एफिसी 4:22 - Sunuwar Bible

²² मोपतीके इन ङोंइती ङा ग्रांग्रा दिचा ङा दला दाक्‍स पाइब माइत थुं ङा मुर दुम्‍शा बाक्‍चा ताइक्‍तीने। मारदे हना मेकोम इन कली खतम सेल्‍ब। कलस्‍सी ३:९-१०; रोमी ८:१३; गलाती ६:८

एफिसी 4:22 ပူးပေါင်းရင်းမြစ်များ

अय्‍युब 22:23

गे नेल्‍ल क्‍येङा ठेयब सक्ति पाइश्‍शो गे ले‍तीन। मिनु ङोंइती ङा खोदेंशो दुम्‍नीनी। गे इन ठीक मपतीके इन क्‍येङा ङोन वोतीन। अय्‍युब ८:५-७; अय्‍युब ११:१४-१५

हितोपदेस 11:18

परमप्रभु यावे आ अरेशो मटीब मुरुमी क्‍येट चेम्‍ब, तन्‍न मलीब। तन्‍न ठीक पाइब मुरुमी इनाम ताइनीम।

येरमीया 17:9

मुर आन थुं नेल्‍ल क्‍येङा जोल पाइब बाक्‍ब। गेना हना यो दूली पाइब बाक्‍ब। मेको कली सुम रुप्‍ने चाप्‍बा ङा? १सामुएल १६:७; बजन संग्रह ७:१०; हितोपदेस १५:११; रोमी २:६

येरमीया 49:16

गे सेरथे फुल्‍लु आ पुक्‍खीम बाक्‍नेवे। इ हिंच कोंइतीके नु इ थुं ङा ठेयब लेत्‍तीकेमी इ कली जोल पाम्‍‍ताक्‍स। गे डांडा ङा बाक्‍तीक आंम के सेल्‍तीवी। गेमी इ बाक्‍तीक ककाकुली आ ग्‍योव़ खोदेंशो पा इर सेल्‍तीवी हना यो, गो इ कली मेकेर रे उइ तोक्‍नन” दे परमप्रभु यावेम देंशो बाक्‍ब।

ओबदिया 1:3

इ थुं ङा ठेयब लेत्‍तीकेमी इ कली जोल पाइश्‍शो बाक्‍ब। इ सहर ठेयब फुल्‍लु तार सेल्‍शो बाक्‍ब। गे डांडा तार बाक्‍नेवे। गे इ थुंमी ‘आं कली सुम उइ तोक्‍ने चाप्‍बा ङा?’ दे मिम्‍नेवे। गन्‍ती २४:२१

रोमी 6:6

येसु ख्रीस्‍त कली शीम केप्‍शा कांटी थोक्‍शा साइक्‍तीके इं पापम ब्रीशो थुं आ सक्ति जाम्‍त। मोपतीके मुल गो पाप आ वाइल मबाक्‍नय। गो मेको लोव़ तुइक्‍चा माल्‍नय। गलाती ५:२४

रोमी 7:11

मारदे हना मेको अरेशो लोव़ टिने मचाप्‍तीके पापम ख्रुम्‍शा साइक्‍ती। हिब्रू ३:१३

२ कोरिन्‍थी 11:3

बुस्‍सुमी हव्‍वा कली मिलो शिलो पा जोल पा आ थुं हिरपा, परमप्रभु यावे कली मटीब सेल्‍शो खोदेंशो पा, दूली शेंबपुकीमी इन थुं क्‍याल्‍शा, ख्रीस्‍त कली दाक्‍चा रे हेंथे लां खोइक्‍पाइक्‍नीम। उत्‍पत्ती ३:४,१३

गलाती 1:13

साइ गो दोपा यहूदी धर्म ब्रङा, मेको नेंशा तुइश्‍शो बाक्‍नीनी। मेना गो येसु ख्रीस्‍त आ नेंमी देल्‍ब आन कली खेदा पपाइश्‍शा ग्‍याइक्‍पाइश्‍शा चोक्‍पाइश्‍शा, श्‍येत गेतामी। मेको आन कली साम्‍चा, दे शुश गेय पाता।

एफिसी 2:3

मिनु ङोंइती गो नेल्‍ल मोदेंशो रागी ङा मुर बाक्‍तय। गोपुकी यो मार दाक्‍तय, मेकोन पाइतय। इं रां नु थुंमी मार दाक्‍ता, मेकोन पाइतय। मोपतीके गोपुकी यो अरु मुर खोदेंशो पा गाइक्‍ब आ आल दुम्‍‍तय। १पत्रुस ४:३; कलस्‍सी ३:६

एफिसी 4:17

परमप्रभु यावे कली मतुइक्‍ब मुरपुकी जाम्‍शा लाइब गेय ला मिम्‍शा पाइनीम। मिनु गेपुकी मुल रे मेको आन खोदेंशो मपने, दे प्रभु आ नेंमी इन कली रिम्‍शो पा अरेनुङ। रोमी १:२१-२४

एफिसी 4:25

मारदे हना गो नेल्‍ल रां का नय, मुर आन कली जोल पचा ताइक्‍तीने। थमा लोव़ ला पने। जकरिया ८:१६

