एफिसी 4:24 - Sunuwar Bible

²⁴ परमप्रभु यावे आ थुं खोदेंशो पा थमा पा ठीक पतीकेमी परमप्रभु यावे आ मुर दुम्‍शा बाक्‍कीन। उत्‍पत्ती १:२६-२७

एफिसी 4:24 ပူးပေါင်းရင်းမြစ်များ

उत्पत्ती 5:1

एको आदम आ चच, युइ बाक्‍नीम। परमप्रभुमी मुर सेलानु, आ खोदेंशो पा सेला बाक्‍त। लूका ३:३७-३८; उत्‍पत्ती १:२७

अय्‍युब 29:14

गो ठीक पतीक कली वा फेक्‍सीशो खोदेंशो पा फेक्‍साक्‍यी। आं ठीक निसाफ पतीके आ वा नु आं फेटा खोदेंशो बाक्‍त।

यसैया 52:1

मिनु परमप्रभुमी “बोक्‍को। सियोन बोक्‍को। सक्ति पाइश्‍शो दुमो। इ दारशो वा फेक्‍सो। यरूसलेम, गे परमप्रभु यावे आ सहर बाक्‍नेवे। मुल रे ख्रोइक्‍तीक चिनु मख्रोइश्‍शो नु ग्रांग्रा दिचा ङा मुर मेकेर ओव़ने मचाप्‍नीम।

यसैया 59:17

मेकोमी ठीक पतीके कांसा के फेक्‍तीके खोदेंशो पा फेक्‍शा, पाप रे प्रोंइतीक ताकी खोदेंशो पा गुक्‍साक्‍व। क्‍येक्‍क लेत्‍तीक वा खोदेंशो पा फेक्‍साक्‍व। आ थुंमी थमा पा पाइनुङ, दे वा खोदेंशो पा रुक्‍साक्‍व।

लूका 1:75

आ मुर दुम्‍शा, ब्रोंइका सम्‍म ठीक गेय पा बाक्‍ने चाप्‍यल’ दे परमप्रभु यावे आ लोव़ पाइबमी देंमा बाक्‍त। तीतस २:१२-१४

यूहन्‍ना 17:17

मेको आन कली इन थमा पतीकेमी ख्रुमीन। इन थमा पतीक चहिं इन लोव़ बाक्‍ब। भजन संग्रह ११०:१६०

रोमी 12:2

परमप्रभु यावे कली मटीब आन पशो खोदेंशो मपने। तन्‍न परमप्रभु यावे कली इन थुं कली फाइक्‍चा गेन। मो पाइतीनी हना, परमप्रभु यावे आ मिम्‍‍शो मार में, रिम्‍शो मार में, आ दाक्‍शो मार में नु नेल्‍लेम ठीक दुम्‍शो तुइक्‍नीनी। एफिसी ४:२३; एफिसी ५:१०,१७

रोमी 13:12

नाक्‍दो लाक्‍शा नां सोक्‍शा, छेङछेङम बाक्‍शो खोदेंशो दुम्‍शा, होस पा बाक्‍कीन। छिङछिङ ङा गेय ताइश्‍शा, छेङछेङ ङा या पिम्‍‍सीन। १यूहन्‍ना २:८; एफिसी ५:११

रोमी 13:14

नक वा फेक्‍शो खोदेंशो पा प्रभु येसु ख्रीस्‍त नु रां का दुम्‍शा, इन रां कली मरिम्‍शो पचा मगेने। गलाती ३:२७; १कोरिन्‍थी ९:२७; कलस्‍सी २:२३

रोमी 6:4

मिनु ब्‍वाक्‍कुम ग्रुम्‍यानु, गो येसु बेक्‍शा थिम्‍शो खोदेंशो दुम्‍तय। मिनु परमप्रभु यावे आ सक्तिमी ख्रीस्‍त कली बेक्‍शो रे सेंपाइश्‍शो खोदेंशो पा गो यो सेंसीशा, नक लांम गाक्‍तय। कलस्‍सी २:१२; १पत्रुस ३:२१

रोमी 7:6

तन्‍न मुल गो अरेशो लोव़ रे ब्रोंइशा बाक्‍नय। मारदे हना गो मरिम्‍शो पतीक आ ग्‍याइश्‍शो रे बेक्‍तय। मुल गो येसु ख्रीस्‍त आ सोक्‍त रे पा नक गेय पाइनय। अरेशो ब्रेक्‍शो लोव़ प्रोंइने थुम्‍तय। रोमी ८:१-२; रोमी ६:२-४

रोमी 8:29

मारदे हना आ ङोंइती तुइश्‍शो मुर कली “आं तौ खोदेंशो दुम्‍मल” दे योव़तु। आ तौ मेको योव़शो लोक्‍ब आन क्‍येङा ङोंइती जरमेशो बाक्‍ब। कलस्‍सी १:१८; हिब्रू १:६

१ कोरिन्‍थी 15:53

मारदे हना मेको जाम्‍‍शा लाइब रां, मजाम्‍चा ङा रां दुम्‍चा माल्‍ब। मेको बेक्‍‍‍शा लाइब रां, मबेक्‍चा ङा रां दुम्‍चा माल्‍ब। २कोरिन्‍थी ५:४

