एफिसी 4:32 - Sunuwar Bible

³² मिनु रिम्‍शो पा कोव़मुने। दोपा परमप्रभु यावेमी ख्रीस्‍त मिम्‍शा, इन कली माफ गेवा, मोपा गेपुकी यो माफ गेमुने। मत्ती ६:१४; मत्ती १८:२२-३५; कलस्‍सी ३:१३

एफिसी 4:32 ပူးပေါင်းရင်းမြစ်များ

२ सामुएल 7:21

गे इन थुंम मिम्‍शा, थोक्‍शा पशो लोव़ इन गेय पाइब, आं कली तुइक्‍पाइक्‍चा कली मोदेंशो ठेयब गेय पाइतीनी।

भजन संग्रह 112:9

मेकोपुकीमी हाइश्‍शो थुं पा प्रुङग आन कली मार मार गेम्‍तेक्‍म। मेको आन ठीक पतीके गेना हना यो लीब। मेको मान ताइब बाक्‍नीम। २कोरिन्‍थी ९:९

भजन संग्रह 145:9

परमप्रभु यावे नेल्‍ल आन कली रिम्‍शो पाइब बाक्‍ब। मिनु आ सेल्‍शो नेल्‍ल आन कली शिशी पाइब।

हितोपदेस 12:10

ठीक पाइब मुरपुकीमी आंम बी ब्‍यफ, क्‍यारश भेडा आन कली रिम्‍शो कोव़नीम। तन्‍न परमप्रभु यावे आ अरेशो मटीबपुकीमी शिशी मपाइनीम। प्रस्‍थान २३:५

हितोपदेस 19:11

निप्‍स पाइश्‍शो मुर ओंखां पा गाइक्‍नीम। मिनु अरुमी थुं खाइक्‍तीक लोव़ पाम्‍तेक्‍म हना यो, मेको सिक्‍सी पा बाक्‍चा आ मान बाक्‍ब। हितोपदेस १४:२९

हितोपदेस 19:22

शिशी पाइब मुर दुम्‍चा रिम्‍शो बाक्‍ब। जोल पाइब दुम्‍चा क्‍येङा प्रुङग दुम्‍चा रिम्‍शो बाक्‍ब।

यसैया 57:1

ठीक पाइब बेक्‍नीम। सुइमी मेको आन पर्बम सुर्ता मपाइनीम। परमप्रभु यावे कली मप्रोंइथु, दाक्‍बपुकी लाइक्‍चा पुंइसीनीम। मारदे मो पाइनीमी, मेको सुइमी मरुप्‍नीम। ठीक पाइब हिंचा ङा श्‍येत दुम्‍चा क्‍येङा ङोंइती लाइक्‍चा पुंइसीनीम। मीका ७:२

येरमीया 38:12

मिनु एथीयोपीया ङा एबेद-मेलेकमी येरमीया कली “इ बला आगा नु डोरी आन दातेमी एको माइत जेक्‍शो वासी वोतो” देंत। मिनु येरमीयामी मो पाप्‍तु।

मत्ती 6:12

आंइ मरिम्‍शो पशो क्‍याम्‍शा गेने। मारदे हना गो यो आंइ कली मरिम्‍शो पाइब आन कली माफ गेतक। मत्ती १८:२१-३५

मर्कूस 11:25

प्रार्थना पा बाक्‍नीनु, सुइ नु चुरशो बाक्‍तीनी हना, मेको कली माफ गेने। मिनु स्‍वर्गम बाक्‍ब इन आफोमी यो इन मरिम्‍शो पशो क्‍याम्‍शा माफ गेब।

लूका 1:78

आंइ परमप्रभु यावेमी इं कली दाक्‍शा, शिशी पा, रुप्‍तीक थुं सुनी ङा छेङछेङ खोदेंशो पा इं तार मोइक्‍ताक्‍व। यसैया ६०:१-२

लूका 11:4

आंइ मरिम्‍शो पशो क्‍याम्‍शा गेकी। मारदे हना गो यो आंइ कली मरिम्‍शो पाइब आन कली का का पा माफ गेनीकी। सैतानमी आंइ थुं थाम्‍चा मगेने’ दे प्रार्थना पने” दे शेंदीमी बाक्‍त।

लूका 17:4

काबुम ७ खेयप पाप पशा, ७ खेयप माफ पुंइथ जाक्‍त हना यो, ७ खेयप माफ गेवो” दे शेंदीमी बाक्‍त। मत्ती १८:२१-२२

लूका 6:35

इन जोरी सत्रु आन कली दाक्‍तीन। वारच पने। लेंशा ताक्‍चा ममिम्‍थु जेर गेने। मो पाइतीनी हना, गे ठेयब इनाम ताइनीनी। मिनु नेल्‍ल क्‍येङा ठेयब आ मुर दुम्‍नीनी। मारदे हना ‘रिम्‍शो पाइतीनी’ मदेंब नु आ अरेशो मटीब आन कली रिम्‍शो पाइब।

