एफिसी 4:30 - Sunuwar Bible

³⁰ परमप्रभु यावे आ सोक्‍त कली थुं मखाइक्‍पतीन। मारदे हना गेपुकी परमप्रभु यावे आ बाक्‍तीके मजाक्‍दीन्‍नी सम्‍म परमप्रभु यावे आ सोक्‍तीमी छाप थोक्‍सीशो बाक्‍नीनी। यसैया ६३:१०; एफिसी १:१३-१४

एफिसी 4:30 ပူးပေါင်းရင်းမြစ်များ

उत्पत्ती 6:3

मिनु परमप्रभु यावेमी “आं सोक्‍त मुर आन कली शुश बर्स बाक्‍चा मगेनुङ। मुर बेक्‍चा माल्‍नीम। आन ब्रोंइतीक सहे का २० बर्स ला दुम्‍ब” देंमाक्‍त।

उत्पत्ती 6:6

मिनु परमप्रभु यावेमी आंम सेल्‍शो मुर आन कली तशा, शुश आ थुं मनुथु बाक्‍शो बाक्‍माक्‍त। १सामुएल १५:११-३५; येरमीया १८:७-१०

भजन संग्रह 78:40

मेकोपुकीमी गोरशो रागीम शुश खेयप परमप्रभु कली मटीमे। परमप्रभु कली मुर मबाक्‍तीकेमी श्‍येत गेम्‍तेक्‍म।

भजन संग्रह 95:10

गो ४० बर्स सम्‍म मेकोपुकी नु गाइक्‍ताक्‍ङ। एको दूली पाइब मुर बाक्‍नीम। आं कली मटीब बाक्‍नीम।

यसैया 43:24

गे आं कली ब्रोव़शो रिना पाइब थोव़क ग्‍याप्‍शा मचाक्‍गी। इ चढ़ेशो आन बोंसो मगेयी। तन्‍न इ पाप पतीकेमी गे आं कली श्‍येत गेप्‍तीवी। इ मरिम्‍शो पतीकेमी आं कली श्‍येत जपाइक्‍ती। २कोरिन्‍थी ५:२१

यसैया 63:10

तन्‍न मेकोपुकीमी काइ मटिथु, आ सोक्‍त कली थुं खाइक्‍पाइक्‍तेक्‍म। मोपतीके परमप्रभु यावे मेको आन जोरी सत्रु दुम्‍शा, आंमा मेकोपुकी नु लडाइ पाप्‍तु।

यसैया 7:13

मिनु यसैयामी “दाऊद आ खिं ङा मुर नेनीन। मुर आन कली दपाइश्‍शो खोदेंशो पा, आं परमप्रभु कली यो दपाइक्‍नीनी?

इजीकीएल 16:43

मारदे हना गे इ ठिटी बाक्‍ङे ना ङा नाक्‍त ममिम्‍ती। तन्‍न एको गेय नेल्‍लेमी आं कली गाइक्‍पाइक्‍ती। मोपतीके गो इ पशो इ पियामीन मोइक्‍ता। गे इ अरु ग्रांग्रा दिशो गेय नेल्‍ल प्रोंइशा यो इ पतीक नेल्‍ल मरिम्‍शो सेल्‍शा, इ गेय मतेम्‍दी ङा? गे मूर्ति पूजा पाइब क्‍येङा मरिम्‍शो पाइब मनवे ङा?” देंत।

होसे 13:14

गो मेको आन कली तुरस रे प्रोंइनुङा ङा? गो मेको आन कली बेक्‍चा रे पा प्रोंइनुङा ङा? साइक्‍ब, इ साइक्‍तीक ते बाक्‍बा? तुरस, इ खतम सेल्‍तीक ते बाक्‍बा? गो शिशी मपाइनुङ। २तिमोथी १:१०; प्रकाश २०:१४; १कोरिन्‍थी १५:५४-५५

मर्कूस 3:5

मिनु सिक्‍सी पा बाक्‍शो तशा, आ थुं खाइश्‍शा गाइश्‍शा, मेको आन कली का का पा कोव़शा, गुइ सोव़शो कली “इ गुइ दिंदो” दे मदा बाक्‍त। मिनु मेकोमी गुइ दिंसेनु सामाक्‍त।

लूका 21:28

मेको चिन्‍डपुकी दुम्‍शो तनीनु, इन पिया पोक्‍शा, ठेयब थुं पा ग्‍येरसीने। मारदे हना श्‍येत रे प्रोंइब इन नेक्‍था जाक्‍शो बाक्‍ब” दे शेंदीमी बाक्‍त। फिलिप्‍पी ४:४,५

