एफिसी 4:21 - Sunuwar Bible

²¹ थमा पा येसु ख्रीस्‍त आ पर्बम लोव़ नेंतीनी। मिनु येसु आ थमा लोव़ तुइश्‍शो बाक्‍तीनी।

एफिसी 4:21 ပူးပေါင်းရင်းမြစ်များ

भजन संग्रह 45:4

इन मान ततीकेमी, थमा पतीके, ब्रेम्‍शो थुं दुम्‍तीके नु इन ठीक पतीकेमी गाक्‍शा, इन सक्तिमी छक लाक्‍चा ङा गेय कोंइदीन।

मत्ती 17:5

मोदेंशो लोव़ पना पन बाक्‍मेनु, जिलील पा बुश तांइसीशो गोस्‍सुमी नेल्‍ल आन कली गिल्‍मी बाक्‍त। मिनु गोस्‍स आगा रे “एको आं दाक्‍शो तौ बाक्‍ब। एको कली तशा ग्‍येरसाक्‍यी। आ लोव़ नेनीने” देंशो सेंदा नेन्‍मे बाक्‍त। मत्ती १:१७

लूका 10:16

सुमी इन शेंशो नेंना, मेकोमी आं शेंशो नेंब। सुमी इन कली मब्राइबा, मेकोमी आं कली मब्राइब। आं कली मब्राइबमी आं कली सोइक्‍ब कली यो मब्राइब” दे माइश्‍शा सोइक्‍तीमी बाक्‍त। मत्ती १०:४०; यूहन्‍ना ५:२३

यूहन्‍ना 1:17

मोसामी परमप्रभु यावे आ अरेशो लोव़ गेप्‍तु। तन्‍न शिशी पाइब नु परमप्रभु यावे आ थमा लां कोंइब येसु ख्रीस्‍त रे बाक्‍ब। रोमी १०:४

यूहन्‍ना 10:27

गो आं भेडा आन कली तुइक्‍नुङमी। मिनु मेकोपुकीमी आं सेंदा नेंशा आं नोले खोइक्‍नीमी। भजन संग्रह ९५:७

यूहन्‍ना 14:17

मेको वारच पाइब थमा ङा सोक्‍त बाक्‍ब। आं कली थमा मसुइक्‍बपुकीमी मेको सोक्‍त ताक्‍ने मचाप्‍नीम। मारदे हना मेकोपुकीमी मेको सोक्‍त कली मतुइक्‍नीम। गेपुकी चहिं मेको कली तुइक्‍नीनी। मारदे हना मेको गेपुकी नु बाक्‍ब। मिनु इन आगामी बाक्‍ब। यूहन्‍ना १६:१३

यूहन्‍ना 14:6

मिनु येसुमी “गो थमा नु ब्रोंइचा गेब लां नङ। सुइ आन पतीक गेना हना यो आं आफ नु बाक्‍चा मताइनीम। तन्‍न आं पतीके रे ला गेना हना यो परमप्रभु यावे नु बाक्‍चा ताइनीम। यूहन्‍ना १०:९; मत्ती ११:२७; रोमी ५:१-२; हिब्रू १०:२०

रोमी 10:14

मेको कली थमा मसुइक्‍बपुकीमी “प्रोंइयीनी” दे पुंइने चाप्‍नीमी ङा? आ पर्बम मनेंशो कली थमा सुइक्‍ने चाप्‍नीमी ङा? सुइ शेंब मबाक्‍त हना, मेको लोव़ नेंने चाप्‍नीमी ङा?

२ कोरिन्‍थी 1:20

परमप्रभु यावे आ गेशो लोव़ नेल्‍ल येसु ख्रीस्‍तमी खाप्‍तु। मोपतीके गो मेको आ नेंमी आमेन देंनीकी। मिनु परमप्रभु यावे कली “ठेयब बाक्‍नीनी” दे ठेयब सेल्‍नीकी। प्रकाश ३:१४

२ कोरिन्‍थी 11:10

ख्रीस्‍त थमा बाक्‍ब, देंशो लोव़ लीशो खोदेंशो पा “कोरिन्‍थी आन कली आन क्‍येट मताक्‍थु, मोशा शेंताक्‍व” देंशो लोव़ आकाया रागीम ब्रशा लील, दे मिम्‍शा, मारेइ मताक्‍गु।

एफिसी 1:13

मिनु गेपुकीमी यो “येसु ख्रीस्‍तमी पाप रे प्रोंइब” देंशो थमा ग्‍येरपाइक्‍ब लोव़ नेंतीनी। ख्रीस्‍त कली थमा सुइक्‍तीनी। मिनु परमप्रभु यावेमी ङोंइती देंशो खोदेंशो पा आ सोक्‍तीमी छाप थोक्‍सीशो बाक्‍तीनी। एफिसी ४:३०

एफिसी 2:17

मिनु येसु ख्रीस्‍त रागीमी जाक्‍शा, ङोन बाक्‍ब इन कली नु परमप्रभु यावे आ नेक्‍था बाक्‍ब आन कली परमप्रभु यावे नु दोपा दुशा बाक्‍चा, मेको शेंताक्‍व। यसैया ५७:१९

कलस्‍सी 1:5

स्‍वर्गमी इन कली रिम्‍शो दुम्‍ब, दे तुइक्‍ताक्‍नी। गेपुकीमी ङोंइती रे थमा लोव़ पशो नेंतीनी। मेकोन ग्‍येरपाइक्‍ब लोव़ बाक्‍ब। १पत्रुस १:३-४

कलस्‍सी 1:6

इन सहर नु नेल्‍ल अरु सहर ङा मुरपुकीमी यो मेको ग्‍येरपाइक्‍ब लोव़ नेंतेक्‍म। इन दातेमी दोदेंशो पा बारशा लमे, मोदेंशो पा रागी नेल्‍लेमी बारना बारन लत। गेपुकीमी मेको लोव़ नेंशा, परमप्रभु यावे आ शिशी थमा पा रुप्‍‍नी नाक्‍त रेन मेको लोव़ बारना बारन लत।

कलस्‍सी 2:7

खप आगामी शाक्‍‍श थोक्‍शो रवा खोदेंशो पा, ख्रीस्‍त आगा ङा बोल्‍यो मुर दुम्‍शा बाक्‍कीन। दोपा शेंसीनी, मोपा बोल्‍यो पा थमा सुइश्‍शा, परमप्रभु यावे कली “गे रिम्‍शो पाइतीनी” दे शुश देंना देंन बाक्‍कीन। एफिसी ३:१७

१ यूहन्‍ना 5:20

मिनु परमप्रभु यावे आ तौमी इं कली रुप्‍तीक थुं गेप्‍तु, दे तुइक्‍नय। मेको रुप्‍तीक थुंमी थमा पतीके कली तुइक्‍नय। गोपुकी मेको थमा पाइब नु थुं का ङा बाक्‍नय। मोपा आ तौ येसु ख्रीस्‍त नु यो थुं का ङा बाक्‍नय। मेको थमा परमप्रभु यावे नु गेना हना यो ब्रोंइशा बाक्‍तीक बाक्‍ब। यूहन्‍ना १७:३