लूका 6:37

मिनु येसुमी “मुर आन कली मनाक्‍तीने। मिनु इन कली मनाक्‍नीम। दोस मगेने। मिनु गे यो दोस मताइनीनी। माफ गेने, मिनु गे यो माफ गेचा पुंइसीनीनी। मत्ती ६:१४

प्रेरित 28:2

मेको टापुमी बाक्‍बपुकीमी आंइ कली तशा, शिशी पा शुश रिम्‍शो पा वारच पाम्‍तेक्‍म। मेकेर थम ग्‍यू पा रेउ यित। मोपतीके मेकोपुकीमी मी मुइश्‍शा थेरपाइक्‍तीकी। २कोरिन्‍थी ११:२७

रोमी 12:10

लोक्‍बपुकीमी दाक्‍मुशो खोदेंशो पा दाक्‍मुशा बाक्‍कीन। आंम कली मान पचा मपुंइसीथु, अरु आन कली मान पने। यूहन्‍ना १३:४-१५; फिलिप्‍पी २:३

१ कोरिन्‍थी 13:4

दाक्‍तीकेमी श्‍येत फाल्‍ने नु शिशी पने चाप्‍ब। दाक्‍तीकेमी गेहे मपाइब मबोरब।

२ कोरिन्‍थी 2:10

गेपुकीमी सु सु आन कली माफ गेनी, गो यो मेको आन कली माफ गेता। माफ गेङानु, इन पर्बम ख्रीस्‍त आ ङोंइती गेता। यूहन्‍ना २०:२३

२ कोरिन्‍थी 2:7

मुल ङा मेरे माफ गेने। आ थुं नाइक्‍पाइश्‍शा बारपतीन। मोदेंशो मपाइतीनी हना, आ मरिम्‍शो पशो मिम्‍शा, आ कांइचीक बाक्‍शा, बेक्‍शो खोदेंशो दुम्‍ब।

२ कोरिन्‍थी 6:6

रिम्‍शो थुं कोंइनीकी, जोक्‍शो तुइश्‍शो गेय कोंइनीकी, मचबु देंब मदुम्‍नीकी, शिशी कोंइनीकी, परमप्रभु यावे आ सोक्‍तीम देंशो टीनीकी, मुर आन कली दाक्‍नीकी। १तिमोथी ४:१२; २कोरिन्‍थी ४:२; १कोरिन्‍थी २:४; एफिसी ६:१४-१७

एफिसी 5:1

गेपुकी परमप्रभु यावे आ दाक्‍शो तमी तौ दुम्‍तीके मेकोमी दोदेंशो पवा, मोदेंशो पने। लूका ६:३६

याकूब 5:11

नेनीने, मेको परमप्रभु यावे कली मप्रोंइब आन पर्बम “ग्‍येरशो मुर दुम्‍तेक्‍म” दे लोव़ पाइनीकी। अय्‍युब माइश्‍शो मुर का श्‍येत जशा यो, परमप्रभु यावे कली काइ मप्रोंइथु, बाक्‍शो बाक्‍त। गेपुकी मेको आ कथा नेंतीनी। परमप्रभु यावेमी मारदे अय्‍युब कली मेको शुश श्‍येत जचा गेवा, तुइक्‍ताक्‍नी। परमप्रभु यावेमी गिश लेम्‍शा शिशी पाइबा, मेको ताइतीनी। इं कली आ लेम्‍शो नु आ शिशी कोंइताक्‍व। अय्‍युब १:२१; अय्‍युब ४२:१०-१६

२ पत्रुस 1:7

परमप्रभु यावे खोदेंशो पा गेय पशा, थमा सुइक्‍ब आन कली आंम इन लोक्‍ब खोदेंशो पचा माल्‍नीनी। लोक्‍ब खोदेंशो पा दाक्‍चा माल्‍नीनी। गलाती ६:१०

१ यूहन्‍ना 1:9

गोपुकीमी “मरिम्‍शो पाइतक” देंतय हना, इं मरिम्‍शो पतीके क्‍याम्‍शा, इं कली शेक्‍ब। मारदे हना मेको आ देंशो पाइब नु ठीक पाइब बाक्‍ब। भजन संग्रह ३२:३-५; हितोपदेस २८:१३

१ यूहन्‍ना 2:12

आं दाक्‍शो तमी तौपुकी, गो इन कली मारदे ब्रेक्‍ना ब्रेक्‍न बाक्‍ती देंशा हना, इन पशो मरिम्‍शो नेल्‍ल येसु ख्रीस्‍त आ नेंमी क्‍याम्‍सीशो बाक्‍त। मोपतीके गो इन कली ब्रेक्‍ना ब्रेक्‍न बाक्‍ती।

रूथ 2:20

मिनु नाओमीमी आ चाइमी कली “परमप्रभु यावेमी मेको कली आसीक गेवल। मिनु बेक्‍शो नु ब्रोंइशो मुर आन कली शिशी पचा मप्रोन। मेको मुर इस खाल ङा बाक्‍ब” देंमाक्‍त। रूथ ४:४