एफिसी 6:4 - Sunuwar Bible

⁴ गे आफपुकी, इन आल आन कली मगाइक्‍पतीन। तन्‍न मेको आन कली रिम्‍शो थुल्‍शा कोल्‍पतीन। मिनु मेको आन कली शेंशा, प्रभु सु बाक्‍बा मेको तुइक्‍पतीन। ब्‍‍यवस्‍था ६:२०-२५

एफिसी 6:4 ပူးပေါင်းရင်းမြစ်များ

उत्पत्ती 18:19

गो अब्राहाम कली तुइक्‍नुङ, आ आल नु आ चच युइ आन कली परमप्रभु यावे आ लां गाक्‍पाइक्‍चा कली अरेब। मिनु मेकोपुकी परमप्रभु यावे आ लां खोइक्‍ब दुम्‍शा, ठीक नु रिम्‍शो पचा शेंसीशा पाइ‍नीम। परमप्रभु यावेमी अब्राहाम कली मार लोव़ देंमे, मेको नेल्‍ल दुम्‍ल” देंमाक्‍त। ब्‍यवस्‍था ६:७; ब्‍यवस्‍था ३२:४६

१ इतिहास 28:20

मिनु दाऊदमी आ तौ सोलोमन कली “बोल्‍यो नु महिंब दुम्‍शा, एको गेय पावो। महिनो, इ थुं ग्‍येत्‍थ लुक्‍च मपावो। मारदे हना परमप्रभु यावे, आं परमप्रभु गे नु बाक्‍ब। परमप्रभु यावेमी आ खिंमी गेय पचा कली मारेइ मारेइ सेल्‍ने मथुमा सम्‍म इ कली मप्रोंइथु वारच पाइब। १इतिहास २२:१३; ब्‍यवस्‍था ३१:६

१ इतिहास 29:19

आं तौ सोलोमन कली इन शेंतीके, इन देंशो नु फुल्‍लुम मुशा ब्रेक्‍शो लोव़ आ थुं नेल्‍लेमी पपतीन। मेकोमी नेल्‍ल पने चबल। मिनु आं ठीक पा वोइश्‍शो थोव़कमी इन खिं सेल्‍ने चबल” दे दाऊदमी परमप्रभु कली देंमाक्‍त।

हितोपदेस 19:18

आस बाक्‍म सम्‍म इ तौ कली शेंशा तुपो। तन्‍न मेको कली तुप्‍शा मसतो। ब्‍यवस्‍था २१:१८-२१

हितोपदेस 22:15

वोंइश आल आन थुंमी मरिम्‍शो पतीक यो बाक्‍ब। तन्‍न शेंशा इच्‍का तुप्‍शोनु, आ मरिम्‍शो पतीके प्रोंइब। हितोपदेस १३:२४; हितोपदेस २३:१३-१४; हितोपदेस २९:१७

हितोपदेस 22:6

इ तौ कली गारचा ङा पा रिम्‍शो शेंदो। मेकोमी खाल्‍पा दुम्‍चा सम्‍म मेको लां मप्रोंइब। हितोपदेस २०:११

हितोपदेस 29:15

वोंइश आल आन कली तुप्‍शा, हुइश्‍शोनु, जोक्‍ब तुइक्‍ब दुम्‍नीम। मारेइ मशेंशो वोंइश आलम चहिं आ आम कली मुने तोक्‍ब। हितोपदेस २२:१५; १राजा १:६

हितोपदेस 29:17

इ तौ कली रिम्‍शो पा शेंदो। मिनु मेकोमी इ थुं नाइक्‍पाइश्‍शा इ कली ग्‍येरपाइक्‍ब। हितोपदेस २३:१३

यसैया 38:19

ब्रोंइशोपुकीम ला इन कली ‘गे रिम्‍शो पाइब बाक्‍नीनी’ देंनीमी। मिनु गो मुलाक्‍ती मोदेंशो पाइनुङ। आफपुकीमी गे थमा सुइक्‍चा माल्‍शो बाक्‍नीनी, दे आन आल आन कली शेंनीम” दे हिज्‍कीयाहमी देंत।

एफिसी 6:3

मेको आसीक मार बाक्‍ब देंशा हना “गे मो पाइतीनी हना, इन कली रिम्‍शो दुम्‍ब। मिनु गे शुश बर्स ब्रोंइचा ताइनीनी” दे ब्रेक्‍शो बाक्‍ब। ब्‍‍यवस्‍था ५:१६

ब्‍यवस्‍था 4:9

इन आंम तशो इन थुंम वोइश्‍शा, मप्रेंथु, होस पा बाक्‍कीन। गे ब्रोंइनी सम्‍म इन थुंम वोतीन। इन आल नु चच युइ आन आन कली शेंदीन। भजन संग्रह १०३:२

ब्‍यवस्‍था 6:7

मिनु गेपुकीम मेको लोव़ इन आल आन कली शेंचा माल्‍नीनी। मिनु खिंम बाक्‍नीनु, लांम गाक्‍नीनु, इप्‍शा बाक्‍नीनु, बोक्‍नीनु, मेको अरेशो लोव़ आन पर्बम लोव़ पने। उत्‍पत्ती १८:१९

कलस्‍सी 3:21

गे आल आन आफपुकी यो, इन आल आन कली रिम्‍शो पने। काइ श्‍येत मगेने। श्‍येत गेतीनी हना, आन थुं जिक्‍ब।

२ तिमोथी 1:5

इ रिम्‍शो थमा सुइक्‍तीके मिम्‍नुङ। मोदेंशो थमा सुइक्‍तीके ङोंइती इ बगे लोइसमी, नोले इम्‍मा युनीसमी बाक्‍शो बाक्‍त। मुल थमा पा इ आगाम बाक्‍ब। गो मेको तुइक्‍नुङ। प्रेरित १६:१-३

२ तिमोथी 3:15

गे आल रे ना परमप्रभु यावे आ लोव़ तुइश्‍शो बाक्‍नेवे। मेको लोव़मी ख्रीस्‍त येसु कली थमा सुइश्‍शा “दोपा पाप रे प्रोंइचा” दे इ कली शेंने चाप्‍ब। यूहन्‍ना ५:३९

यहोसु 24:15

तन्‍न परमप्रभु यावे आ नें ठेयब सेल्‍चा मदाक्‍नीनी हना, सु कली ठेयब सेल्‍नीनी? मुलाक्‍ती योव़ङीन। गे इन किकी पिपीमी खोला आइक्‍ची हांबुम पूजा पशो देवी देवता आन कली ठेयब सेल्‍नीनी देय मुल बाक्‍शो एमोरी आन रागी ङा देवी देवता आन कली ठेयब सेल्‍नीनी? योव़ङीन। तन्‍न गो नु आ खिं ङा मुरुमी परमप्रभु यावे कली ला ठेयब सेल्‍नीकी” देंत। ब्‍यवस्‍था ६:१३-१४

न्‍यायाधीस 13:12

मिनु मानोआहमी “इन देंशो लोव़ दुम ङा मेरे मेको वोंइश आलमी मार मार पचा दुम्‍बा, मार मार पचा मदुम्‍बा” दे हिल्‍लो पवा बाक्‍त।