एफिसी 6:11 - Sunuwar Bible

¹¹ मिनु परमप्रभु यावे आ गेशो या नेल्‍ल लतीन। सैतानमी आ मरिम्‍शो थुंमी इन कली खतम सेल्‍चा माल्‍तु हना, गेपुकी परमप्रभु यावे आ गेशो यामी ग्रानीनी।

एफिसी 6:11 ပူးပေါင်းရင်းမြစ်များ

नेहेम्‍याह 4:13

मोपतीके गो गारो आ नेल्‍ल क्‍येङा आइक्‍च दुम्‍तीके, आंइ जोरी सत्रु आन शुश श्‍येत मजथु, ओव़ने चाप्‍‍तीकेम, मुर आन कली खुप्‍ताक्‍ङमी। मेको आन कली तरवार, तूतीक नु लिब्रा कुरपाइश्‍शा मेकेर वोइक्‍ता‍मी।

मर्कूस 13:22

शुशेमी ‘गो ख्रीस्‍त नङ’ दे जोल पा गाक्‍नीम। ‘परमप्रभु यावे आ लोव़ पाइब नकी’ दे जोल पाइबपुकीमी चिन्‍ड नु छक लाक्‍चा ङा गेय पा कोंइनीम। मेकोपुकीमी परमप्रभु यावे आ योव़शो आन कली यो लां प्रोंइपाइक्‍चा माल्‍नीम।

रोमी 13:12

नाक्‍दो लाक्‍शा नां सोक्‍शा, छेङछेङम बाक्‍शो खोदेंशो दुम्‍शा, होस पा बाक्‍कीन। छिङछिङ ङा गेय ताइश्‍शा, छेङछेङ ङा या पिम्‍‍सीन। १यूहन्‍ना २:८; एफिसी ५:११

रोमी 13:14

नक वा फेक्‍शो खोदेंशो पा प्रभु येसु ख्रीस्‍त नु रां का दुम्‍शा, इन रां कली मरिम्‍शो पचा मगेने। गलाती ३:२७; १कोरिन्‍थी ९:२७; कलस्‍सी २:२३

१ कोरिन्‍थी 10:13

मुल सम्‍म गे फाल्‍ने मचाप्‍चा ङा पा थुं नाक्‍‍चा मपुंइसीनी। परमप्रभु यावे थमा सुइक्‍चा माल्‍शो बाक्‍ब। इन फाल्‍ने चाप्‍तीक सक्ति कोव़शा, इन फाल्‍ने मचाप्‍चा ङा पा थुं थाम्‍चा मगेब। तन्‍न गेप्‍तु हना यो, इन फाल्‍ने चाप्‍तीक सक्ति बारपाइक्‍ब दे तुइक्‍तीने। भजन संग्रह ६८:२०; २पत्रुस २:९

२ कोरिन्‍थी 10:4

आंइ लडाइ पतीक या रागी ङा खोदेंशो मबाक्‍नीम। तन्‍न मेको परमप्रभु यावे आ सक्ति पाइश्‍शो बाक्‍नीम। मेकोमी मारेइ मारेइ खतम सेल्‍ने चाप्‍नीम। एफिसी ६:१३-१७

२ कोरिन्‍थी 11:3

बुस्‍सुमी हव्‍वा कली मिलो शिलो पा जोल पा आ थुं हिरपा, परमप्रभु यावे कली मटीब सेल्‍शो खोदेंशो पा, दूली शेंबपुकीमी इन थुं क्‍याल्‍शा, ख्रीस्‍त कली दाक्‍चा रे हेंथे लां खोइक्‍पाइक्‍नीम। उत्‍पत्ती ३:४,१३

२ कोरिन्‍थी 2:11

सैतानमी इं कली खतम सेल्‍चा मतवल। मारदे हना मेको आ मिम्‍शो गो नेल्‍ल तुइक्‍नय। लूका २२:३१; १पत्रुस ५:८

२ कोरिन्‍थी 4:4

मेको आन थुं दोपा मोदेंशो दुम्‍त देंशा हना, रागी कली हुकुम पाइब सैतानमी मेको आन कली मिक्‍च मताइब खोदेंशो पा मरुप्‍ब सेल्‍शो बाक्‍त। मोपा ख्रीस्‍त आ ग्‍येरपाइक्‍ब लोव़ आ छेङछेङ तने मचाप्‍नीम। ख्रीस्‍त परमप्रभु यावे आ कोंइतीके बाक्‍ब। हिब्रू १:३

२ कोरिन्‍थी 6:7

थमा लोव़ पाइनीकी, परमप्रभु यावे आ सक्तिमी गेय कोंइनीकी, ग्‍युरा नु पेरा निम्‍फा रे ठीक पतीके पाइश्‍शो बाक्‍नीकी।

एफिसी 4:14

गोपुकीम आल खोदेंशो पा मुर आन शेंशो हेंथे लोव़ थमा सुइक्‍चा मदुम्‍नय। दूली शेंबपुकीमी निप्‍स खाप्‍शा, मुर आन कली जोल पा फश लोव़ शेंशा, दूली लां खोइक्‍पाइक्‍नीम। १कोरिन्‍थी १४:२०; हिब्रू १३:९; याकूब १:६

एफिसी 4:24

परमप्रभु यावे आ थुं खोदेंशो पा थमा पा ठीक पतीकेमी परमप्रभु यावे आ मुर दुम्‍शा बाक्‍कीन। उत्‍पत्ती १:२६-२७

