एफिसी 4:4 - Sunuwar Bible

⁴ दोपा रां नु सोक्‍त का बाक्‍नीसी, मोपा थुं का दुमीन। गे नेल्‍ल इन आस कान बाक्‍ब। मोपा ब्रेत्‍चा पुंइसाक्‍नी। रोमी १२:५

एफिसी 4:4 ပူးပေါင်းရင်းမြစ်များ

भजन संग्रह 122:8

मिनु गो आं लोक्‍ब नु आं वारच आन पर्बम “इ आगामी थुं नाइश्‍शा बाक्‍तीक दुम्‍ल।

येरमीया 14:8

ए इस्राएल आ आस पतीके, श्‍येत जवानु मेको कली प्रोंइब, गे एको रागीम मारदे अर्को रागी ङा मुर खोदेंशो दुम्‍नीनी? गे मारदे नाक्‍दो का ला बाक्‍ब, लां गाक्‍ब मुर खोदेंशो दुम्‍नीनी?

येरमीया 17:7

परमप्रभु यावे कली थमा सुइक्‍ब मुर आसीक रशो बाक्‍नीम। मेकोपुकीम परमप्रभु यावे कली आस पशो बाक्‍नीम। बजन संग्रह १४६:५

मत्ती 28:19

मोपतीके रागीम नेल्‍ल हिरशा, नेल्‍ल जात, थर ङा मुर आन कली आं पर्बमी शेंशा, आं नोले खोइक्‍ब शेंसीब सेलीने। आं आफ, परमप्रभु यावे, आ तौ नु परमप्रभु यावे आ सोक्‍त आन नेंमी मेको आन कली ब्‍वाक्‍कुम ख्रुम्‍शा ग्रुंइदीने। मत्ती २४:१४; मर्कूस १६:१५-१६; २कोरिन्‍थी ५:२०

प्रेरित 15:11

मारदे हना प्रभु येसुमी इं कली शिशी पतीके पाप रे ब्रोंइचा ताइतय, दे थमा सुइक्‍तय। मेकोपुकीमी इं खोदेंशो पा प्रभु आ शिशी तशा थमा सुइक्‍ब दुम्‍तेक्‍म” दे पत्रुसमी माइक्‍मी बाक्‍त। मिनु नेल्‍ल ब्‍वालेइ पामे बाक्‍त। गलाती २:१६; एफिसी ४:२-१०

रोमी 11:29

परमप्रभु यावेमी गेशो नु आ योव़तीक गेनायो मजाम्‍ब। गन्‍ती २९:१३

१ कोरिन्‍थी 10:17

गो शुश बाक्‍यानु, रां का खोदेंशो दुम्‍शा बाक्‍य। मोपतीके शोब्‍ले का बाक्‍ब। मिनु गो नेल्‍लेम मेको शोब्‍ले का रे जाइनय। १कोरिन्‍थी १२:२७; रोमी १२:५

१ कोरिन्‍थी 12:20

मेको मारेइ मारेइ शुश बाक्‍तेक्‍म हना यो, रां चहिं कांइचीक बाक्‍ब।

२ कोरिन्‍थी 11:4

मारदे हना मुर का जाक्‍शा, मेकोमी इन कली अर्को येसु आ पर्बम शेंब आंइ शेंशो खोदेंशो ममाइ, इन ङोंइती ताक्‍शो ममाइ, अर्को सोक्‍त ताक्‍पाइक्‍ब। अर्को ग्‍येरपाइक्‍तीक लोव़ नें‍पाइक्‍ब। मिनु गे रीब पा बित्‍नीनी। गलाती १:८-९

एफिसी 1:18

गे मेको आन कली मार कली ब्रेश्‍शो बाक्‍नीनी, थमा सुइक्‍ब आन ततीक मार बाक्‍बा, इन छेङछेङ गिश ठेयब बाक्‍बा, मेको नेल्‍ल रुप्‍तीक थुं गेने।

एफिसी 2:16

येसु ख्रीस्‍तमी इं कली परमप्रभु यावे नु गारपाइक्‍चा कली शीम कांटी थोक्‍चा पुंइसीशा बेक्‍त। मोपा इस्राएली नु अर्को रागी ङा जिचा खे‍चा साम्‍शा, निम्‍फा आस कली परमप्रभु यावे नु गारपाइक्‍तु।

