एफिसी 6:23 - Sunuwar Bible

²³ मिनु इं आफ परमप्रभु यावे नु प्रभु येसु ख्रीस्‍तमी इन कली थुं नाइश्‍शा बाक्‍चा गेम्‍सेक्‍ल।

एफिसी 6:23 ပူးပေါင်းရင်းမြစ်များ

उत्पत्ती 43:23

मिनु मेकोमी “इन थुं नाइक्‍तीने, महिनीने। इन परमप्रभु, इन आफ आ परमप्रभुमी इन क्‍येट इन धोक्रोम कुर पवा माइ। गो इन क्‍येट ताक्‍ता” देंमाक्‍त। मिनु मेकोमी सिमियोन कली चाक्‍गा बाक्‍त। उत्‍पत्ती ४२:२४

यूहन्‍ना 14:27

गो आं थुं नाइश्‍शो खोदेंशो पा इन थुं नाइक्‍पाइक्‍नन्‍नी। मुरुमी पशो खोदेंशो ममाइ, इन थुं ग्‍येत्‍थ लुक्‍च मपने। महिनीने। यूहन्‍ना १६:३३; फिलिप्‍पी ४:७

रोमी 1:7

गे योव़चा पुंइसीशा, परमप्रभु यावे आ दाक्‍शो रोम सहरम बाक्‍बपुकी इन कली एको लोव़ ब्रेक्‍ताक्‍ङ। इं आफ परमप्रभु यावे नु प्रभु येसु ख्रीस्‍तम इन कली शिशी पा इन थुं नाइश्‍शा बाक्‍चा गेम्‍सेक्‍ल। १कोरिन्‍थी १:२; २कोरिन्‍थी १:१-२; एफिसी १:१; गन्‍ती ६:२४-२६

रोमी 15:33

नेल्‍ल इं थुं नाइक्‍पाइक्‍ब परमप्रभु यावे गेपुकी नु बाक्‍ल। आमेन।

१ कोरिन्‍थी 1:3

इं आफ परमप्रभु यावे नु प्रभु येसु ख्रीस्‍तमी इन कली शिशी पा इन थुं नाइश्‍शा बाक्‍चा गेम्‍सेक्‍ल।

२ कोरिन्‍थी 13:11

आं लोक्‍बपुकी, मुल रिम्‍शो बाक्‍कीन। रिम्‍शो पने। आं लोव़ नेंशा टीब दुमीने। इन दातेमी गारमुने। थुं नाइश्‍शा बाक्‍कीने। दाक्‍तीक नु थुं नाइक्‍तीक गेब परमप्रभु यावे गेपुकी नु बाक्‍ल। फिलिप्‍पी ४:४; रोमी १५:३३

गलाती 5:6

ख्रीस्‍त येसु नु थुं का दुम्‍शा, ख्रोइक्‍तीक चिनु ख्रोइश्‍शो, मख्रोइश्‍शो आन कली मतिल्‍थु, थमा सुइक्‍तीकेमी दुशा गारशा दाक्‍मुशा बाक्‍शोम सक्ति बाक्‍ब। गलाती ६:१५; रोमी २:२६; १कोरिन्‍थी ७:१९

गलाती 6:16

गे सु सु आं देंशो लोव़ टिशा पाइनीनी, मेको थुं नाइश्‍शा नु शिशी तशा बाक्‍चा ताइनीम। मेको ला ममाइ, परमप्रभु यावे कली थमा सुइक्‍ब, इस्राएली, दे नें वोइक्‍चा पुंइसीनीम। भजन संग्रह १२५:५

एफिसी 6:24

सु सुमी इं प्रभु येसु ख्रीस्‍त कली गेना हना यो दाक्‍नीमी, मेको नेल्‍लेमी शिशी तामेक्‍ल।

