एफिसी 4:16 - Sunuwar Bible

¹⁶ मोपा येसु ख्रीस्‍त पिया दुम्‍तीके रां नेल्‍ल का खोदेंशो पा गारपाइक्‍ब। थमा सुइक्‍बपुकीमी ठीक गेय पाम्‍तेक्‍म हना, मेको रां बारना बारन लशा, थमा सुइक्‍बपुकी दाक्‍मुइनीम। कलस्‍सी २:१९

एफिसी 4:16 ပူးပေါင်းရင်းမြစ်များ

यूहन्‍ना 15:5

गो अङगुर बोट नङ। गेपुकी चहिं राशी ननी। सु आं आगाम बाक्‍बा, गो मेको आ आगामी बाक्‍नुङ। मिनु मेकोमी शुश फल सिप्‍ब। तन्‍न गो रे ङोन बाक्‍तीनी हना, मारेइ पने मचाप्‍नीनी। २कोरिन्‍थी २:५-६

रोमी 12:4

रां कामी गुइ, खोइल, मिक्‍च, नोफा, शोव़ बाक्‍नीमी। मेको नेल्‍ल आन के आन आन गेय बाक्‍ब। १कोरिन्‍थी १२:१२

१ कोरिन्‍थी 10:17

गो शुश बाक्‍यानु, रां का खोदेंशो दुम्‍शा बाक्‍य। मोपतीके शोब्‍ले का बाक्‍ब। मिनु गो नेल्‍लेम मेको शोब्‍ले का रे जाइनय। १कोरिन्‍थी १२:२७; रोमी १२:५

१ कोरिन्‍थी 13:13

थमा सुइक्‍चा, परमप्रभु यावेमी आ देंशो नेल्‍ल खाप्‍ब, दे आस पा बाक्‍चा नु दाक्‍तीक सांफा बाक्‍नीम। मेको सांफामी दाक्‍तीक चहिं नेल्‍ल क्‍येङा ठेयब बाक्‍ब। १थिस्‍सलोनिकी १:३; १यूहन्‍ना ४:१६

१ कोरिन्‍थी 8:1

मूर्ति कली चढ़ेशो श्‍ये ब्‍वचा आ पर्बम गो नेल्‍लेमी तुइक्‍नय। गो शुश तुइक्‍ब नकी, दे तुइश्‍शोमी मुर आन कली बोरशा ठेयब लेप्‍पाइक्‍ब। दाक्‍मुशा बाक्‍शोमी चहिं नेल्‍ल आन कली रिम्‍शो दुम्‍ब, नेल्‍ल आन थुं बारपाइक्‍ब। प्रेरित १५:२९

गलाती 5:22

परमप्रभु यावे आ सोक्‍तीमी ब्रीशो थुं पाइश्‍शोपुकीमी परमप्रभु यावे आ सोक्‍त रे पा दोदेंशो पाइनीम देंशा हना, दाक्‍मुइनीमी, ग्‍येरनीमी, थुं नाइक्‍नीमी, शुश फाल्‍नीमी, रिम्‍शो पाइनीमी, शिशी पाइनीमी, कबल खाप्‍नीमी,

गलाती 5:6

ख्रीस्‍त येसु नु थुं का दुम्‍शा, ख्रोइक्‍तीक चिनु ख्रोइश्‍शो, मख्रोइश्‍शो आन कली मतिल्‍थु, थमा सुइक्‍तीकेमी दुशा गारशा दाक्‍मुशा बाक्‍शोम सक्ति बाक्‍ब। गलाती ६:१५; रोमी २:२६; १कोरिन्‍थी ७:१९

एफिसी 1:4

मोपतीके रागी सेल्‍चा क्‍येङा ङोंइती परमप्रभु यावेमी इं कली योव़तु। मार कली योव़तु देंशा हना, गोपुकी परमप्रभु यावे आ मुर दुम्‍शा, दोस मताइब नु दाक्‍ब दुम्‍यल, दे योव़तु। रोमी ८:२८-३०; एफिसी ५:२७

एफिसी 3:17

मोपा थमा सुइक्‍तीके ख्रीस्‍त मेको आन थुंमी बाक्‍ब। मिनु ‘येसु ख्रीस्‍तमी आं कली दाक्‍ब’ दे शाक्‍श ग्रुक्‍शो रवा खोदेंशो पा इन दाक्‍तीकेमी ख्रुम्‍शो मुरपुकी से‍लीन। यूहन्‍ना १४:२३; कलस्‍सी २:७

एफिसी 3:7

मोपा अर्को रागी ङा मुर आन कली ग्‍येरपाइक्‍ब लोव़ शेंचा, दे शेंब सेल्‍ती। परमप्रभु यावे आ सक्तिम पतीके आ शिशी मोशा गेप्‍तु।

