एफिसी 6:20 - Sunuwar Bible

²⁰ गो मेको लोव़ शेंचा कली साङलोम फ्रेंशा सोइश्‍शो मुर दुम्‍ती। गेपुकीमी आं पर्बम “महिंथु शेंदल” दे परमप्रभु यावे कली पुनीने। मोपा महिंथु, लोव़ पचा परमप्रभु यावे आ दाक्‍शो बाक्‍ब। २कोरिन्‍थी ५:२०; प्रेरित २८:३१

एफिसी 6:20 ပူးပေါင်းရင်းမြစ်များ

हितोपदेस 13:17

मरिम्‍शो लोव़ कुरबमी श्‍येत चाक्‍ब। तन्‍न थमा सुइक्‍चा ङा लोव़ कुरब मुरुम थुं नाइक्‍चा ङा लोव़ चाक्‍ब।

यसैया 33:7

नेनीन, मेको आन बोल्‍यो मुरपुकी लांम ग्रीनीमी। गारपइक्‍तीक लोव़ चाक्‍ब मुर हुइ हुइ पा ङाक्‍‍नीम। यसैया २९:१

यसैया 58:1

मिनु परमप्रभु यावेमी “ठेयब सेंदा पा ग्रीङो। तुराही खोदेंशो पा ठेयब सेंदा पावो। आं मुर आन काइ मटिशो नु याकूब आ खिं ङा मुर आन पाप तुइक्‍पाइक्‍मी। मीका ३:८

येरमीया 1:17

गे चहिं बोक्‍शा, ठीक दुमो। मिनु गो इ कली मार, मार, अरेङा, मेको आन कली माइक्‍मी। गे मेको आन क्‍येङा महिनो। मो पाप्‍तीवी हना, गो इ कली मेको आन ङोंइती हिंपाइक्‍नन।

येरमीया 40:1

मिनु पिप कली कोव़ब आन कप्‍तान नेबुजरादानमी, येरमीया कली साङलोमी फ्रेंशा यरूसलेम नु यहूदा ङा फ्रेंशो मुरपुकी नु बेबीलोन लाइक्‍चा चिक्‍शो थिदा बाक्‍त। मिनु येरमीयामी रामाह प्रोना नोले परमप्रभु यावेमी मेको कली लोव़ पाप्‍तु। येरमीया ३९:११-१४

प्रेरित 21:33

मिनु लडाइ पाइब आन ठेयब मुरुम पावल कली ग्‍याइक्‍पाइश्‍शा, साङलो निक्‍शी लिक्‍तीने देंशा लिक्‍पाइश्‍शा आ ङोंइती राप्‍पदा बाक्‍त। मिनु “एको मुर ते ङा बाक्‍मे? मार पवा?” दे मुर आन कली हिल्‍लो पचा गोवा बाक्‍त। प्रेरित २०:२३

प्रेरित 26:29

पावलमी “लोव़ का निक्‍शी पशा हना यो, शुश पशा हना यो, दोपा यो आं खोदेंशो दु‍मीन, दे मिम्‍नुङ। सरकार ला ममाइ, एकेर खुम्‍सीशा बाक्‍ब नेल्‍ल आं खोदेंशो दुम्‍मल। तन्‍न ग्‍याइश्‍शा साङलोम पाइश्‍शा जेल्‍खानमी चोक्‍चा चहिं मपुंइसमल, दे पुंइ‍नुङ” देंमाक्‍त।

प्रेरित 28:20

इन कली एको लोव़ नेल्‍ल रुप्‍पाइक्‍थ ब्रेश्‍शा खुप्‍ताक्‍न्‍नी। आं दोस चहिं मार बाक्‍ब देंशा हना, इं इस्राएलीपुकीमी परमप्रभु यावेमी पाप रे प्रोंइब ख्रीस्‍त कली रागीमी सोइश्‍शो देंशो लोव़ थमा सुइश्‍शो आ पर्बम साङलो पाइक्‍चा पुंइसाक्‍ङ” दे माइक्‍तीमी। प्रेरित २६:६-७

प्रेरित 28:31

शेंचा मदुम्‍ब, दे सुइमी मदेंबाक्‍मा बाक्‍त। मिनु ठेयब थुं पा परमप्रभु यावे आ राज्‍य नु प्रभु येसु ख्रीस्‍त आ पर्बम शेंना शेंन बाक्‍माक्‍त। एफिसी ६:२०

प्रेरित 5:29

मिनु पत्रुस नु येसु आ सोइश्‍शो नेल्‍लेमी “गोपुकीमी मुर आन लोव़ क्‍येङा परमप्रभु यावे आ लोव़ टिचा, दे थुं फ्रेंताक्‍क। प्रेरित ४:१९; दानीएल ३:१७-१८

२ कोरिन्‍थी 3:12

मोदेंशो आस पतीके गो काइ महिंब दुम्‍शो बाक्‍नीकी।

२ कोरिन्‍थी 5:20

मिनु गो ख्रीस्‍त आ पर्बम मुर आन कली गेय पाइब बाक्‍नीकी। परमप्रभु यावेमी आंइ पतीकेमी मुर आन कली ब्रेप्‍ब। गोपुकी ख्रीस्‍त आ पर्बम मुर नेल्‍ल आन कली “परमप्रभु यावे नु गारब दुमीने” दे शेंनीकी। लूका १०:१६

एफिसी 3:1

मिनु गो पावल अर्को रागी ङा मुर इन कली ख्रीस्‍त येसु आ लोव़ शेंतीके साङलोम पाइक्‍‍साक्‍यी। फिलिप्‍पी १:७,१३