१ थिस्‍सलोनिकी 5:8

तन्‍न गोपुकी नाक्‍त ङा मुर दुम्‍शा “प्रभु यीब” दे मिम्‍ना मिम्‍न बाक्‍शा, परमप्रभु यावे आ या ङा पीतल के भोटो खोदेंशो पा, थमा सुइक्‍तीके नु दाक्‍तीके फेक्‍शा बाक्‍य। पीतल के ताकी गुप्‍शो खोदेंशो पा पाप रे प्रोंइशो बाक्‍नुङ, दे तुइश्‍शा आस पय। एफिसी ६:१४-१७

२ थिस्‍सलोनिकी 1:3

आंइ लोक्‍बपुकी, इन कली मिम्‍शा, परमप्रभु यावे कली “गे रिम्‍शो पाइब बाक्‍नीनी” देंचा ठीक बाक्‍ब। मारदे हना इन थमा सुइक्‍तीके हु बारशा, इन दाक्‍मुतीक यो बारना बारन लाइब। १थिस्‍सलोनिकी १:२-३

२ थिस्‍सलोनिकी 3:16

थुं नाइक्‍चा गेब प्रभुमी दोदेंशो बाक्‍तीनी हना यो, इन कली गेना हना यो थुं नाइक्‍चा गेवल। प्रभु गेपुकी नेल्‍ल नु बाक्‍ल। यूहन्‍ना १४:२७

१ तिमोथी 1:14

इं प्रभुमी आ दाक्‍शो थमा सुइक्‍तीके नु दाक्‍तीके थुं ब्रीशा, क्‍युप्‍चा ङा पा गेती। मेको निम्‍फा ख्रीस्‍त येसु नु बाक्‍नीस।

१ तिमोथी 1:3

गो मासीडोनीया रागी लङानु, गे एफिसस सहरम बाक्‍को। मेकेर मुर का निक्‍शीमी दूली लोव़ शेंनीम। मोदेंशो मशेंदीन, दे अरेवो। प्रेरित २०:३

१ तिमोथी 5:8

सुमी आ खिं ङा मुर आन कली मकोव़बा, मेको आ थमा सुइक्‍तीके जाम्‍शा लशा, थमा मसुइक्‍ब आन क्‍येङा यो मरिम्‍शो दुम्‍ब। मत्ती १५:५-६

१ पत्रुस 5:14

गे दाक्‍मुशा, प्रभु आ नेंमी मुम्‍मुने। परमप्रभु यावेमी ख्रीस्‍तम बाक्‍शो नेल्‍ल इन कली थुं नाइक्‍चा गेवल।

३ यूहन्‍ना 1:14

तन्‍न इ कली ग्रुम्‍थ जाक्‍चा कली आस पाइनुङ। मिनु ग्रुम्‍शा कोव़मुशा लोव़ पाइनस।

प्रकाश 1:4

गो यूहन्‍नामी एसीया ङा येसु ख्रीस्‍त कली थमा सुइक्‍ब ७ ओटा सहर ङा थमा सुइक्‍ब आन ग्रुम्‍तीके ङा शेंब आन कली चिठी ब्रेक्‍ताक्‍ङ। मिनु मुल बाक्‍ब, ङोंइती बाक्‍शो, नोले यो जाक्‍बमी नु परमप्रभु यावे आ ठेयब नित्‍तीके आ ङोंइती बाक्‍ब ७ ओटा ठाउं ङा परमप्रभु यावे आ सोक्‍तीमी इन कली “शिशी तशा नु थुं नाइश्‍शा बाक्‍चा तामेक्‍ल” देंताक्‍स। प्रस्‍थान ३:१४-१५; प्रकाश ३:१; प्रकाश ५:६

१ सामुएल 25:6

मिनु मार देनीन देंशा हना ‘इन थुं नांइसेक्‍ल। इन खिं ङा मुर थुं नाइश्‍शा बाक्‍चा तामेक्‍ल। गे नु बाक्‍ब नेल्‍ले थुं नाइश्‍शा बाक्‍मल।