक्‍मा बाक्‍त। हाइश्‍शो थुं ङा दुम्‍शा, जचा तूचा योक्‍शा, ग्‍येरसीशो दुम्‍शा,

रोमी 9:3

आं लोक्‍ब, आ खिं ङा मुर आन पा ङा गो सराप रशा, ख्रीस्‍त रे तिल्‍चा पुंइसीचा यो बिस्‍सीङ वा। प्रस्‍थान ३२:३२

१ कोरिन्‍थी 2:3

मिनु इन कली शेंदन्‍नीनु, आं रांमी बल मबाक्‍थु, हिंना हिंन, ख्रिंख्रि पा शेंताक्‍न्‍नी। गलाती ४:१३; प्रेरित १८:९; २कोरिन्‍थी १०:३

१ कोरिन्‍थी 7:22

मारदे हना प्रभुमी ब्रेत्‍ची ना वाइलीम वाइल बाक्‍तीनी, प्रभु आ ङोंइती प्रोंइचा पुंइसीशो मुर दुम्‍तीनी। ब्रेत्‍ची ना प्रोंइचा पुंइसीशो मुर बाक्‍तीनी हना, मुल ख्रीस्‍त आ वाइलीम वाइल दुम्‍तीनी।

२ कोरिन्‍थी 1:12

गो आंइ नें बोरपा बाक्‍नीकी। मारदे हना परमप्रभु यावेमी सक्ति गेतीकी। मिनु मेको आन मुर दुम्‍शा, मुर नेल्‍ल आन कुल, इन कुल यो रिम्‍शो थुं रे पा गेय कोंइताक्‍क। आंम आंइ रागी ङा जोक्‍तीक तुइक्‍तीक रे ममाइ। तन्‍न परमप्रभु यावे आ शिशीम पतीके बाक्‍ब। २कोरिन्‍थी २:१७; हिब्रू १३:१८; १कोरिन्‍थी १:१७

२ कोरिन्‍थी 7:15

तीतसमी इन टिशो तशा, ग्‍येरसाक्‍व। गे हिंशा, ख्रिंख्रि पा मेको कली ब्राइतीनी। मिनु इन कली शुश दाक्‍ताक्‍व।

एफिसी 5:22

गे मीश मुरपुकी, प्रभु कली टिशो खोदेंशो पा आंम वोंइश कली यो टिने। उत्‍पत्ती ३:१६; तिमोथी २:११-१२; तीतस २:५

एफिसी 6:24

सु सुमी इं प्रभु येसु ख्रीस्‍त कली गेना हना यो दाक्‍नीमी, मेको नेल्‍लेमी शिशी तामेक्‍ल।

फिलिप्‍पी 2:12

आं दाक्‍शो लोक्‍बपुकी, गेपुकीमी नेल्‍ल नाक्‍त आं देंशो टीतीनी। गो बाक्‍ङानु ला ममाइ, गो मबाक्‍ङानु यो मेको क्‍येङा शुश रिम्‍शो पने। गेपुकी हिंशा ख्रिंख्रि पा इन पाप रे ब्रोंइतीक गेय पने। १पत्रुस १:१७

फिलेमोन 1:16

मुल ङा मेरे मेको कली वाइल ममिम्‍थु, आंम क्‍यी का ङा लोक्‍ब मिम्‍तो। प्रभु आ नेंमी यो लोक्‍ब मिम्‍तो। मिनु मोदेंशो लोक्‍ब दुम्‍शोनु, गेनायो मब्रासीब। १तिमोथी ६:२

यहोसु 24:14

मिनु यहोसुमी “मोपतीके मुल परमप्रभु यावे कली मान पा हिंशा, मेको कली थमा पा मप्रोंइथु, गेय पने। इन किकी पिपीमी खोला आइक्‍ची हांबु नु इजीप्‍त रागीमी पूजा पशो देवी देवता आन कली ताइक्‍तीन। परमप्रभु यावे कली ठेयब सेलीन। यहोसु २४:२; प्रस्‍थान ३२:-

१ पत्रुस 3:2

इन मान पशो नु इन पाप रे ङोन बाक्‍शो तशा, मोदेंशो पाइनीम।