एफिसी 4:31

मिनु ईख कुरचा, चुरचा, गाइक्‍चा, ग्रीचा, मरिम्‍शो लोव़ पचा नु मरिम्‍शो पचा नेल्‍ल ताइक्‍तीने। कलस्‍सी ३:८

कलस्‍सी 2:11

मेको आ पशोमी ख्रोइक्‍तीक चिनु पाइश्‍शो खोदेंशो दुम्‍तीनी। मेको ख्रोइक्‍तीक चिनु मुरुमी ख्रोइश्‍शो ममाइ, गेपुकी ख्रीस्‍त कली थमा सुइश्‍शा, इन मरिम्‍शो पशो ताइश्‍शो इन ख्रोइक्‍तीक चिनु दुम्‍त। रोमी २:२९; रोमी ६:५; १पत्रुस ३:२१

तीतस 3:3

ङोंइती गो मरुप्‍ब बाक्‍तय। परमप्रभु यावे कली मटीब बाक्‍तय, हेंथे गाक्‍ब, मार मार दाक्‍तय, मेको दला दाक्‍स पाइब बाक्‍तय। ग्रांग्रा दिचा ङा गेय पाइब बाक्‍तय। गो मरिम्‍शो पा गेहे पाइतय। मिनु गोपुकी काइ मदाक्‍मुय। १कोरिन्‍थी ६:११; एफिसी २:२; एफिसी ५:८; १पत्रुस ४:३

हिब्रू 12:1

साइ थमा सुइक्‍बपुकी शुश बाक्‍मा बाक्‍त। मेकोपुकीमी इं कली कोव़ना कोव़न बाक्‍नीम। मोपतीके दोरब मुर खोदेंशो पा, इं कली तेक्‍ब नु खोल्‍ने चाप्‍बपुकी तिल्‍शा, पापमी इं खोइली फ्रेंचा मगेथु, दोरय। १कोरिन्‍थी ९:२४

हिब्रू 3:13

पापम इं थुं क्‍याल्‍शा मटीब मदुम्‍यल, दे मुलाक्‍त रेन नाक्‍त किंत किंत अर्ती गेमुने। १थिस्‍सलोनिकी ५:११

याकूब 1:21

मोपतीके ग्रांग्रा दिचा ङा गेय नु काइ मरिम्‍शो पतीके नेल्‍ल प्रोनीन। गे ठेयब मलेत्‍थु, इन थुंमी वोइश्‍शो परमप्रभु यावे आ अरेशो लोव़ टिने। मोपा गेपुकी परमप्रभु यावे आ अरेशो लोव़ टिनीनु, मेको लोव़मी इन कली नरक रे प्रोंइने चाप्‍ब। १पत्रुस २:१

याकूब 1:26

सुमी “गो थमा सुइक्‍ब नङ” दे मिम्‍बा, तन्‍न हेंथे ब्‍वाक्‍बा, मेको मुर जोल पाइब बाक्‍ब। मिनु आ थमा सुइक्‍तीके मोशा दुम्‍ब। १पत्रुस ३:१०

१ पत्रुस 1:18

इन किकी पिपी रे “गो नरक लाइब बाक्‍नीकी” दे तुइक्‍नीनी। मुल गे नरक लतीक लां रे प्रोंइचा पुंइसीशो बाक्‍तीनी। दोपा प्रोंइचा पुंइसीशो बाक्‍तीनी देंशा हना, जाम्‍शा लाइब सुन नु चांदी थाप्‍शा ममाइ, १कोरिन्‍थी ६:२०; १कोरिन्‍थी ७:२३; १पत्रुस ४:३

१ पत्रुस 4:3

ङोंइती परमप्रभु यावे कली मतुइक्‍थु मारेइ मारेइ पाइतीनी, मुल मेको गाप्‍त। थमा मसुइक्‍बपुकीमी मार पाइनीम देंशा हना, महिंब दुम्‍शा आन दला दाक्‍स पाइनीम। दुक्‍शा बाक्‍नीम, शुश जशा तूशा बाक्‍नीम नु ग्रांग्रा दिचा ङा मूर्ति पूजा पाइनीम। एफिसी २:२-३; तीतस ३:३

२ पत्रुस 2:13

आन मरिम्‍शो पशो आ पर्बम मरिम्‍शो पाइक्‍चा पुंइसीनीम। नाक्‍तीम आन दला दाक्‍स पशा ग्‍येरशा बाक्‍नीमी। गेपुकी नु भोज जशा, मुने दोक्‍चा ङा पा इन ग्रुम्‍तीक खिं मरिम्‍शो लुम्‍सीशो सेल्‍ब बाक्‍नीम।

२ पत्रुस 2:7

परमप्रभु यावेमी ठीक पाइब लोत माइश्‍शो मुर कली श्‍येत रे प्रोंइशो बाक्‍त। लोतमी पाप पाइब आन कली तशा, आ थुं शुश मनुशो बाक्‍त।

१ सामुएल 1:14

मिनु एलीमी मेको कली “गे गेना सम्‍म मोपा दुक्‍शा बाक्‍नेवे? अङगुर शांबु तूचा प्रोनो” दे मदा बाक्‍त।