एफिसी 5:11 - Sunuwar Bible

¹¹ छिङछिङ ङा गेयमी काइ फल मथिंसीब। मोदेंशो गेय पाइबपुकी नु मबाक्‍कीन। मेको गेय यो मपने। तन्‍न मेको गेय मरिम्‍शो बाक्‍ब, दे कोंइदीन।

एफिसी 5:11 ပူးပေါင်းရင်းမြစ်များ

उत्पत्ती 20:16

मिनु सारा कली “नेनो, इ लोक्‍ब कली हजार का चांदी टुक्रा गेता। मेको इन कली इ मुर आन ङोंइती इ कली रिम्‍शो पचा कली गेता। मोपा नेल्‍ल आन ङोंइती इ कली ठीक पाता” देंमाक्‍त।

भजन संग्रह 141:5

ठीक पाइबमी आं कली तुप्‍‍यील। मेको आं शिशी बाक्‍ब। मेकोमी आं कली हुइक्‍तील। मेको आं पियाम लुक्‍शो तेल खोदेंशो दुम्‍ब। तन्‍न इन अरेशो मटीब आन तेल आं पियाम मलुम्‍सेक्‍ल। मो हना यो गो मेको आन मरिम्‍शो पशो आ पर्बम पुंइना पुंइन बाक्‍नुङ। लेवी १९:१७; हितोपदेस २७:५-६

हितोपदेस 1:10

आं तौ, मरिम्‍शो पाइब मुरुम इ कली “हेंथे पय” दे लोव़ पाम्‍तेक्‍म हना, मेको आन लोव़ मबिस्‍सो। हितोपदेस १६:२९; ब्‍यवस्‍था १३:७-९

हितोपदेस 1:31

मेकोपुकीमी आन आन पशो मरिम्‍शो गेय आन इनाम तचा माल्‍नीम। मिनु आन आन मरिम्‍शो पतीकेमी ब्रीमल।

हितोपदेस 13:18

सुमी अर्ती मनेंबा, मेको प्रुङग नु सुइम मदाक्‍शो मुर दुम्‍ब। तन्‍न हुइश्‍शो नेंब मुरुम मान ताइब।

हितोपदेस 15:12

मुरुम शुक्‍शी पाइब आन कली “मोदेंशो मपावो” दे अरेशो काइ मदाक्‍नीम। मेकोपुकी जोक्‍ब तुइक्‍ब मुर आन नेक्‍था मलाइनीम।

हितोपदेस 19:25

शुक्‍शी पाइब आन कली तुप्‍शोनु, मारेइ मजोक्‍बपुकी होस पा बाक्‍चा शेंसीनीम। निप्‍स पाइश्‍शो मुर कली हुइश्‍शोनु, मेको क्‍येङा जोक्‍‍ब दुम्‍ब। हितोपदेस २१:११

हितोपदेस 25:12

जोक्‍ब तुइक्‍ब मुर आ हुइक्‍तीक लोव़ नेंब मुर कली सुन के औंठी नु गहना खोदेंशो बाक्‍ब।

हितोपदेस 28:4

परमप्रभु यावे आ अरेशो प्रोंइबपुकीमी अरु अरेशो मटीब आन कली ठेयब सेल्‍नीम। तन्‍न परमप्रभु यावे आ अरेशो टीब मुरपुकीमी मरिम्‍शो पाइब आन कली तशा, मेको आन पर्बम सुर्ता पाइनीम।

हितोपदेस 29:1

शुश हुइक्‍चा पुंइसीशा यो, काइ मटीब दुम्‍तेक्‍म हना, मेको आन मतुइक्‍थु वारच पाइक्‍चा मपुंइसीथु, खतम दुम्‍नीम। हितोपदेस १५:१०

यसैया 29:21

मेकोपुकीमी मुर आन कली निसाफ पतीकेमी ब्रुपाइक्‍नीम। मिनु ठीक पाइब नु निसाफ पाइब कली ब्‍वारदम रेप्‍पाइक्‍नीम। मारेइ मरिम्‍शो मपाइब कली मोशा दोस गेपाइक्‍नीम। आमोस ५:१०

येरमीया 15:17

गो दला दाक्‍स पा बाक्‍ब आन हुलम गेनायो मल‍ङ। गो मेकोपुकी नु मग्‍येरसीङ। गो आं कान बाक्‍ती। मारदे हना इन गुइ आं तार बाक्‍त। मिनु गे आं कली गाइक्‍तीकेम प्रिंशो बाक्‍तीनी।

