एफिसी 5:14 - Sunuwar Bible

¹⁴ मोपतीके “ए निन्‍द्रा पाइब, बोक्‍को। मिनु बेक्‍शो रे सेंसीशा बाक्‍को। मो पवीनु, ख्रीस्‍तमी इ कली आ छेङछेङ गेब” देंशो बाक्‍ब। यूहन्‍ना ३:२०-२१; रोमी १३:११; यसैया ६०:१; यूहन्‍ना ८:१२

एफिसी 5:14 ပူးပေါင်းရင်းမြစ်များ

यसैया 26:19

इन बेक्‍शो मुरपुकी लेंशा ब्रोंइनीम। आन बेक्‍शो रां सेंसीनीम। गे फुरकुम बाक्‍बपुकी, बोक्‍कीन। ग्‍येरसीशा कुम्‍सो पने। मारदे हना इन सुनी ङा सीत छेङछेङम ब्रशो बाक्‍ब। मिनु रागीमी शुश ङोंइती बेक्‍शो मुर आन कली ग्रुंइब। इजीकीएल ३७:१-१४; मत्ती २७:५२-५३

यसैया 51:17

यरूसलेम बोक्‍को। परमप्रभु यावे इ पर्बम गाइश्‍शा, श्‍येत तूचा गेप्‍तु। गे दिङ दाङ गोल्‍पाइक्‍ब कचौरा तूशा श्‍येत्‍थ सेल्‍तीवी। भजन संग्रह ६०:५; भजन संग्रह ७५:९; येरमीया १३:१२-१३; प्रकाश १६:१९

यसैया 52:1

मिनु परमप्रभुमी “बोक्‍को। सियोन बोक्‍को। सक्ति पाइश्‍शो दुमो। इ दारशो वा फेक्‍सो। यरूसलेम, गे परमप्रभु यावे आ सहर बाक्‍नेवे। मुल रे ख्रोइक्‍तीक चिनु मख्रोइश्‍शो नु ग्रांग्रा दिचा ङा मुर मेकेर ओव़ने मचाप्‍नीम।

यसैया 60:1

परमप्रभुम “बोक्‍को। मिनु ग्‍येरसो। मारदे हना इ छेङछेङ जाक्‍शो बाक्‍ब। परमप्रभु यावे आ छेङछेङ इ तार जाक्‍शो बाक्‍ब।

लूका 1:78

आंइ परमप्रभु यावेमी इं कली दाक्‍शा, शिशी पा, रुप्‍तीक थुं सुनी ङा छेङछेङ खोदेंशो पा इं तार मोइक्‍ताक्‍व। यसैया ६०:१-२

लूका 15:24

मारदे हना आं बेक्‍शो तौ सेस दुम्‍त। आं जाम्‍शो तौ थित्‍ता’ देंमाक्‍त। मिनु जशा तूशा नेल्‍ले ग्‍येरसमा बाक्‍त। एफिसी २:५

यूहन्‍ना 8:12

मिनु येसुमी लेंशा फरिसी आन कली “गो रागी कली छेङछेङ नङ। आं नोले खोइक्‍बपुकी गेनायो छिङछिङमी मगाक्‍नीम। ब्रोंइतीक छेङछेङ ताइनीम” देंत। यूहन्‍ना १:५,९; यसैया ४९:६; यसैया ६०:२०; मत्ती ५:१४-१६

यूहन्‍ना 9:5

गो रागीमी बाक्‍ङानु, रागी कली छेङछेङ नङ” देंत। यूहन्‍ना ८:१२; यूहन्‍ना १२:१५

प्रेरित 13:47

आंमा शेंब दुम्‍शा, गाक्‍शो मनस्‍कु। परमप्रभु यावेमी आंस कली आ लोव़ शेंब सेल्‍तु। मिनु मेकोमी ‘गो इ कली नेल्‍ल रागी ङा, नेल्‍ल जात ङा मुर आन कली लां कोंइशा, छेङछेङ दुम्‍शा रुप्‍पाइक्‍चा कली सोइक्‍ताक्‍ङ’ दे ब्रेक्‍शो बाक्‍ब” देंसा बाक्‍त। यसैया ४९:६

रोमी 6:13

इन गुइ खोइली, मिक्‍च, शोव़, रां नेल्‍ल कली मरिम्‍शो मपपतीन। तन्‍न बेक्‍शो रे सेंसीशो मुर खोदेंशो पा, परमप्रभु यावे कली जिम्‍मा गेंसीशा, आ रिम्‍शो गेय पने। रोमी १२:१

१ कोरिन्‍थी 15:34

दूली मिम्‍चा प्रोनीन। लेंशा पाप मपने। इन दाते ङा का निक्‍शीमी परमप्रभु यावे आ पर्बम मारेइ मतुइक्‍ब बाक्‍नीम। मेको इन कली मुने दोक्‍चा ङा बाक्‍ब। १थिस्‍सलोनिकी ५:८

२ कोरिन्‍थी 4:6

परमप्रभु यावेमी “छिङछिङ जाम्‍शा, छेङछेङ दुम्‍ल” देंमाक्‍त। मेकोमी आंइ थुंमी छेङछेङ ब्रपाइश्‍शो बाक्‍त। गो परमप्रभु यावे आ छेङछेङ ख्रीस्‍त रे पा रुप्‍नीकी। उत्‍पत्ती १:३; २कोरिन्‍थी ३:१८

एफिसी 2:1

गेपुकी ङोंइती बेक्‍शो मुर खोदेंशो बाक्‍तीनी। दोपा मोदेंशो बाक्‍तीनी देंशा हना, मरिम्‍शो पशा, परमप्रभु यावे कली मटिथु, हेंथे गाक्‍शो बाक्‍तीनी। लूका १५:२४,३२; कलस्‍सी २:१३

एफिसी 2:5

मेना गोपुकी मटिथु बेक्‍शो बाक्‍तय हना यो, मेकोमी इं कली ख्रीस्‍त नु कालेम सेंताक्‍व। मोपा आ शिशी रे गोपुकी ब्रोंइशो बाक्‍तय।

कलस्‍सी 3:1

गेपुकी ख्रीस्‍त नु सेंसीशो बाक्‍तीनी हना, स्‍वर्गमी बाक्‍ब दोपा बाक्‍मा, मेको मालीन। मेकेर ख्रीस्‍त परमप्रभु यावे आ ग्‍युरा गे निश्‍शो बाक्‍ब। कलस्‍सी २:१२

१ थिस्‍सलोनिकी 5:6

मोपतीके अरु खोदेंशो पा गो मइप्‍य, सासीशा “प्रभु यीब” दे मिम्‍ना मिम्‍न बाक्‍य। १पत्रुस ५:८

२ तिमोथी 1:10

मुल इं कली पाप रे प्रोंइब येसु ख्रीस्‍त कली रागीम सोइश्‍शा, मुर नेल्‍ल आन कली तपाइक्‍तु। ख्रीस्‍त येसुमी बेक्‍तीक कली ग्राशा, ब्रोंइतीके नु गेना हना या ब्रोंइशा बाक्‍शा, परमप्रभु यावे आ ग्‍येरपाइक्‍ब लोव़ आ पतीकेमी छेङछेङमी वोइश्‍शो खोदेंशो पा तुइक्‍पाइक्‍तु। १कोरिन्‍थी १५:५५-५७; हिब्रू २:१४

२ तिमोथी 2:26

सैतानमी मेको आन कली ग्‍याइश्‍शा, आ दाक्‍शो पपदानु, मेको रे प्रोक्‍मल।