एफिसी 5:18 - Sunuwar Bible

¹⁸ राकसी शांबुमी मदुक्‍कीन। मारदे हना दुक्‍ब मुरपुकी ग्‍येत्‍थ मलाइनीम। तन्‍न गेपुकी परमप्रभु यावे आ सोक्‍तीम ब्रीशो दुमीन। लूका २१:२४

एफिसी 5:18 ပူးပေါင်းရင်းမြစ်များ

उत्पत्ती 9:21

मिनु अङगुर शांबु तूशा दुक्‍शा, आ ताम्‍बुमी शिश्रा इम्‍माक्‍त।

भजन संग्रह 69:12

ठेयब लाप्‍चोम बाक्‍बपुकीमी आं कली शुक्‍शी पाइनीम। दुक्‍शो मुरपुकीमी आं पर्बम कुम्‍सो पाइनीम। अय्‍युब ३०:९

हितोपदेस 20:1

अङगुर शांबुमी हेंथे ब्‍वाक्‍पाइक्‍ब। राकसीमी राम्‍शी पपाइक्‍ब। सु मेको तूशा दुक्‍नीमी, मेको जोक्‍ब तुइक्‍ब मदुम्‍नीम। हितोपदेस २३:२९-३५; हितोपदेस ३१:५; होसे ४:११

ठेयब कुम्सो 1:4

गे आं कली लाइय्‍यीनी। गो रीब पा लय। पिपमी आं कली आ बाक्‍तीकेम लाइक्‍ती। गो इन कली तशा ग्‍येरसीनीकी। गोपुकी अङगुर शांबु क्‍येङा यो, इन दाक्‍तीक कली ठेयब सेल्‍नीकी। मेकोपुकीम गे दारशो दुम्‍तीके इन कली दाक्‍नीमी।

ठेयब कुम्सो 7:9

इ पुक्‍पु पाइश्‍शो ब्रोव़शो अङगुर शांबु खोदेंशो बाक्‍ब। अङगुर शांबु शोव़ नु ख्रुइ रे ओंखां पा शाइश्‍शो खोदेंशो बाक्‍ब।

यसैया 25:6

मिनु मुर नेल्‍ल आन परमप्रभु यावेमी सियोन डांडामी रागी नेल्‍ल ङा मुर आन कली थम ठेयब भोज का सेल्‍ब। ब्रोव़शो नु चोक्‍शो अङगुर शांबु नु ब्रोव़शो जचा थोव़क के भोज गेब। मत्ती २२:२-४

यसैया 5:22

गेपुकी शांबु तूचा कली बोल्‍यो दुम्‍खु पाइनीनी। राकसी ब्वाइक्‍स जोक्‍ब बाक्‍नीनी।

यसैया 55:1

मिनु परमप्रभु यावेमी “तूतू दाक्‍बपुकी ब्‍वाक्‍कु बाक्‍तीकेम जाक्‍कीन। क्‍येट मथीबपुकी यो जाक्‍कीन। मिनु ग्‍याप्‍शा जने। क्‍येट मथाप्‍थु, मोशा अङगुर शांबु नु दूध ग्‍यापीन। यूहन्‍ना ७:३७; प्रकाश २२:१७

लेवी 10:9

“गे नु इ तौपुकी ग्रुम्‍तीक ताम्‍बुम ओव़नीनु, अङगुर शांबु नु अरु दुक्‍तीक थोव़क मतूङीन। तूतीनी हना, गेपुकी बेक्‍नीनी। मेको गेना हना यो इन पतीक दुम्‍ब। इजीकीएल ४४:२१; होसे ४:११; आमोस २:८

मत्ती 23:25

सास्‍त्री नु फरिसीपुकी, गे कपटी, इन कली तशा थुं खाइक्‍ती। मारदे हना बोस आ तार ला खुइश्‍शो खोदेंशो पा गेपुकी लाङगा रे रिम्‍शो तांइसीनीनी। तन्‍न इन आगामी खुइ नु ग्रांग्रा दिचा ङा गेय पतीकेमी ब्रीशो बाक्‍नीनी। मर्कूस ७:४,८

मत्ती 24:49

अरु गेय पाइब आन कली जिचा पोक्‍शा, श्‍येत गेशा तुप्‍शा, शांबु राकसी दुक्‍ब नु काथा बाक्‍शा पाइब।

लूका 1:15

मारदे हना मेको परमप्रभु आ ङोंइती ठेयब दुम्‍ब। मेकोमी शांबु राकसी मतूब। मेको कोव़जम बाक्‍मेनुन, परमप्रभु यावे आ सोक्‍तीम ब्रीशो बाक्‍ब। न्‍यायाधीस १३:४-५

लूका 11:13

गे, मरिम्‍शो पाइब बाक्‍तीनी हना यो, इन आल आन कली रिम्‍शो थोव़क गेने चाप्‍नीनी, इन पशो क्‍येङा स्‍वर्गम बाक्‍ब इन आफोमी आ तमी तौ आन कली आन पुंइशो गेब। मेकोपुकीमी ‘इन सोक्‍त गेकी’ दे पुंइतेक्‍म हना, आ सोक्‍त यो गेब” दे शेंदीमी बाक्‍त।

