एफिसी 4:19 - Sunuwar Bible

¹⁹ मेकोपुकी रिम्‍शो मुर दुम्‍शा बाक्‍चा ताइश्‍शा, आन दला दाक्‍स पा, ग्रांग्रा दिचा ङा गेय नेल्‍ल शुश दाक्‍नीम।

एफिसी 4:19 ပူးပေါင်းရင်းမြစ်များ

अय्‍युब 15:16

मेको आन क्‍येङा ग्रांग्रा दिशो नु खराप दुम्‍शो कली दोपा थमा सुइक्‍बा ङा? मेकोमी मरिम्‍शो पतीक ब्‍वाक्‍कु तूशो खोदेंशो पा तूब कली दोपा थमा सुइक्‍बा ङा?

यसैया 56:11

कुचुमपुकी शुश जचा ब्‍वचा दाक्‍नीम। गेनायो मरूनीम। मेको गोठला यो मोदेंशो मरुप्‍ब बाक्‍नीम। मेको नेल्‍ल आंम आन लां खोइक्‍ब बाक्‍नीम। मारेइ मारेइ आंम के सेल्‍चा दाक्‍‍नीम। मेको नेल्‍ल खाल का ङा बाक्‍नीम। येरमीया ६:१३

मर्कूस 7:22

ग्‍युंबे पशो मुर अर्को नु इप्‍चा, शिंम पचा, जोल पचा, गेहे पचा, नें तोक्‍चा, ठेयब लेत्‍चा, ममिम्‍थु गेय पचा।

एफिसी 4:17

परमप्रभु यावे कली मतुइक्‍ब मुरपुकी जाम्‍शा लाइब गेय ला मिम्‍शा पाइनीम। मिनु गेपुकी मुल रे मेको आन खोदेंशो मपने, दे प्रभु आ नेंमी इन कली रिम्‍शो पा अरेनुङ। रोमी १:२१-२४

कलस्‍सी 3:5

मोपतीके इन आगामी बाक्‍शो माइत रागी ङा थुं कली सतीन। रागी ङा मुर आन थुंमी मार बाक्‍ब देंशा हना, हेंथे पचा, मार मार ग्रांग्रा दिचा ङा गेय पचा, आंम दला दाक्‍स पचा, मरिम्‍शो मिम्‍तीके नु शिंम दुम्‍तीके बाक्‍ब। शिंम दुम्‍तीके चहिं मूर्ति पूजा पचा खोदेंशो बाक्‍ब। एफिसी ५:३

१ तिमोथी 4:2

मेको मुर आन थुं ङा मिम्‍तीके खतम दुम्‍ब। मिनु जोल शेंनीम।

१ पत्रुस 4:3

ङोंइती परमप्रभु यावे कली मतुइक्‍थु मारेइ मारेइ पाइतीनी, मुल मेको गाप्‍त। थमा मसुइक्‍बपुकीमी मार पाइनीम देंशा हना, महिंब दुम्‍शा आन दला दाक्‍स पाइनीम। दुक्‍शा बाक्‍नीम, शुश जशा तूशा बाक्‍नीम नु ग्रांग्रा दिचा ङा मूर्ति पूजा पाइनीम। एफिसी २:२-३; तीतस ३:३

२ पत्रुस 2:22

मिनु मुर आन देंतीक लोव़ “कुचुममी आ मेशो लेंशा जाइब।” मिनु “पोव़ कली गिश चिक्‍शा हना यो, लेंशा ग्रांग्रामी ग्रुम्‍दीब” देंशो लोव़ थमा बाक्‍ब। हितोपदेस २६:११

यहूदा 1:11

मेको आन पर्बम आबी। काइन खोदेंशो दुम्‍शो बाक्‍तेक्‍म। बालाम बुदी परमप्रभु यावे कली मटिथु, क्‍येट आ पर्बम दूली गेय पाइनीम। मिनु कोराह माइश्‍शो मुर खोदेंशो पा जाम्‍शा लाइनीम। उत्‍पत्ती ४:८; गन्‍ती ३१:१६; गन्‍ती १६:-

प्रकाश 18:3

मारदे मेको सहर मोदेंशो दुम्‍त देंशा हना, रागी रागी ङा मुर नेल्‍लेमी आ ग्रांग्रा दिचा ङा गेय शेंसीशा मोदेंशो पाम्‍तेक्‍म। मिनु रागी रागी ङा पिपपुकीमी यो मोदेंशो पाम्‍तेक्‍म। मिनु रागी रागी ङा ग्‍याप्‍ब लेयबपुकी मेको सहर ङा शुश थोव़क रे शोंप पाइश्‍शो दुम्‍तेक्‍म” देंत। यसैया ५१:७; नाहुम ३:४