एफिसी 2:18

मोपा गोपुकी परमप्रभु यावे आ सोक्‍तीम पतीके नेल्‍ल येसु ख्रीस्‍त रे पा इं आफ परमप्रभु यावे आ नेक्‍था जाक्‍दीत्‍नय। एफिसी ३:१२

एफिसी 2:22

मिनु गेपुकी यो परमप्रभु यावे आ सोक्‍तीम पतीके परमप्रभु यावे आ खिं बाक्‍नीनी।

एफिसी 4:1

गो प्रभु आ पर्बम ग्‍याइक्‍चा पुंइसीब, इन कली अरेनुङ। गेपुकी परमप्रभु यावे आ ब्रेश्‍शो दुम्‍शो बाक्‍नीनी। मोपतीके परमप्रभु यावे कली शिरशो गेय पने।

एफिसी 5:30

मिनु गोपुकी आ रां ङा गुइ खोइल बाक्‍नय।

कलस्‍सी 1:5

स्‍वर्गमी इन कली रिम्‍शो दुम्‍ब, दे तुइक्‍ताक्‍नी। गेपुकीमी ङोंइती रे थमा लोव़ पशो नेंतीनी। मेकोन ग्‍येरपाइक्‍ब लोव़ बाक्‍ब। १पत्रुस १:३-४

कलस्‍सी 3:15

ख्रीस्‍त आ थुं इन थुंम नाइश्‍शा हुकुम पचा गेने। गेपुकी रां का ङा दुम्‍चा कली योव़सीशो बाक्‍नीनी। गेपुकीमी प्रभु कली “गे रिम्‍शो पाइब बाक्‍नीनी” दे शुश देनीन। फिलिप्‍पी ४:७; १कोरिन्‍थी १२:१३,२७; एफिसी ४:३-४

२ थिस्‍सलोनिकी 2:16

इं प्रभु येसु ख्रीस्‍त नु इं आफ परमप्रभु यावे आस शिशीमी इं कली दाक्‍शा, गेना हना यो थुं बारपाइश्‍शा, रिम्‍शो आस गेम्‍ताक्‍स।

१ तिमोथी 1:1

ख्रीस्‍त आ सोइश्‍शो गो पावल नङ। इं कली पाप रे प्रोंइब परमप्रभु यावेमी “ख्रीस्‍त येसु आ सोइश्‍शो दुमो” दे माइक्‍ती। इं कली ब्रोंइचा गेनुङ, दे कबल पाइब ख्रीस्‍त येसुमी यो मोन माइक्‍ती। कलस्‍सी १:२७

तीतस 1:2

मोदेंशो दुम्‍मेनु, गो नेल्‍ल गेना हना यो परमप्रभु यावे नु बाक्‍शा ब्रोंइनय, दे आस पाइनय। २तिमोथी २:१३

तीतस 2:13

मोदेंशो दुम्‍शा, मान ताइब परमप्रभु यावे नु इं कली पाप रे प्रोंइब येसु ख्रीस्‍त आ छेङछेङ ग्रूब, दे गो आस पशा रिम्‍नय। १कोरिन्‍थी १:७; फिलिप्‍पी ३:२०; १थिस्‍सलोनिकी १:१०

तीतस 3:7

मोदेंशो पा, परमप्रभु यावे आ शिशी आ पतीकेम इं कली ठीक सेल्‍तु। मिनु परमप्रभु यावे नु बाक्‍चा शिरशो दुम्‍तय। परमप्रभु यावे नु गेना हना यो बाक्चा कली आस पा बाक्‍तय। रोमी ३:२६

१ पत्रुस 1:21

गे येसु ख्रीस्‍त आ पतीके परमप्रभु यावे कली थमा सुइक्‍नीनी। मेकोमी येसु ख्रीस्‍त कली बेक्‍शो रे सेंपाइश्‍शा, छेङछेङम वोइक्‍तु। मोपतीके गे “परमप्रभु यावेमी इं कली कोव़ब” दे थमा सुइश्‍शा आस पने।

१ यूहन्‍ना 3:3

मिनु सु मेको आ मग्रूम सम्‍म रिम्‍शा बाक्‍बा, मेको येसु ख्रीस्‍त पाप रे ङोन बाक्‍शो खोदेंशो पा, मेको यो पाप रे ङोन बाक्‍ब।