एफिसी 4:26 - Sunuwar Bible

²⁶ गाइक्‍ताक्‍नी हना, पाप मपने। मिनु नां रिक्‍चा क्‍येङा ङोंइती इन गाइक्‍चा थुमीने। भजन संग्रह ४:४; याकूब १:१९-२०

एफिसी 4:26 ပူးပေါင်းရင်းမြစ်များ

भजन संग्रह 37:8

गाइक्‍चा नु चुरचा प्रोनीन। मगाइक्‍तीन। मारदे हना मो पतीकेमी इन कली मरिम्‍शो पपाइक्‍ब।

भजन संग्रह 4:4

गेपुकी गाइश्‍शा, पाप मपने। इन ब्राख्‍येम इप्‍शा, इन थुं नु लोव़ पने। मिनु सिक्‍सी पा बाक्‍कीन। ठेयब सेंदा पा। एफिसी ४:२६

प्रस्‍थान 11:8

मिनु नोले इन गेय पाइब नेल्‍लेमी आं ङोंइती खुम्‍की पा बाप्‍शा, आं कली ‘गे नु इन नोले खोइक्‍ब मुरपुकी एक रे लने’ देंनीम। मिनु गो लाइनुङ” दे मोसामी फाराओ कली देंत। मिनु मोसा फाराओ आ बाक्‍तीके रे शुश गाइश्‍शा चुरशा गाक्‍त।

हितोपदेस 14:29

रीब पा मगाइक्‍ब शुश रुप्‍ब मुर बाक्‍ब। तन्‍न रीब पा गाइक्‍ब मुर मूर्ख दुम्‍शा लाइब। हितोपदेस १६:३२; हितोपदेस १९:११

हितोपदेस 19:11

निप्‍स पाइश्‍शो मुर ओंखां पा गाइक्‍नीम। मिनु अरुमी थुं खाइक्‍तीक लोव़ पाम्‍तेक्‍म हना यो, मेको सिक्‍सी पा बाक्‍चा आ मान बाक्‍ब। हितोपदेस १४:२९

हितोपदेस 25:23

उत्तर रे पा फशेमी रेउ यिपाइश्‍शो खोदेंशो पा, ख्रुइश्‍शो लोव़ फ्राइबमी मुर आन कुल राव किक्‍पाइक्‍ब।

उपदेसक 7:9

रीब पा मगाइक्‍तो। मारदे हना गाइक्‍‍तीक मूर्ख आन थुंम बाक्‍ब। याकूब १:१९

गन्‍ती 20:24

“हारून आ किकी पिपी नु बाक्‍थ लाइब। गे निम्‍फा मेरीबा ङा ब्‍वाक्‍कुम आं देंशो मटितीके, गोम इस्राएली आन कली गेशो रागीम हारून ओव़चा मताइब।

मत्ती 5:22

गोमी चहिं इन कली मार देंनुङ देंशा हना, सु मुर नु ईख पा ब्राशा बाक्‍बा, मेको सजाइ गेचा पुंइसीब। सुमी अर्को कली मरिम्‍शो लोव़ पाइबा, मेको कछडी पचा पुंइसीब। सुमी अर्को कली ‘ए मूर्ख’ देंबा, मेको नरक ङा मीम हुम्‍चा पुंइसीब। १यूहन्‍ना ३:१५

मर्कूस 10:14

मिनु येसुमी मेको तशा, आ थुं मनुथु, हुइक्‍ब आन कली “आल आन कली आं बाक्‍तीके जाक्‍चा गेने, मतेक्‍कीन। मारदे हना परमप्रभु यावे आ राज्‍य आल आन केन बाक्‍ब।

मर्कूस 3:5

मिनु सिक्‍सी पा बाक्‍शो तशा, आ थुं खाइश्‍शा गाइश्‍शा, मेको आन कली का का पा कोव़शा, गुइ सोव़शो कली “इ गुइ दिंदो” दे मदा बाक्‍त। मिनु मेकोमी गुइ दिंसेनु सामाक्‍त।

ब्‍यवस्‍था 24:15

गेय पची नाक्‍ती नां मरिक्‍थु, आ तचा ङा गाल्‍च गेचा माल्‍नीनी। मेको प्रुङग मुर आ गाल्‍च माल्‍ब बाक्‍ब। ठीक पा मगेतीनी हना, मेकोमी इन मरिम्‍शो पशो आ पर्बम परमप्रभु यावे नु लोव़ पाइब। मिनु गे पाप राइनीनी।

याकूब 1:19

आं दाक्‍शो लोक्‍बपुकी, मार तुइक्‍चा माल्‍नीनी देंशा हना, गेपुकी नेंस ङा नेंस बाक्‍कीन। शुश मब्‍वाक्‍कीन। शुश मचुरीन। हितोपदेस २९:२०; उपदेसक ५:१-२; उपदेसक ७:९

याकूब 1:20

चुरब मुरुमी परमप्रभु आ ठीक पतीके मपाइब।

१ सामुएल 20:34

मिनु योनाथन गाइश्‍शा चुरशा आ नित्‍तीक रे बोक्‍शा, मारेइ मजवा बाक्‍त। मारदे हना दाऊद कली साइक्‍चा माल्‍शो आ पर्बम सुर्ता पवा बाक्‍त। आ आफोम दाऊद कली मरिम्‍शो पचा मिम्‍शो बाक्‍माक्‍त।