एफिसी 6:1 - Sunuwar Bible

¹ गे आलपुकी, प्रभु कली मिम्‍शा, इन आम आफ आन देंशो टिने। मारदे हना मेको इन कली रिम्‍शो बाक्‍ब। मर्कूस ७:१-१३

एफिसी 6:1 ပူးပေါင်းရင်းမြစ်များ

उत्पत्ती 28:7

याकूबमी आम आफ आस कली टिशा, पदान-अराम गे लशो तवा बाक्‍त।

उत्पत्ती 37:13

इस्राएलमी योसेफ कली “इ लोक्‍बपुकी शेकेम नेक्‍थान क्‍यारश भेडा योव़नीम। गो इ कली शेकेम सोइक्‍नन” देंमाक्‍त। मिनु योसेफम “लो, गो लाइनुङ” देंमाक्‍त।

उत्पत्ती 48:12

मिनु योसेफम मेको आस कली आ आफ आ थुकु रे याक्‍शा, खुम्‍की पा सेउ पवा बाक्‍त।

उत्पत्ती 50:12

मोपा याकूब आ तौपुकीमी आन आफ आ अरेशो खोदेंशो पामे बाक्‍त। उत्‍पत्ती ४९:२९

नेहेम्‍याह 9:13

गे सीनै डांडामी यितीनी। मिनु स्‍वर्ग रे मेकोपुकी नु लोव़ पाइतीनी। गे मेको आन कली इन ठीक पतीक लोव़, थमा शेंतीके, इन रिम्‍शो फुल्‍लुम मुशा ब्रेक्‍शो लोव़ नु इन शेंतीके गेतीनी। प्रस्‍थान १९:१८; प्रस्‍थान २०:१-१७

एस्‍तर 2:20

मोरदेकै आ देंशो खोदेंशो पा एस्‍तरमी आ किकी पिपी मार जात ङा बाक्‍मा, सु बाक्‍मा सुइ आन कली मशोव़शो बाक्‍त। मेकोमी आल बाक्‍म ना मोरदेकै कली टिशो खोदेंशो पा, ठेयब दुम्‍शा यो टिप्‍तु।

अय्‍युब 33:27

मिनु मेको मुरुम मुर आन बाक्‍‍तीक जाक्‍शा, मेको आन कली ‘गो पाप पाता। गो ठीक पतीके कली दूली सेल्‍ता। गो आं तचा माल्‍शो सजाइ मतङ।

भजन संग्रह 119:128

मोपतीके गो आं लां नेल्‍लेमी इन ब्रेक्‍शा अरेशो लोव़ मिम्‍नुङ। मिनु दूली लां नेल्‍ल काइ मदाक्‍नुङ। भजन संग्रह ११९:२९

भजन संग्रह 119:75

परमप्रभु यावे, इन निसाफ पतीके ठीक बाक्‍नीम। गो मेको तुइक्‍नुङ। गे आं कली इन दाक्‍शा मप्रोंइतीकेमी श्‍येत गेतीनी।

भजन संग्रह 19:8

परमप्रभु यावे आ ब्रेक्‍शा अरेशो लोव़ ठीक बाक्‍शा, मुर आन थुं ग्‍येरपाइक्‍ब। परमप्रभु यावे आ शेंशोमी मुर मिक्‍च ताइब दुम्‍नीम।

हितोपदेस 1:8

आं तौ, इ आफ आ अर्ती नेनो। इम्‍मा आ शेंशो मप्रोनो। हितोपदेस ६:२०; ब्‍यवस्‍था २१:१८-२१

हितोपदेस 23:22

इ आफ आ लोव़ नेनो। इ आ‍म खाल्‍पी दुम्‍मेनु, मेको कली आइक्‍च मसेलो। हितोपदेस १:८

हितोपदेस 30:11

का निक्‍शी मुरुमी आन आफ कली सराप पाइनीम। मिनु आन आम कली आसीक मगेनीम।

हितोपदेस 30:17

आफ कली शुक्‍शी पाइब नु आम कली मटीब मुर आन मिक्‍च खदीमी कोक्‍शा ग्रुंइनीम। मिनु गिदपुकीमी ब्‍वाइ‍नीम। हितोपदेस २०:२०

हितोपदेस 6:20

आं तौ, इ आफ आ अरेशो टिवो, इम्‍मा आ शेंशो लोव़ मप्रोनो। हितोपदेस १:८

येरमीया 35:14

परमप्रभु यावेमी “मार, रेकाब आ तौ योनादाबम आ चच युइ आन कली ‘गेपुकीम अङगुर शांबु मतूङीन’ दे शेंशो लोव़ मेकोपुकी टीनीमी। मोपतीके मेकोपुकीमी मुल सम्‍म अङगुर शांबु मतूनीम। मारदे हना मेकोपुकीमी आन किकी पिपीम शेंशो टिशो बाक्‍नीम। तन्‍न गो इन कली लोव़ पना पन बाक्‍ती। मो हना यो गेपुकीम आं लोव़ मटिनी। येरमीया २५:४