२ कोरिन्‍थी 3:18

गो नेल्‍ल इं थुं गिल्‍शो वा हुक्‍शा, प्रभु आ छेङछेङ कोंइशा, प्रभु आ छेङछेङ पाइश्‍शो खोदेंशो दुम्‍शा फाइक्‍चा पुंइसाक्‍य। मेको फाइक्‍तीके बारना बारन लशा, इं कली छेङछेङ का रे अर्को छेङछेङम फाइक्‍ब। मेको नेल्‍ल प्रभु रे जाक्‍ब। मेको सोक्‍त बाक्‍ब। २कोरिन्‍थी ४:६

२ कोरिन्‍थी 4:16

ठेयब थुं पा शेंना शेंन गाक्‍नीकी। आंइ रां बेक्‍चशो तांइसाक्‍व हना यो, आंइ थुं चहिं बारना बारन लशो बाक्‍ब। एफिसी ३:१६

२ कोरिन्‍थी 5:17

सुइ ख्रीस्‍त आगाम बाक्‍त हना, मेको नक सेल्‍सीशो मुर का दुम्‍ब। ङोंइती ङा नेल्‍ल जाम्‍शा लत। नेल्‍ल नक दुम्‍ने नुप्‍त। रोमी ८:१०; गलाती २:२०; गलाती ६:१५; प्रकाश २१:५

गलाती 3:27

गे ख्रीस्‍त आ नेंमी ब्‍वाक्‍कुम ख्रुम्‍शा ग्रुंइपांइसीशोपुकी येसु ख्रीस्‍त फेक्‍शो खोदेंशो पा, ख्रीस्‍त नु रां का दुम्‍तीनी। रोमी ६:३; रोमी १३:१४

गलाती 6:15

ख्रोइक्‍तीक चिनु ख्रोइक्‍चा, मख्रोइक्‍चा मेको ममिम्‍तीने। ख्रीस्‍त येसु नु थुं का दुम्‍शा, नक मुर दुम्‍चा चहिं नेल्‍ल क्‍येङा ठेयब बाक्‍ब, दे रुपीने। गलाती ५:६; १कोरिन्‍थी ७:१९; २कोरिन्‍थी ५:१७

एफिसी 2:10

गोपुकी परमप्रभु यावे रे ख्रीस्‍त येसु आ पतीकेमी सेल्‍शो बाक्‍नय। परमप्रभु यावेमी इं कली रिम्‍शो गेय वोइश्‍शो बाक्‍त। मेको पचा माल्‍नय। तीतस २:१४

एफिसी 2:15

दोपा साम्‍तु देंशा हना, यहूदी आन कली अरेशो, शेंशो, फुल्‍लुम मुशा ब्रेक्‍शो लोव़ ङा गेय नेल्‍ल आ रां साइक्‍चा गेशा साम्‍तु। मिनु मेकोमी जात निक्‍शी के जात का सेल्‍शा, नक मुर सेल्‍तु। मोपा दुशा बाक्‍चा गेप्‍तु। कलस्‍सी २:१४

एफिसी 6:11

मिनु परमप्रभु यावे आ गेशो या नेल्‍ल लतीन। सैतानमी आ मरिम्‍शो थुंमी इन कली खतम सेल्‍चा माल्‍तु हना, गेपुकी परमप्रभु यावे आ गेशो यामी ग्रानीनी।

तीतस 2:14

येसु ख्रीस्‍तम आंम कली काइ ममिम्‍थु, साइक्‍चा पुंइसाक्‍व। मारदे साइक्‍चा पुंइसाक्‍व देंशा हना, इं कली मटितीके रे प्रोंइचा कली साइक्‍चा पुंइसाक्‍व। मिनु इं कली परमप्रभु यावे आ योव़शो मुर सेल्‍चा नु इं कली शुश रिम्‍शो गेय पपाइक्‍चा कली आंम कली साइक्‍चा, दे जिम्‍मा गेसाक्‍व। गलाती १:४; १तिमोथी २:६; प्रस्‍थान १९:५; एफिसी २:१०

हिब्रू 1:8

तन्‍न आ तौ आ पर्बम “इन राज्‍य पचा गेना हना यो लीब। इन राज्‍य ङा राज दन्‍‍ड ठीक निसाफ पतीके राज दन्‍‍ड बाक्‍ब।

हिब्रू 12:14

मुर नेल्‍ल नु दुशा गारशा बाक्‍कीने। पाप रे ङोन बाक्‍शा, रिम्‍शो थुं पशा गेय पा कोंइदीने। मो पाइतीनी हना, प्रभु नु काथा बाक्‍चा ताइनीनी। रोमी १२:१८; २तिमोथी २:२२

१ पत्रुस 2:2

नक थिशो आलम दूध तूचा माल्‍शो खोदेंशो पा, गे यो परमप्रभु यावे आ लोव़ तुइक्‍चा मालीन। गे मोदेंशो पाइतीनी हना, इन पाप रे ब्रोंइशो थुं बारना बारन लाइब। हिब्रू ५:१२-१३; मत्ती १८:३

२ पत्रुस 1:4

मोपा आ नेल्‍ल क्‍येङा ठेयब थोक्‍शा पशो लोव़ गेप्‍तु। मेको तुइश्‍शा, गेपुकी रागी ङा मुर आन दला दाक्‍स पतीके रे ब्रोंइशा, प्रोक्‍ने चाप्‍नीनी। मोपा गेपुकी परमप्रभु यावे आ पशो खोदेंशो पाइब दुम्‍नीनी।