लेवी 19:17

गे इन लोक्‍ब कली काइ मदाक्‍ब मदुमीन। इन नेक्‍था ङा मुर कली रिम्‍शो पा मोदेंशो दूली गेय मपने’ दे लोव़ पने। मो मपाइतीनी हना, गे पाप राइनीनी। भजन संग्रह १४१:५; मत्ती १८:१५

मत्ती 18:15

इ लोक्‍बमी इ कली मरिम्‍शो पाप्‍तु हना, गे निक्‍शी बाक्‍सीनु, एको ओदेंशो मरिम्‍शो पाप्‍तीवी, दे तुइक्‍पतो। इ लोव़ बीसाक्‍व हना, मेको कली आम के सेल्‍नेवे। लेवी १९:१७; लूका १७:३; गलाती ६:१

लूका 3:19

मेकोमी सासन पाइब हेरोद आ लोक्‍ब आ मीश चाक्‍चा आ पर्बम दोस गेवा बाक्‍त। मोपतीके मेकोमी यूहन्‍ना कली जेल्‍खानमी चोक्‍पदा बाक्‍त। मत्ती १४:३-४; मर्कूस ६:१७-१८

प्रेरित 26:18

मारदे हना मेकोपुकी मिक्‍च ताइब दुम्‍मल। छिङछिङमी बाक्‍शोपुकी छेङछेङमी बाक्‍चा तामेक्‍ल। सैतान आ अधिकारमी बाक्‍शोपुकी परमप्रभु यावे आ अधिकारमी बाक्‍ब दुम्‍मल। मेको आन पाप क्‍याम्‍चा पुंइसीशा, आं कली थमा सुइश्‍शोमी आं मुरपुकी नु काथा दुम्‍शा, आं मुर दुम्‍मल’ देंशो नेंता। प्रेरित २०:३२

रोमी 13:12

नाक्‍दो लाक्‍शा नां सोक्‍शा, छेङछेङम बाक्‍शो खोदेंशो दुम्‍शा, होस पा बाक्‍कीन। छिङछिङ ङा गेय ताइश्‍शा, छेङछेङ ङा या पिम्‍‍सीन। १यूहन्‍ना २:८; एफिसी ५:११

रोमी 16:17

आं लोक्‍बपुकी, एको नेल्‍ल क्‍येङा नोले ङा लोव़ पशा, अर्ती गेनन्‍नी। कोइ मुरुमी ख्रीस्‍त आ लोव़ नेंशा, दूली मिम्‍ताक्‍म। मेको मुरपुकीमी मुल सम्‍म दुशा गारशा बाक्‍शो थमा सुइक्‍ब लोक्‍ब इन कली फ्राचा माल्‍नीम। मेको आन क्‍येङा होस पा बाक्‍कीन। मत्ती ७:१५; २थिस्‍सलोनिकी ३:६; तीतस ३:१०

रोमी 6:21

इन पशो मिम्‍शा, मुल यो मुने पाइनीनी। मारदे हना इन मरिम्‍शो पशो बेक्‍पाइक्‍ब बाक्‍त, दे तुइक्‍ताक्‍नी। रोमी ८:६,१३

गलाती 6:8

आंम आन थुं ङा मिम्‍शो गेय पाम्‍तेक्‍म हना, मेको आन गेय मलीथु जाम्‍शा लाइब। मिनु आ यो जाम्‍शा लाइनीम। परमप्रभु यावे आ सोक्‍तीम गेय पाम्‍तेक्‍म हना, परमप्रभु यावे आ सोक्‍त रे पा गेना हना यो ब्रोंइशा बाक्‍चा ताइनीम। रोमी ८:१३

एफिसी 4:22

मोपतीके इन ङोंइती ङा ग्रांग्रा दिचा ङा दला दाक्‍स पाइब माइत थुं ङा मुर दुम्‍शा बाक्‍चा ताइक्‍तीने। मारदे हना मेकोम इन कली खतम सेल्‍ब। कलस्‍सी ३:९-१०; रोमी ८:१३; गलाती ६:८