येरमीया 35:18

मिनु येरमीयामी रेकाबी आन चच युइ आन कली “मुर नेल्‍ल आन परमप्रभु यावे, इस्राएली आन परमप्रभुमी गेपुकीम इन किकी योनादाब आ देंशो टिना टिन नु मेको आ शेंशो नेल्‍ल नु इन कली अरेशो नेल्‍ल पाइतीनी।

येरमीया 35:8

मिनु गो आंइ किकी रेकाब आ तौ योनादाब आ शेंशो नेल्‍ल पाइतक। गोपुकी आंमा नु आंइ मीशपुकी नु आंइ तमी तौ नेल्‍लेम गेनायो अङगुर शांबु मतूक।

होसे 14:9

सु जोक्‍ब तुइक्‍ब बाक्‍बा, मेकोमी एको लोव़ तुइक्‍तल। सु के रुप्‍ब थुं बाक्‍मे, मेकोमी एको लोव़ रुबल। परमप्रभु यावे आ लां ठीक बाक्‍नीम। मिनु ठीक पाइबपुकी मेको आ लांमी गाक्‍नीम। तन्‍न आ देंशो मटीबपुकी मेको आ लांमी दाइल पाइसीनीम” दे परमप्रभुम देंत।

लेवी 19:3

गे नेल्‍लेमी इन आंम आफ आस कली मान पने। मिनु आं नाइक्‍तीक नाक्‍ती नांइसीन। गो परमप्रभु यावे, इन परमप्रभु नङ। प्रस्‍थान २०:१२; प्रस्‍थान २०:८

लूका 2:51

मिनु येसु आ आम आफ नु लेश्‍शा, नासरथ आ खिं लमाक्‍त। में ङा मेरे आ आम आफ आस लोव़ टिशा बाक्‍माक्‍त। आ ममामी मेको मोदेंशो दुम्‍शो नेल्‍ल शुश मिम्‍शा थुंम वोदा बाक्‍त।

रोमी 12:2

परमप्रभु यावे कली मटीब आन पशो खोदेंशो मपने। तन्‍न परमप्रभु यावे कली इन थुं कली फाइक्‍चा गेन। मो पाइतीनी हना, परमप्रभु यावे आ मिम्‍‍शो मार में, रिम्‍शो मार में, आ दाक्‍शो मार में नु नेल्‍लेम ठीक दुम्‍शो तुइक्‍नीनी। एफिसी ४:२३; एफिसी ५:१०,१७

रोमी 16:2

फिबी दिदीमी थमा सुइक्‍ब शुश आन कली वारच पाप्‍तु। आं कली यो शुश वारच पाइक्‍ती। मोपतीके फिबी दिदी कली प्रभु आ नेंमी मान पतीने। मार मार माल्‍दा, मेको गेशा वारच पतीने।

रोमी 7:12

मिनु परमप्रभु यावे आ अरेशो लोव़ ठीक नु रिम्‍शो बाक्‍ब। १तिमोथी १:८

१ कोरिन्‍थी 15:58

मोपतीके आं दाक्‍शो लोक्‍बपुकी, इन खोइली थेक्‍शा, दल्‍गीर मपथु, प्रभु आ गेय पना पन बाक्‍कीन। प्रभु आ नेंमी पशो गेय गेनायो मोशीन मलाइब, दे तुइक्‍तीन।

ब्‍यवस्‍था 21:18

मिनु मुर का हेंथे गाक्‍ब मटीब तौ का बाक्‍त हना, मेको आ आम आफ आस देंशो काइ मटीब बाक्‍त हना, तुप्‍शा, शेंशा यो मेको आस देंशो मटिप्‍तु हना, ब्‍यवस्‍था २७:१६; प्रस्‍थान २०:१२

१ तिमोथी 5:4

आन वोंइश बेक्‍शो मीश मुर आ तमी तौ, चच युइ बाक्‍तेक्‍म हना, मेकोपुकीम आंम खिं ङा मुर आन कली रिम्‍शो गेय पा कोंइचा माल्‍नीम। आम आफ आस कली रिम्‍शो पचा माल्‍नीम। मेको परमप्रभु यावे आ ङोंइती शुश रिम्‍शो बाक्‍ब।

१ पत्रुस 2:13

प्रभु आ पर्बम सरकारमी अधिकार गेशो मुर आन कली टिने। पिप नेल्‍ल क्‍येङा ठेयब बाक्‍ब। मोपतीके टिचा माल्‍नीनी। रोमी १३:१-७; तीतस ३:१

रूथ 3:5

मिनु रूथमी “इन देंशो, नेल्‍ल पाइनुङ” देंमाक्‍त।

१ सामुएल 17:20

मिनु आ दीसा सुनी कना दाऊद आ भेडापुकी मुर आन कली “कोव़ङीन” दे येस्‍से आ देंशो खोदेंशो पा, मेको चोव़थ गाक्‍माक्‍त। लडाइ पाइब नेल्‍ल आन आन राप्‍तीकेम राप्‍शा लडाइ के बाजा ताप्‍मे ना, मेको आन बाक्‍तीकेम जाक्‍दीम्‍माक्‍त।