एफिसी 4:6 - Sunuwar Bible

⁶ मिनु नेल्‍ल इं आफ परमप्रभु यावे यो का ला बाक्‍ब। मेको नेल्‍ल आन क्‍येङा ठेयब बाक्‍ब। नेल्‍ल पतीकेमी नु नेल्‍ल आन आगाम बाक्‍ब। १कोरिन्‍थी १२:६

एफिसी 4:6 ပူးပေါင်းရင်းမြစ်များ

उत्पत्ती 14:19

मिनु मेकोमी अब्राम कली आसीक गेशा “सरीङ नु रागी सेल्‍ब नेल्‍ल क्‍येङा ठेयब परमप्रभु आ आसीक इ कली रल।

भजन संग्रह 95:3

मारदे हना परमप्रभु यावे ठेयब परमप्रभु बाक्‍ब। देवी देवता नेल्‍ल आन ठेयब पिप बाक्‍ब। प्रस्‍थान १५:११

यसैया 63:16

गे आंइ आफ बाक्‍नीनी। मिनु अब्राहाममी आंइ कली मतुइश्‍‍शो बाक्‍त। इस्राएलम आंइ कली मतव। गे, परमप्रभु यावे, आंइ आफ, आंइ श्‍येत रे प्रोंइब बाक्‍नीनी। मेको साइ रे इन नें बाक्‍ब। ब्‍यवस्‍था ३२:६

मलाकी 2:10

मार, गो नेल्‍ल इं आफ कान ममाइ ङा? मार, परमप्रभु कामीन इं कली मसेला ङा? मारदे गोपुकीमी कामी अर्को कली थमा मसुइक्‍थु, इं किकी पिपी आन कली गेशो कबल ख्रोइक्‍नया? मलाकी १:६; अय्‍युब ३१:१५; एफिसी ४:६

गन्‍ती 16:22

मिनु मोसा नु हारूनमी खुम्‍की पा “परमप्रभु मुर नेल्‍ल आन कली ब्रोंइचा गेब परमप्रभु, मुर कामी पाप पतीके गे मुर नेल्‍ल नु गाइक्‍नीनी?” देंताक्‍स। अय्‍युब १०:१२; अय्‍युब १२:१०; २सामुएल २४:१७; गन्‍ती २७:१६

मत्ती 6:13

सैतानमी आंइ थुं हिरपाइक्‍चा मगेने। आंइ कली सैतान रे प्रोनीने। मारदे हना राज्‍य, सक्ति नु छेङछेङ गेना हना यो इन के नम’ आमेन। यूहन्‍ना १७:१५; १कोरिन्‍थी १०:१३; १इतिहास २९:११-१३

मत्ती 6:9

ओदें प्रार्थना पने ‘स्‍वर्गम बाक्‍ब आंइ आफ, इन नें ठेयब बाक्‍ल। लूका ११:२-४; इजीकीएल ३६:२३

यूहन्‍ना 14:23

मिनु येसुमी “सुमी आं कली दाक्‍बा, मेकोम आं देंशो लोव़ पाइब। आं आफोमी मेको कली दाक्‍ब। मिनु गो नु आं आफ मेको नु बाक्‍नस्‍कु। हितोपदेस ८:१७; एफिसी ३:१७

यूहन्‍ना 17:26

गो मेको आन कली इन नें तुइक्‍पाइक्‍तामी। मिनु लेंशा तुइक्‍पाइक्‍नुङमी। मारदे इन नें तुइक्‍पाइक्‍नुङमी देंशा हना, गेमी आं कली दाक्‍शो खोदेंशो पा इन दाक्‍तीके मेको आन आगामी बाक्‍ल। मिनु गो मेको नु आन आगाम बाक्‍ङल” दे येसुमी परमप्रभु यावे कली पुंइतु।

यूहन्‍ना 20:17

मिनु येसुमी “मग्‍याइक्‍ती। मारदे हना मुल सम्‍म आं आफ आ बाक्‍तीक मलङ। आं लोक्‍ब आन बाक्‍तीक लशा, मेको आन कली ‘गो इं आफ, परमप्रभु यावे आ बाक्‍तीक लाइनुङ’ गे मेको आन कली शेंदो” दे माइक्‍तु। हिब्रू २:११-१२