एफिसी 5:12

मिनु मेको आन ख्रुइश्‍शा पशो आ पर्बम लोव़ पचा यो मुने बाक्‍ब। रोमी १:२४

एफिसी 5:7

मिनु गेपुकी मोदेंशो मुर नु वारच्‍बु मदुमीन।

कलस्‍सी 1:12

इं आफ, परमप्रभु यावे कली “गे रिम्‍शो पाइब बाक्‍नीनी” देनीन। मारदे हना इन कली थमा सुइक्‍ब आन छेङछेङमी बाक्‍चा गेप्‍तु। एफिसी १:११; १पत्रुस १:४

१ थिस्‍सलोनिकी 5:7

इप्‍बपुकी नाक्‍दो इप्‍नीम, दुक्‍बपुकी नाक्‍दो दुक्‍शा बाक्‍नीम।

२ थिस्‍सलोनिकी 3:14

मिनु सु सुमी आंइ ब्रेक्‍शो लोव़ मटीमे, मेको आन कली तुइश्‍शा वोतीन। मिनु मेकोपुकी नु मबाक्‍कीन। मोदेंशो पशो तशा, मेको मुरपुकी मुने दोक्‍नीम।

२ थिस्‍सलोनिकी 3:6

आंइ लोक्‍बपुकी, गोपुकीमी इं प्रभु येसु ख्रीस्‍त आ नेंमी इन कली मार देंनीकी देंशा हना, गेपुकी नु बाक्‍शो लोक्‍ब सु सुम गेय पचा मदाक्‍थु बाक्‍मा, मोदेंशो पा आंइ शेंशो मटीमे, मेको नु काइ मबाक्‍कीन। २थिस्‍सलोनिकी २:१५; मत्ती १८:१७; रोमी १६:१७

१ तिमोथी 5:20

सु मरिम्‍शो पना पन बाक्‍मे, मेको कली थमा सुइक्‍ब आन ङोंइती हुइक्‍तो। मिनु मेको नेंब नेल्‍लेमी मरिम्‍शो पचा हिंनीम। गलाती २:१४; मत्ती १८:१५-१७

१ तिमोथी 5:22

मुर आन कली ब्रो थिशा, आन तार गुइ वोइश्‍शा, प्रार्थना मपावो। मुर आन मरिम्‍शो पतीकेमी मगरो। मरिम्‍शो रे ङोन बाक्‍को। १तिमोथी ४:१४

१ तिमोथी 6:5

मेकोपुकीमी मुर आन दातेमी जिचा पोक्‍नीम। आन थुं गशो खोदेंशो दुम्‍शा, थमा लोव़ रुप्‍‍ने मचाप्‍नीम। परमप्रभु यावे कली मिम्‍चा, दाक्‍चा क्‍येट चेम्‍तीके बाक्‍ब, दे मिम्‍नीम।

२ तिमोथी 3:5

मोदेंशो मुरुमी परमप्रभु यावे कली मिम्‍शा दाक्‍चा देंखु पाइनीम। तन्‍न आन आगामी सक्ति मबाक्‍तीके कोंइनीम। मेकोपुकी नु ङोन बाक्‍को। मत्ती ७:१५-२१; तीतस १:१६

२ तिमोथी 4:2

“परमप्रभु यावे आ लोव़ पावो। नेंचा दाक्‍ताक्‍म हना यो, मदाक्‍ताक्‍म हना यो, शेंदीमी। मरिम्‍शो पाइब आन कली लोव़ पावो। मुर आन कली ‘ठीक पचा’ दे शेंदो। आन थुं बारपतो। नेल्‍ल आन कली फाल्‍शा, रिम्‍शो शेंदो। प्रेरित २०:२०,३१

तीतस 2:15

मेको लोव़ शेंदीमी। मिनु गे अधिकार पाइश्‍शो दुम्‍शा, मुर आन कली अरेवो। मिनु मुरपुकीमी “एको ठिटामी आंइ कली शेंने मचाप्‍ब” देंचा मपुंइसो। १तिमोथी ४:१२

प्रकाश 18:4

मिनु नोले स्‍वर्ग रे अर्को सेंदा का नेंता। मेको सेंदामी “आं मुरपुकी, मेको सहर रे ग्रूशा पिने। मेकेर रे मग्रूतीनी हना, गे मेकोपुकी खोदेंशो मरिम्‍शो पाइनीनी। मोपा मरिम्‍शो पाइतीनी हना, मेको खोदेंशो पा सजाइ ताइनीनी। यसैया ४८:२०; येरमीया ५०:८; येरमीया ५१:६,४५; २कोरिन्‍थी ६:१७