एफिसी 5:19 - Sunuwar Bible

¹⁹ परमप्रभु यावे आ लोव़ ङा कुम्‍सो, परमप्रभु यावे कली ठेयब सेल्‍ब कुम्‍सो नु परमप्रभु यावे आ सोक्‍तीम इन कली शेंशो कुम्‍सो पने। मोपा इन थुं बार पमुशा, प्रभु कली कुम्‍सो पना पन बाक्‍कीन। भजन संग्रह ३३:२-३; कलस्‍सी ३:१६

एफिसी 5:19 ပူးပေါင်းရင်းမြစ်များ

भजन संग्रह 147:7

गे परमप्रभु यावे कली ठेयब सेल्‍तीक कुम्‍सो पने। तार पाइश्‍शो ताप्‍तीके ताप्‍शा आंइ परमप्रभु कली कुम्‍सो पा ठेयब सेलीन।

भजन संग्रह 62:8

मुर नेल्‍ले, गेना हना यो परमप्रभु कली थमा सुतीन। मेको आ ङोंइती इन थुं ङा लोव़ देंनीन। मारदे हना परमप्रभु इं ख्रुइक्‍तीके बाक्‍ब। ठेयब सेंदा पा।

भजन संग्रह 86:12

परमप्रभु यावे, आं परमप्रभु, गो आं थुं नेल्‍लेमी “गे रिम्‍शो पाइब बाक्‍नीनी” देंनुङ। मिनु गो गेना हना यो इन नें ठेयब सेल्‍नुङ।

भजन संग्रह 95:2

“गे रिम्‍शो पाइब बाक्‍नीनी” देंना देंन, मेको आ ङोंइती लय। कुम्‍सो पा मेको कली ठेयब सेल्‍य।

यसैया 65:14

आं गेय पाइबपुकी थुंम ग्‍येरसीशा, कुम्‍सो पाइनीमी। गेपुकी चहिं श्‍येत जशा, इन थुं लुक्‍च लशा खाइश्‍शा, वाइ ब्रेश्‍शा ङाक्‍नीनी।

मत्ती 15:8

‘मेकोपुकीमी शोव़ नु लोव़म ठेयब सेल्‍नीमी। आन थुंमी चहिं आं कली मदाक्‍नीम।

मत्ती 26:30

मिनु कुम्‍सो का पशा ङा मीन, मेकेर रे गाक्‍शा, जैतून डांडा ग्‍येत्‍थ लाम्‍तेक्‍म।

प्रेरित 16:25

नाक्‍दो पावल नु सिलासमी प्रार्थना पा कुम्‍सो पा परमप्रभु यावे कली ठेयब सेल्‍से बाक्‍त। आस प्रार्थना नु कुम्‍सो पशो जेल्‍खानमी चोक्‍सीशो नेल्‍लेमी नेन्‍मे बाक्‍त।

१ कोरिन्‍थी 14:15

गो मुल मार पाइनुङ देंशा हना, गो सोक्‍त आ लोव़मी प्रार्थना पङानु, आ थुंमी यो प्रार्थना पाइ‍नुङ। परमप्रभु यावे आ सोक्‍तीम कुम्‍सो पङानु, आं थुंमी यो कुम्‍सो पाइनुङ। एफिसी ५:१९

१ कोरिन्‍थी 14:26

आं लोक्‍बपुकी, मुल मार देंनुङ देंशा हना, गे खुम्‍सीशा बाक्‍नीनु, नेल्‍ल इन के गेय का का बाक्‍ब। कामी परमप्रभु यावे कली कुम्‍सो पाइब, कामी लोव़ शेंबा, कामी नोले दुम्‍तीक लोव़ पाइब, कामी परमप्रभु यावे आ सोक्‍त आ लोव़ पाइब नु अर्कोमी मेको लोव़ आ अर्थ शेंब। मेको गेय नेल्‍ल थुं बारपाइक्‍चा कली दुम्‍ल। १कोरिन्‍थी १२:८-१०; एफिसी ४:१२

कलस्‍सी 3:16

ख्रीस्‍त आ लोव़ खोत ब्रेक्‍शा वोतीन। गेपुकीमी शुश तुइश्‍शा, शेंमुशा थुं बारपमुने। परमप्रभु यावे आ लोव़ ङा कुम्‍सो, परमप्रभु यावे कली “गे ठेयब बाक्‍नीनी” दे पशो कुम्‍सो नु परमप्रभु यावे आ सोक्‍तीमी इन कली शेंशो कुम्‍सोमी “गे रिम्‍शो पाइब बाक्‍नीनी” दे इन थुंमी परमप्रभु यावे कली कुम्‍सो पने। एफिसी ५:१९

याकूब 5:13

इन दातेमी सु सु श्‍येत जामे, मेकोमी परमप्रभु यावे नु लोव़ पामेक्‍ल। सु सु ग्‍येरशो बाक्‍मा, मेकोपुकीमी “परमप्रभु यावे नेल्‍ल क्‍येङा ठेयब बाक्‍ब” दे कुम्‍सो पामेक्‍ल। भजन संग्रह ५०:१५; कलस्‍सी ३:१६

प्रकाश 5:9

मिनु मेकोपुकीमी पाठा कली नक कुम्‍सो का पाम्‍तेक्‍म। मार नक कुम्‍सो पाम्‍तेक्‍म देंशा हना “मेको कागज ताक्‍ने नु प्राक्‍ने चाप्‍ब, गे का ला ननी। मारदे हना गे मुर आन कली परमप्रभु यावे आ नेक्‍था बाक्‍पाइक्‍चा कली ग्‍याप्‍तीनी। दोपा ग्‍याप्‍तीनी देंशा हना, साइक्‍चा पुंइसीशा, इन हुश शाइश्‍शा ग्‍याप्‍तीनी। मिनु गे मार मुर ग्‍याप्‍तीनी देंशा हना, नेल्‍ल थर रे, नेल्‍ले लोव़ रे, नेल्‍ल जात रे नु नेल्‍ल रागी रे मुरपुकी ग्‍याप्‍तीनी। भजन संग्रह ३३:३