एफिसी 6:13

मोपतीके परमप्रभु यावे आ गेशो या नेल्‍ल लतीन। मेकोमी ला मरिम्‍शो नाक्‍त ग्राशा राप्‍ने चाप्‍नीनी।

कलस्‍सी 3:10

रिम्‍शो पाइब नक मुर दुमीन। परमप्रभु यावेमी इन थुं आ थुं खोदेंशो पा नक सेल्‍ना सेल्‍न बाक्‍ब। मारदे मो पाइब देंशा हना, आंम कली नेल्‍ल तुइक्‍पाइक्‍चा कली मोदेंशो पाइब। एफिसी ४:२४; उत्‍पत्ती १:२६-२७

१ थिस्‍सलोनिकी 5:8

तन्‍न गोपुकी नाक्‍त ङा मुर दुम्‍शा “प्रभु यीब” दे मिम्‍ना मिम्‍न बाक्‍शा, परमप्रभु यावे आ या ङा पीतल के भोटो खोदेंशो पा, थमा सुइक्‍तीके नु दाक्‍तीके फेक्‍शा बाक्‍य। पीतल के ताकी गुप्‍शो खोदेंशो पा पाप रे प्रोंइशो बाक्‍नुङ, दे तुइश्‍शा आस पय। एफिसी ६:१४-१७

हिब्रू 7:25

मोदुम्‍तीके येसु रे पा परमप्रभु यावे आ ङोंइती जाक्‍दीश्‍शो आन कली येसुमी गेना हना यो वारच पने चाप्‍ब। मारदे हना मेको आन पर्बम गेना हना यो परमप्रभु यावे आ ङोंइती बाक्‍शा पुंइशो बाक्‍ब। रोमी ८:३४; १यूहन्‍ना २:१

याकूब 4:7

गेपुकी परमप्रभु यावेमी देंशो लोव़ टिने। सैतान रे ङोन बाक्‍कीन। मो पाइतीनी हना, सैतानमी इन कली प्रोंइब। मत्ती २३:१२; १पत्रुस ५:८-९

१ पत्रुस 5:8

गेय पचा ङोंइती मिम्‍तीन। होस पा बाक्‍कीन। मारदे हना इन कली मदाक्‍ब सैतानमी शोव़लु बेक्‍शो गुप्‍स खोदेंशो पा “सु कली ब्‍वाइनुङा” दे माल्‍ना माल्‍न गाक्‍ब। १थिस्‍सलोनिकी ५:६; लूका २२:३१; २कोरिन्‍थी २:११

यहूदा 1:24

येसु ख्रीस्‍तमी इन कली पाप मपाइब सेल्‍ने चाप्‍ब। इन कली दोस मताइब सेल्‍शा, ग्‍येरसीशा, परमप्रभु यावे आ छेङछेङ आ ङोंइती राप्‍पाइक्‍ने चाप्‍ब। १थिस्‍सलोनिकी ५:२३

प्रकाश 12:9

मिनु मेको ठेयब बुस्‍स आ नें मार बाक्‍त देंशा हना, माइत बुस्‍स, दियाबलस, सैतान बाक्‍त। मिनु मेको रागी रागी नेल्‍ल ङा मुर आन कली पाप पपाइक्‍चा कली रागीमी तोक्‍चा पुंइसीशो बाक्‍त। मिनु मेको आ गेय पाइबपुकी यो रागीमी तोक्‍चा पुंइसीशो बाक्‍तेक्‍म। प्रकाश २०:२; उत्‍पत्ती ३:१; लूका १०:१८

प्रकाश 19:20

मोपा मेकोपुकी लडाइ पामेनु, मेको ठेयब जन्‍तु नु जोल पा परमप्रभु यावे आ लोव़ पखु पाइब आस कली ग्‍याइक्‍ताक्‍म। परमप्रभु यावे आ लोव़ पखु पाइब चहिं ठेयब जन्‍तु नु बाक्‍शा, छक लाक्‍चा ङा गेय पाइब बाक्‍त। मोपा मेको ठेयब जन्‍तु नु आ मूर्ति कली पूजा पाइब नु आ चिन्‍ड वोइक्‍ब आन कली मरिम्‍शो लां शेंशा खोइक्‍पदा बाक्‍त। मिनु मेको निक्‍शी सेसीन गन्‍धक नु ठेयब मी ब्रतीकेमी हुम्‍चा पुंइसाक्‍स। प्रकाश १३:११-१७; २थिस्‍सलोनिकी २:८

प्रकाश 2:24

तन्‍न थिआटीरा ङा थमा सुइक्‍ब आन ग्रुम्‍तीकेमी इजेबेल आ शेंशो मपाइबपुकी यो बाक्‍नीम। मेकोपुकीमी इजेबेल आ शेंसीब बुदी सैतान आ ठेयब गेय यो मतुइक्‍नीम। मिनु आं कली रिम्‍शो पा थमा सुइक्‍ब आन कली अर्को श्‍येत मगेनुङ।

न्‍यायाधीस 3:2

मोदेंशो मारेइ मतुइक्‍ब इस्राएली आन कली दोपा लडाइ पचा, दे शेंचा कली परमप्रभुमी अर्को जात ङा मुर आन कली वोइश्‍शो बाक्‍माक्‍त।