एफिसी 5:15 - Sunuwar Bible

¹⁵ मोपतीके होस पा बाक्‍कीन। मतुइक्‍ब ममाइ, तुइक्‍ब मुर दुम्‍शा बाक्‍कीन। मत्ती १०:१६; कलस्‍सी ४:५

एफिसी 5:15 ပူးပေါင်းရင်းမြစ်များ

२ सामुएल 24:10

मिनु नोले दाऊद मुर आन कली हिक्‍शो आ पर्बम आ थुं मनुमाक्‍त। मिनु दाऊदमी परमप्रभु यावे कली “गो मुर आन कली हिक्‍शा ठेयब पाप पाता। मुल परमप्रभु यावे, इन वाइल आ मरिम्‍शो पशो क्‍याम्‍दीन। मारदे हना गो थम मूर्ख गेय पाता” देंमाक्‍त। २सामुएल १२:१३

अय्‍युब 2:10

तन्‍न अय्‍युबमी “गे मूर्ख मीश मुर खोदेंशो पा लोव़ पाप्‍तीवी। परमप्रभु आ गेशो रिम्‍शो चहिं ताक्‍शा, मरिम्‍शो चहिं मताक्‍चा ङा?” दे मदा बाक्‍त। मेको लोव़ नेल्‍लेम अय्‍युबमी मारेइ पाप मपवा बाक्‍त। अय्‍युब १:२२

भजन संग्रह 73:22

गो ममिम्‍ब नु मारेइ मतुइक्‍ब बाक्‍ती। इन ङोंइती जन्‍तु खोदेंशो बाक्‍ती।

प्रस्‍थान 23:13

आं अरेशो नेल्‍ल पने। देवी देवता आन कली मारेइ मपुंइचा आन नें यो मथिचा। यहोसु २३:७; जकरिया १३:२

हितोपदेस 14:8

निप्‍स पाइश्‍शो मुर आन तुइक्‍‍तीकेमी तेको लां गाक्‍चा माल्‍नीमी तुइक्‍नीम। तन्‍न मूर्ख आन मूर्ख पतीकेमी हेंथे लां कोंइब।

हितोपदेस 15:21

निप्‍स मपाइश्‍शो मुर मूर्खे गेय पचा ग्‍येरसीनीम। तन्‍न रुप्‍ब मुर गेना हना यो आंम लांम गाक्‍नीम।

मत्ती 10:16

भेडा आन कली फर आन दातेम सोइश्‍शो खोदेंशो पा सोइक्‍नन्‍नी। बुस्‍स खोदेंशो पा निप्‍स पाइश्‍शो दुमीने। मिनु परवा खोदेंशो दुम्‍शा, सुइ कली मरिम्‍शो मपने। लूका १०:३; रोमी १६:१९; एफिसी ५:१५

मत्ती 25:2

५ जना निप्‍स पाइश्‍शो बाक्‍नीम। ५ जना चहिं निप्‍स मपाइश्‍शो बाक्‍नीम।

मत्ती 27:24

मुरपुकीमी मोदेंशो रेयके पा प्रेक्‍शो तशा “मुल येसु कली प्रोंइने मचबु” दे मिम्‍शा “एको सुइ कली मरिम्‍शो मपाइब आ हुश इन गुइमी ला लुम्‍सेक्‍ल, आं गुइमी मलुम्‍सेक्‍ल” देंशा, नेल्‍ल आन कुल आ गुइ चिक्‍शा कोंइदीमी बाक्‍त। ब्‍यवस्‍था २१:६

मत्ती 27:4

“रिम्‍शो मुर कली ग्‍याइक्‍पाइक्‍चा वारच पा पाप पाता” देंमेनु “गोपुकीमी मार पाइनीकी? गे आंमा तुइक्‍तो” देंमा बाक्‍त।

मत्ती 8:4

मिनु येसुमी “सुइ कली मशोव़चा, चढ़ेब आ ङोंइती लशा, इ साशो रां कोंइदो। मिनु मोसामी मार चढ़ेचा माल्‍ब देंशो बाक्‍मे, मेको चढ़ेशा, सामाक्‍त, दे तुइक्‍पतो” दे मदा बाक्‍त। मर्कूस ८:३०; लेवी १४:२-३२

लूका 24:25

मिनु येसुमी “गे मरुप्‍ब नसी। साइ नेसी परमप्रभु यावे आ लोव़ पाइब आन देंशो लोव़ रुप्‍शा थमा सुइक्‍ने मचाप्‍नीसी? लूका ९:२२

१ कोरिन्‍थी 14:20

आं लोक्‍बपुकी, आलमी मिम्‍शो खोदेंशो पा ममिम्‍तीने। मरिम्‍शो गेय पचा कली मजोक्‍ब आल खोदेंशो दुम्‍शा बाक्‍कीने। तन्‍न इन मिम्तीकेमी निप्‍स पाइश्‍शो मुरुम मिम्‍शो खोदेंशो पा मिम्‍तीन। एफिसी ४:१४; यसैया २८:११-१२

गलाती 3:1

ए गलातीपुकी, गे मरुप्‍ब मुर दुम्‍नी बाक्‍त। सुमी मोपा इन थुं हिरदा? येसु ख्रीस्‍त कली शीम केप्‍शा कांटी थोक्‍शा क्‍याइश्‍शा साइक्‍तेक्‍म, दे इन मिक्‍चीमी तशो खोदेंब पा नेंपाइक्‍तान्‍नी। मुल मेको लोव़ प्रेंदीनी?