एफिसी 4:1

गो प्रभु आ पर्बम ग्‍याइक्‍चा पुंइसीब, इन कली अरेनुङ। गेपुकी परमप्रभु यावे आ ब्रेश्‍शो दुम्‍शो बाक्‍नीनी। मोपतीके परमप्रभु यावे कली शिरशो गेय पने।

एफिसी 6:19

आं पर्बम यो पुनीन। आं कली मिम्‍शा, मार पुनीन देंशा हना, येसु ख्रीस्‍त आ पर्बम ङोंइती ख्रुइश्‍शो ग्‍येरपाइक्‍ब लोव़ मुल गो महिंथु, शेंने चबुल, दे पुनीन। कलस्‍सी ४:३; २थिस्‍सलोनिकी ३:१; प्रेरित ४:२९

फिलिप्‍पी 1:20

गो काइ मुने मदोक्‍नुङ, दे तुइश्‍शा, आस पाइनुङ। मिनु काइ महिंब दुम्‍शा, ब्रोंइती हना यो, साइक्‍तीमी हना यो, मुरपुकीमी गेना हना यो ख्रीस्‍त कली ठेयब सेल्‍मेक्‍ल, देंनुङ।

फिलिप्‍पी 1:7

नेल्‍ल इन पर्बम मोदेंशो मिम्‍चा ठीक बाक्‍ब। मारदे हना गो इन कली शुश दाक्‍नुङ। आं जेल्‍खानमी चोक्‍चा पुंइसीशो, निसाफ पची ना नु ग्‍येरपाइक्‍ब लोव़ शेंची ना गो इन कली मिम्‍नुङ। गो नेल्‍ल खाल का ङा शिशी ताइब बाक्‍नय।

कलस्‍सी 4:3

गेपुकीमी आंइ कली यो मिम्‍शा प्रार्थना पने। परमप्रभु यावेमी आंइ कली ख्रीस्‍त आ ख्रुइश्‍शो लोव़ शुश मुर आन ङोंइती शेंने चाप्‍मेक्‍ल, दे पुनीन। मेको लोव़ शेंतीके गो ग्‍याइक्‍चा पुंइसाक्‍यी। रोमी १५:३०; एफिसी ६:१९; २थिस्‍सलोनिकी ३:१; १कोरिन्‍थी १६:९; कलस्‍सी १:२६-२७

कलस्‍सी 4:4

रिम्‍शो रुप्‍चा ङा लोव़ पने चाप्‍‍मेक्‍ल, दे यो पुनीन।

१ थिस्‍सलोनिकी 2:2

गोपुकी ङोंइती फिलिप्‍पी सहरमी श्‍येत जशा, मुरपुकीमी आंइ कली शुक्‍शी पाम्‍तेक्‍म, दे तुइक्‍नीनी। शुश शुक्‍शी पाम्‍तेक्‍म हना यो, परमप्रभु यावेमी आंइ कली वारच पाइब, दे थमा सुइश्‍शा, परमप्रभु यावे आ ग्‍येरपाइक्‍ब लोव़ इन कली शेंताक्‍क। प्रेरित १६:२०-२४; प्रेरित १७:१-५

२ तिमोथी 1:16

प्रभुमी ओनेसीफरस आ खिं ङा मुर आन कली शिशी पवल। मारदे हना साङलोम पाइश्‍शो बाक्‍ङानु, ओनेसीफरस आं पर्बम मुने मपथु, आं कली शुश रिम्‍शो पाप्‍तु। २तिमोथी ४:१९

२ तिमोथी 2:9

मेको ग्‍येरपाइक्‍ब लोव़ शेंतीके, गो मरिम्‍शो पाइब खोदेंशो पा साङलोम पाइक्‍चा पुंइसीशा श्‍येत जाइनुङ। तन्‍न परमप्रभु यावे आ लोव़ दा मपांइसीशो बाक्‍ब। फिलिप्‍पी १:१२-१४

फिलेमोन 1:10

जेल्‍खानम बाक्‍ङानु, ओनेसीमस कली ग्रुम्‍ता। मेकोमी थमा सुदा रे आं दाक्‍शो तौ दुम्‍त। गो थमा पोबु दुम्‍तस्‍कु। कलस्‍सी ४:९; १कोरिन्‍थी ४:१५; गलाती ४:१९

फिलेमोन 1:9

तन्‍न गे मुर आन कली दाक्‍शा शिशी पाइनेवे, आं देंशो यो टीनेवे, दे तुइश्‍शा, अधिकार कोंइचा ममाल्‍दी। गो ख्रीस्‍त येसु आ पर्बम जेल्‍खानम चोक्‍चा पुंइसीशो खाल्‍पा पावलमी इ कली इम्‍चीली लोव़ का माइक्‍नन।

१ यूहन्‍ना 3:16

मिनु लोक्‍ब आन कली दाक्‍चा, दोपा तुंइ‍सीब देंशा हना, येसु ख्रीस्‍त इं कली दाक्‍शा, साइक्‍चा पुंइसाक्‍व। मिनु गोपुकीमी यो लोक्‍ब आन कली दाक्‍चा माल्‍नय। थमा सुइक्‍ब लोक्‍ब आन कली मबेक्या सम्‍म वारच पचा माल्‍नय। यूहन्‍ना १५:१३

यहूदा 1:3

आं दाक्‍शो लोक्‍बपुकी, गो इन कली इं पाप रे प्रोंइतीक आ पर्बम ब्रेक्‍चा दाक्‍ती। थमा सुइक्‍तीके आ पर्बम दोपा गेय पचा, दे इन कली शेंचा दाक्‍ताक्‍ङ। मेको थमा सुइक्‍तीक पाप रे ङोन बाक्‍ब आन कली ङोंइती रे शेंने थुम्‍शो बाक्‍त। १तिमोथी १:१८