रोमी 11:36

परमप्रभु यावेमी मार बाक्‍त हना यो, आंमान सेल्‍तु। मिनु मारेइ मारेइ आइक्‍के नम। मिनु आ गोशो गेय आंमान थुम्‍ब, दे तुइक्‍तय। मोपतीके “परमप्रभु यावे नेल्‍ल क्‍येङा ठेयब बाक्‍ब” दे ठेयब सेल्‍तीक गेना हना यो लील। आमेन।

१ कोरिन्‍थी 12:6

मेकेर शुश गेयपुकी बाक्‍नीमी। मिनु परमप्रभु यावेमी मुर नेल्‍ल आन कली का का पा मेको गेय पतीके थुं गेब।

१ कोरिन्‍थी 8:6

इं कली परमप्रभु यावे का ला बाक्‍ब। मेको मारेइ मारेइ सेल्‍ब इं आफ बाक्‍ब। मिनु गोपुकी यो मेको आ सेल्‍शो बाक्‍नय। मिनु इं प्रभु का ला बाक्‍ब, मेको प्रभु येसु ख्रीस्‍त बाक्‍ब। मेको आ पतीकेम मारेइ मारेइ दुम्‍शा, गो ब्रोंइचा ताइनीकी। १कोरिन्‍थी १२:५-६; प्रस्‍थान २०:३; मलाकी २:१०; एफिसी ४:५-६; यूहन्‍ना १:३; कलस्‍सी १:१६

२ कोरिन्‍थी 6:16

परमप्रभु यावे आ खिं नु मूर्ति दोपा गारनीसी ङा? मारदे हना गो गेना हना यो ब्रोंइशा बाक्‍ब परमप्रभु यावे आ खिं बाक्‍नीकी। मिनु परमप्रभु यावेमी “आं मुर आगाम बाक्‍नुङ। मेको आन दातेम गाक्‍नुङ। मेको आन परमप्रभु यावे दुम्‍नुङ। मिनु मेकोपुकी आं मुर दुम्‍नीम” देंशो बाक्‍त। लेवी २६:११-१२; इजीकीएल ३७:२७; १कोरिन्‍थी ३:१६

एफिसी 1:21

मिनु हुकुम पाइब, अधिकार पाइश्‍शो, सक्ति पाइश्‍शो ठेयब दुम्‍शो नेल्‍लेमी ख्रीस्‍त कली प्रभु देंचा माल्‍नीमी। मेको नेल्‍ल आन क्‍येङा ठेयब नें बाक्‍ब। मुल ला ममाइ, नोले यो मोदेंशोन बाक्‍ब। रोमी ८:३८-३९; फिलिप्‍पी २:९; कलस्‍सी २:१०

एफिसी 2:22

मिनु गेपुकी यो परमप्रभु यावे आ सोक्‍तीम पतीके परमप्रभु यावे आ खिं बाक्‍नीनी।

एफिसी 3:17

मोपा थमा सुइक्‍तीके ख्रीस्‍त मेको आन थुंमी बाक्‍ब। मिनु ‘येसु ख्रीस्‍तमी आं कली दाक्‍ब’ दे शाक्‍श ग्रुक्‍शो रवा खोदेंशो पा इन दाक्‍तीकेमी ख्रुम्‍शो मुरपुकी से‍लीन। यूहन्‍ना १४:२३; कलस्‍सी २:७

एफिसी 6:23

मिनु इं आफ परमप्रभु यावे नु प्रभु येसु ख्रीस्‍तमी इन कली थुं नाइश्‍शा बाक्‍चा गेम्‍सेक्‍ल।

ब्‍यवस्‍था 6:4

इस्राएलीपुकी, नोफा दाइश्‍शा, नेनीन। परमप्रभु यावे, का ला इं परमप्रभु बाक्‍ब। मर्कूस १२:२९; १कोरिन्‍थी ८:४-६

१ यूहन्‍ना 3:24

सुमी आ अरेशो लोव़ पाइबा, येसु नु थुं का ङा बाक्‍ब। मिनु येसु यो मेको मुर नु थुं का ङा बाक्‍ब। परमप्रभु यावे नु गोपुकी थुं का ङा दुम्‍तय, दे दोपा तुइक्‍नय देंशा हना, मेकोमी गेशो सोक्‍तीमी शेंशो रे तुइक्‍नय। १यूहन्‍ना ४:१३; रोमी ८:९