गलाती 3:3

मारेइ मरुप्‍ब मुर दुम्‍नी? परमप्रभु यावे आ सोक्‍तीम प्रिंशो थुं गेचा पुंइसीशा, प्रभु आ लां खोइक्‍चा गोइतीनी। मिनु मुल मुर आ थुंमी मिम्‍शो पशा, जाक्‍दीय्‍य, दे मिम्‍तीनी?

एफिसी 5:2

मिनु येसु ख्रीस्‍तमी इं कली दाक्‍शो खोदेंशो पा दाक्‍मुने। मेकोमी दोपा दाक्‍ताक्‍व देंशा हना, आंम कली ममिम्‍थु, ब्रोव़शो रिना पाइश्‍शो धूप नु क्‍योरशा चढ़ेशो खोदेंशो पा, इं पाप क्‍याम्‍चा कली बेक्‍शा, परमप्रभु यावे कली जिम्‍मा गेंसाक्‍व।

एफिसी 5:33

मार दुम्‍त हना यो, गे नेल्‍लेमी आंम मीश कली आंम कली दाक्‍शो खोदेंशो पा दाक्‍तीन। मीश मुरपुकीमी चहिं आंम वोंइश कली मान पा हिक्‍‍चा माल्‍नीमी।

फिलिप्‍पी 1:27

गे इन नाक्‍त किंत किंत ङा पतीकेमी ख्रीस्‍त आ ग्‍येरपाइक्‍ब लोव़ कली शिरशो दुम्‍शा बाक्‍कीन। गो गेपुकी नु बाक्‍ती हना यो, मबाक्‍ती हना यो, इन सोक्‍त का दुम्‍शा, इन थुं का दुम्‍शा, ग्‍येरपाइक्‍ब लोव़ ङा थमा सुइक्‍तीके गेय पा वारच पमुने।

कलस्‍सी 1:9

मिनु मेको लोव़ नेंस्‍कु रे इन कली मिम्‍शा, प्रार्थना पना पन बाक्‍तस्‍कु। मार प्रार्थना पाइतस्‍कु देंशा हना “कलस्‍सीपुकीमी इन दाक्‍शो मार बाक्‍बा, मेको तुइक्‍तमेक्‍ल। परमप्रभु यावे, इन सोक्‍त ङा तुइक्‍तीके नु रुप्‍तीके शुश तामेक्‍ल। एफिसी १:१५-१७

कलस्‍सी 4:5

गेपुकी थमा मसुइक्‍ब आन ङोंइती रिम्‍शो जोक्‍शा तुइश्‍‍शा गेय पने। लोव़ पचा तनीनु, रिम्‍शो पा लोव़ पने। एफिसी ५:१५-१६; १थिस्‍सलोनिकी ४:१२

१ थिस्‍सलोनिकी 5:15

मुरुमी इन कली मरिम्‍शो पाम्‍तेक्‍म हना, गेपुकी मेको आन कली मरिम्‍शो मपने। रिम्‍शो पमुचा माल्‍नीनी। अरु आन कली यो रिम्‍शो पने। हितोपदेस २०:२२; रोमी १२:१७,२१; १पत्रुस ३:९

१ तिमोथी 6:9

तन्‍न सु सु शुश क्‍येट थीब दुम्‍चा दाक्‍नीमी, मेको आन थुं थाम्‍चा पुंइसीशा, ग्‍याइलीम रेश्‍शो खोदेंशो पा, निप्‍स मपाइश्‍‍शो नु श्‍येत जाइब दुम्‍नीम। आंम कली खतम सेल्‍सीशो बाक्‍नीम। हितोपदेस २८:२२; मत्ती १३:२२

हिब्रू 12:25

होस पांइसीने। इन कली लोव़ पाइब कली इन ची मकोंइदीने। इं किकी पिपीपुकीमी मुर आ देंशो मटीमे बाक्‍त। मिनु सजाइ गेचा पुंइसमा बाक्‍त। गोपुकी स्‍वर्ग रे लोव़ पाइब कली इं ची कोंइताक्‍य हना, सजाइ मतथु ब्रोंइनया ङा? हिब्रू २:२; हिब्रू १०:२८-२९

याकूब 3:13

मिनु इन दातेमी सु निप्‍स पाइश्‍शो नु रुप्‍तीक थुं पाइश्‍शो मुर बाक्‍मा, मेकोमी आ गेय रे पा आ ब्रेम्‍तीके रुप्‍तीक थुं रे जाक्‍ब, दे कोंइदल।

१ पत्रुस 1:22

दोपा येसु ख्रीस्‍त आ देंशो टिशा, थमा गेय पा पाप रे ङोन बाक्‍नी, मोपा गे लोक्‍ब आन कली यो थमा पा दाक्‍नीनी। गे थमा सुइक्‍बपुकी इन थुं नेल्‍लेमी थमा पा दाक्‍मुने।

प्रकाश 19:10

मिनु नोले गो मेको परमप्रभु यावे आ स्‍वर्ग ङा गेय पाइब कली सेउ पचा कली आ खोइलीमी बाप्‍ती। मेकोमी चहिं आं कली “मपावो। गो गे नु इ लोक्‍बपुकी खोदेंशो येसु आ लोव़ पाइब, परमप्रभु यावे आ वाइल नङ। परमप्रभु यावे कली मान पावो। मारदे हना येसु आ लोव़ पाइबपुकीम परमप्रभु यावेमी तुइक्‍पाइश्‍शो लोव़ ला पाइनीम” दे माइक्‍ती। प्रकाश २२:८-९