यूहन्‍ना 3:33

सु सुमी आ देंशो थमा सुइक्‍नीम, मेकोपुकीमी ‘परमप्रभु यावेमी ङोंइती देंशो लोव़ थमा बाक्‍ब’ दे तुइश्‍शा गेय पाइनीम।

प्रेरित 7:51

“ए, गे परमप्रभु यावे आ लोव़ मनेंथु मटीब फुल्‍लु खोदेंशो थुं पाइश्‍शोपुकी, गे परमप्रभु यावे कली मतुइक्‍ब मुर खोदेंशो पाइनीनी। इन किकी पिपीमी पशो खोदेंशो पा गे यो परमप्रभु यावे आ सोक्‍त आ देंशो मटिथु दूली पाइनीनी। प्रस्‍थान १२:९; लेवी २६:४; रोमी २:२८-२९

रोमी 8:11

परमप्रभु यावे आ सोक्‍तीमी दोपा ख्रीस्‍त येसु कली बेक्‍शो रे सेंदा, मोपान इं कली यो सेंशा ब्रोंइचा गेब। मारदे हना मुल मेको सोक्‍त इं आगाम बाक्‍शा, इं कली ब्रोंइचा गेब।

रोमी 8:23

मेको सेल्‍शोमी ला ममाइ। गो नेल्‍ल क्‍येङा ङोंइती परमप्रभु यावे आ सोक्‍त ताइबपुकीमी यो हिंमा क्‍येम्‍स पा “आंइ रां बेक्‍चा रे प्रोनीन” दे पुंइना पुंइन आस पा बाक्‍नय। २कोरिन्‍थी ५:२

१ कोरिन्‍थी 1:30

मेकोमी येसु ख्रीस्‍त आ नेंमी इन कली ब्रोंइचा गेब। मेको इन जोक्‍तीक तुइक्‍तीक, इन ठीक पतीके, परमप्रभु यावे आ मुर दुम्‍तीके नु पाप रे प्रोंइतीके बाक्‍ब। येरमीया २३:५-६; २कोरिन्‍थी ५:२१; यूहन्‍ना १७:३९; मत्ती २०:२८

१ कोरिन्‍थी 15:54

मिनु जाम्‍शा लाइब रां, गेना हना यो लीब रां दुम्‍चा माल्‍ब। बेक्‍ब रां, गेनायो मबेक्‍चा ङा रां दुम्‍चा माल्‍ब। मेना मेको ब्रेक्‍शो लोव़ थमा दुम्‍ब “ब्रोंइतीक सक्तिमी बेक्‍चा कली ग्रात।

१ थिस्‍सलोनिकी 5:19

परमप्रभु यावे आ सोक्‍त कली मकाप्‍तीन। १कोरिन्‍थी १४:१,३९

हिब्रू 10:29

मिनु परमप्रभु यावे आ तौ कली खोइलीम दिम्‍ब, शुश सजाइ गेशा साइक्‍चा पुंइसाक्‍म, दे तुइक्‍नय। ङोंइती आंम कली पाको सेल्‍शो नक कबल ङा हुश आ पर्बम शुक्‍शी पा “हुश नेल्‍ल कांइचीक बाक्‍ब, मार अर्को लोव़ बाक्‍बा ङा?” देंनीम। परमप्रभु यावे आ सोक्‍ती आ पर्बम यो शुक्‍शी पाइनीम। मोदेंशो पाइबपुकी शुश सजाइ गेचा मपुंइसीनीमी ङा? हिब्रू २:३; हिब्रू १२:२५

हिब्रू 3:10

मोपतीके मेको आन कली तशा, आं थुं जिक्‍त। मिनु गो ‘मेकोपुकी गेना हना यो हेंथे गाक्‍नीम। आं लां मतुइक्‍नीम’ देंती।

हिब्रू 3:17

सु सुमी ४० बर्स सम्‍म परमप्रभु यावे आ थुं जिक्‍तमे? मेको पाप पाइबपुकी मनमी ङा? मेको गोरशो रागीमी बेक्‍शो बाक्‍तेक्‍म। गन्‍ती १४:२९; १कोरिन्‍थी १०:१०

न्‍यायाधीस 10:16

मिनु अरु देवी देवता आन कली ताइश्‍शा, परमप्रभु यावे कली ठेयब सेल्‍मे बाक्‍त। मिनु परमप्रभु यावेमी इस्राएली आन कली मेको क्‍येङा श्‍येत गेचा मगेमी बाक्‍त। यहोसु २४:२३; न्‍यायाधीस २:१८