लूका 12:45

तन्‍न मेको गेय पाइबमी ‘आं होव़प इच्‍का नोले जाक्‍ब’ दे मिम्‍शा, मेकोमी गेय पाइब वोंइश मुर, मीश मुर आन कली तुप्‍शा श्‍येत गेशा, जशा तूशा, दुक्‍शा पाप्‍तु हना,

लूका 21:34

आं देंशो मप्रेंथु होस पा बाक्‍कीन। शांबु राकसी दुक्‍शा मबाक्‍कीन। मार जचा मार फेक्‍चा, दो पचा, दे शुश ममिम्‍तीने। मारदे हना आं देंशो लोव़ इन मतुइक्‍थु दुम्‍ब। मर्कूस ४:१९; १थिस्‍सलोनिकी ५:३

यूहन्‍ना 2:10

“मुर नेल्‍लेमी ङोंइती ब्रोव़शो अङगुर शांबु योक्‍नीम। तूशा रांइदमे नोले मब्रोव़शो योक्‍नीम। गे चहिं मुल सम्‍म ब्रोव़शो अङगुर शांबु खेक्‍शा वोइश्‍शो बाक्‍ते” दे माइक्‍तु।

प्रेरित 11:24

बारनाबास रिम्‍शो मुर बाक्‍माक्‍त। परमप्रभु यावे आ सोक्‍तीमी ब्रीशा, खोइल थेक्‍शो खोदेंशो पा थमा सुइक्‍बाक्‍माक्‍त। आ पशो तशा, आ लोव़ नेंशा, शुश मुरुमी प्रभु कली थमा सुइक्‍ब दुम्‍मा बाक्‍त। प्रेरित ५:१४

रोमी 13:13

नाक्‍ती छेङछेङ दुम्‍शो खोदेंशो पा रिम्‍शो गेय पय। छिङछिङ ङा गेय मार बाक्‍नीम देंशा हना, शुश जचा ब्‍वचा, दुक्‍शा हेंथे गाक्‍चा, तेल्‍लेम पा, ग्रांग्रा दिचा ङा गेय पचा, जिचा खेचा नु रुश पचा बाक्‍नीम। लूका २१:३४; एफिसी ५:१८

१ कोरिन्‍थी 11:21

मारदे हना आंम आंमा चाक्‍शो जचा थोव़क जाइनीनी। मिनु मोपान का निक्‍शी जचा मतथु, शोव़लु बेक्‍शो बाक्‍नीनी, का निक्‍शी दुक्‍शा बाक्‍नीनी। यहूदा १२

१ कोरिन्‍थी 5:11

तन्‍न थमा सुइश्‍शा प्रभु आ मुर दुम्‍ती देंब लोक्‍बम पात्‍के पा तेल्‍लेम पा, शिंम दुम्‍शा, मूर्ति पूजा पा, शुक्‍शी पा गाक्‍ब नु शांबु राकसीमी दुक्‍शा, खुइ पा गाक्‍ब दुम्‍तेक्‍म हना, मेकोपुकी नु काथा बाक्‍शा जचा यो मदुम्‍ब। २थिस्‍सलोनिकी ३:६

१ कोरिन्‍थी 6:10

खुइ पाइनीमी, शिं‍म पाइनीमी, शांबु राकसीमी दुक्‍शा गाक्‍नीमी, शुक्‍शी लोव़ पा गाक्‍नीमी, मुर आन के बाक्‍शो थोव़क रोइश्‍शा, श्‍येत गेनीमी। मोदेंशो पाइबपुकी परमप्रभु यावे आ राज्‍यम ओव़चा मताइनीम।

ब्‍यवस्‍था 21:20

मिनु नोले मेको निक्‍शीमी सहर ङा खाल्‍पा आन कली “एको आंस तौ हेंथे गाक्‍ब नु मटीब बाक्‍ब। एकोमी आंस अरेशो मटीब। एको शुश जाइब नु रकसी शांबु तूब बाक्ब” देंसल।

१ थिस्‍सलोनिकी 5:7

इप्‍बपुकी नाक्‍दो इप्‍नीम, दुक्‍बपुकी नाक्‍दो दुक्‍शा बाक्‍नीम।

तीतस 1:6

मिनु ग्रुम्‍तीक खिं ङा शेंब खाल्‍पापुकी सु सु दुम्‍ने चाप्‍नीमी देंशा हना, काइ दोस गेचा मपुंइसीब नु मीश का ला पाइश्‍शो वोंइश मुर बाक्‍चा माल्‍ब। मेको आ तमी तौ थमा सुइक्‍ब बाक्‍चा माल्‍नीम। हेंथे गाक्‍ब नु मटीब आल आन आफ ग्रुम्‍तीक खिं ङा शेंब खाल्‍पा दुम्‍ने मचाप्‍नीम। १तिमोथी ३:१-७