एफिसी 6:3 - Sunuwar Bible

³ मेको आसीक मार बाक्‍ब देंशा हना “गे मो पाइतीनी हना, इन कली रिम्‍शो दुम्‍ब। मिनु गे शुश बर्स ब्रोंइचा ताइनीनी” दे ब्रेक्‍शो बाक्‍ब। ब्‍‍यवस्‍था ५:१६

एफिसी 6:3 ပူးပေါင်းရင်းမြစ်များ

यसैया 3:10

दोस मताइब मुर आन कली रिम्‍शो दुम्‍ब। मारदे हना मेकोमी आ गेय पशो रे जाइब।

येरमीया 35:7

मेको प्रोंइशा यो गेपुकीम गेनायो खिं मसेलीन। वांचेर मशोक्‍कीन। अङगुर मख्रुमीन। गेपुकीम मोदेंशो गेय गेनायो मपने। तन्‍न इन बाक्‍शो रागीम शुश सम्‍म ब्रोंइमल, दे गेना हना यो ताम्‍बुपुकीम बाक्‍शा हिरशा गाक्‍कीन’ दे शेंशो बाक्‍त।

येरमीया 42:6

मेको रिम्‍शो दुम्‍ल कि मरिम्‍शो दुम्‍ल। गो परमप्रभु यावे, इं परमप्रभु आ बाक्‍तीक इन कली सोइक्‍ताक्‍क। गोपुकीम मेको आ अरेशो टीनीकी। मिनु परमप्रभु यावे, इं परमप्रभु आ लोव़ टितीके, गो आंइ कली रिम्‍शो दुम्‍ल” देंतेक्‍म।

एफिसी 6:2

मिनु गे इन आम आफ कली मान पने। मेको ङोंइती ङा आसीक पाइश्‍शो अरेतीक लोव़ बाक्‍ब। प्रस्‍थान २०:१२

एफिसी 6:4

गे आफपुकी, इन आल आन कली मगाइक्‍पतीन। तन्‍न मेको आन कली रिम्‍शो थुल्‍शा कोल्‍पतीन। मिनु मेको आन कली शेंशा, प्रभु सु बाक्‍बा मेको तुइक्‍पतीन। ब्‍‍यवस्‍था ६:२०-२५

ब्‍यवस्‍था 12:25

गेपुकीम मेको मब्‍वचा। मिनु गे परमप्रभु यावे आ ङोंइती मार ठीक बाक्‍मे, मेको पतीके, गेपुकी नु इन नोले ङा इन आल आन कली रिम्‍शो दुम्‍ल।

ब्‍यवस्‍था 12:28

गेपुकीमी होस पा आं अरेशो लोव़ नेल्‍ल नेनीन। मिनु टिशा पाइतीनी हना, इन कली नु इन नोले ङा इन तमी तौ आन कली गेना हना यो रिम्‍शो दुम्‍ब। परमप्रभु यावे, इन परमप्रभु आ ङोंइती रिम्‍शो नु ठीक पाइबपुकी रिम्‍शो दुम्‍नीम।

ब्‍यवस्‍था 22:7

मेको चिक्‍ब कली बेरचा गेचा माल्‍नीनी। आ चाइक्‍ब आन कली लाइक्‍ने चाप्‍नीनी। मो पाइतीनी हना, गे रिम्‍शो पा बाक्‍चा ताइनीनी। मिनु इन ब्रोंइतीक नाक्‍त शुश दुम्‍नीम।

ब्‍यवस्‍था 4:40

मुलाक्‍त गो इन कली माइश्‍शो परमप्रभु यावे आ फुल्‍लुम मुशा ब्रेक्‍शो लोव़ नु आ शेंशो टिने। मो पाइतीनी हना, इन आल नु चच आन कली रिम्‍शो दुम्‍ब। मिनु परमप्रभु यावे, इन परमप्रभुमी इन कली गेना हना यो बाक्‍चा कली गेशो रागीम गे शुश नाक्‍ती बाक्‍चा ताइनीनी।

ब्‍यवस्‍था 5:16

परमप्रभु यावे, इन परमप्रभुमी अरेशो खोदेंशो पा इन आंम आफ कली मान पने। मो पाइतीनी हना, परमप्रभु यावे, इन परमप्रभुमी इन कली गेशो रागीम रोइ मपथु, शुश नाक्‍त ब्रोंइशा बाक्‍नीनी।

ब्‍यवस्‍था 5:33

परमप्रभु यावे, इन परमप्रभुमी इन कली कोंइशो लां ठीक पा गाक्‍कीन। मो पाइतीनी हना, गे ब्रोंइनीनी, इन कली रिम्‍शो दुम्‍ब नु इन के सेल्‍चा चिक्‍शो रागीम शुश नाक्‍ती ब्रोंइनीनी।

ब्‍यवस्‍था 6:18

मिनु परमप्रभु यावे आ ङोंइती तेको ठीक नु रिम्‍शो बाक्‍बा, मेको पने। मोपा इन कली रिम्‍शो दुम्‍ब। मिनु परमप्रभु यावेमी इन किकी पिप नु कसम जशो, रिम्‍शो रागी इन के सेलीन।

ब्‍यवस्‍था 6:3

मोपतीके इस्राएलीपुकी, इन नोफा दाइश्‍शा, एको पचा कली होस पा बाक्‍कीन। गे शुश सोशो बोशो दुम्‍शा इन कली रिम्‍शो दुम्‍ल। ङोंइती परमप्रभु यावे, इन किकी पिपी आन परमप्रभुमी मेको आन कली मोदेंशो पा लोव़ पाप्‍तु। मेको दूध नु खुदो शुश बाक्‍शो रागी इन के दुम्‍ब। लूका ११:२८

रूथ 3:1

मिनु रूथ आ शिमी नाओमीमी “आं चाइमी, इ कली रिम्‍शो दुम्‍चा कली इ खिं पशा बाक्‍शो तचा दाक्‍नुङ।