एफिसी 4:12

मेको गेय मार कली बाक्‍ब देंशा हना, परमप्रभु यावे आ मुर आन थमा सुइक्‍तीके बारपाइक्‍चा कली बाक्‍ब। थमा सुइक्‍ब आन ग्रुम्‍तीक, ख्रीस्‍त आ रां दुम्‍शा, मेकेर ङा मुर बोल्‍यो सेल्‍चा कली गेशो गेय बाक्‍ब। १कोरिन्‍थी १४:२६; १पत्रुस २:५

एफिसी 4:15

गोपुकी चहिं मुर आन कली दाक्‍शा, थमा शेंतीक लोव़ शेंशा, मारेइ मारेइमी इं पिया ख्रीस्‍त खोदेंशो दुम्‍नय। एफिसी १:२२; एफिसी ५:२३; कलस्‍सी १:१८

फिलिप्‍पी 1:9

आं प्रार्थना मार बाक्‍ब देंशा हना, इन दाक्‍चा शुश बारशा, रिम्‍शो नु मरिम्‍शो मार बाक्‍बा से रुप्‍‍ने चाप्‍नील, दे पुंइशा, परमप्रभु यावे नु लोव़ पचा बाक्‍ब। फिलेमोन ६

कलस्‍सी 2:19

मेकोपुकी पिया नु मबाक्‍शो बाक्‍नीम। मेको पियामी रां कली थुल्‍ना थुल्‍न बाक्‍मेनु, नाडी नु रुशेम बोइक्‍पाइश्‍शा, परमप्रभु यावेमी मेको रां कली कोल्‍पाइक्‍ब। एफिसी ४:१५-१६

कलस्‍सी 2:2

मेकोपुकी दाक्‍मुशा आन थुं बारपदमेक्‍ल। थमा पा रुप्‍तीके गिश ठेयब बाक्‍बा, परमप्रभु यावेमी ख्रीस्‍त आ पर्बम ख्रुइश्‍शो लोव़ मार बाक्‍बा, मेको नेल्‍ल रुप्‍मेक्‍ल।

१ थिस्‍सलोनिकी 1:3

गोपुकी इं आफ परमप्रभु यावे आ ङोंइती इन थमा सुइक्‍तीके ङा गेय, दाक्‍चा ङा गेय नु इं प्रभु येसु ख्रीस्‍त कली आस पतीके मिम्‍ना मिम्‍न बाक्‍नीकी। १कोरिन्‍थी १३:१३

१ थिस्‍सलोनिकी 2:13

गेपुकीमी आंइ शेंशो परमप्रभु यावे आ लोव़ नेंशा, मुर आ लोव़ ममाइ, थमा पा परमप्रभु यावे आ लोव़ बाक्‍ब, दे तुइक्‍ताक्‍नी। थमा सुइश्‍शा मेको लोव़मी इन थुंमी गेय पना पन बाक्‍ब। मो दुम्‍मेनु, गोपुकीमी परमप्रभु यावे कली “गे थिस्‍सलोनिकी ङा मुर आन कली रिम्‍शो पाइतीनी” देंना देंन बाक्‍नीकी। गलाती १:११-१२

१ थिस्‍सलोनिकी 3:12

गोपुकीमी इन कली शुश दाक्‍शो खोदेंशो पा प्रभुमी इन दाक्‍चा शुश बारपाइश्‍शा, दाक्‍मुचा नु अरु आन कली यो दाक्‍ब दुमीन।

२ थिस्‍सलोनिकी 1:3

आंइ लोक्‍बपुकी, इन कली मिम्‍शा, परमप्रभु यावे कली “गे रिम्‍शो पाइब बाक्‍नीनी” देंचा ठीक बाक्‍ब। मारदे हना इन थमा सुइक्‍तीके हु बारशा, इन दाक्‍मुतीक यो बारना बारन लाइब। १थिस्‍सलोनिकी १:२-३

१ तिमोथी 1:5

इं शेंतीके चहिं रिम्‍शो थुं, रिम्‍शो थुं ङा मिम्‍तीके नु रिम्‍शो थमा सुइक्‍तीके रे जाक्‍शो शुश दाक्‍मुचा आ पर्बम बाक्‍ब। मत्ती २२:३७-४०; रोमी १३:१०; गलाती ५:६

१ पत्रुस 1:22

दोपा येसु ख्रीस्‍त आ देंशो टिशा, थमा गेय पा पाप रे ङोन बाक्‍नी, मोपा गे लोक्‍ब आन कली यो थमा पा दाक्‍नीनी। गे थमा सुइक्‍बपुकी इन थुं नेल्‍लेमी थमा पा दाक्‍मुने।

१ यूहन्‍ना 4:16

मोपतीके गोपुकी “परमप्रभु यावेमी इं कली दाक्‍ब” दे तुइश्‍शा थमा सुइक्‍नय। परमप्रभु यावेमी मुर आन कली दाक्‍ब। सुमी दाक्‍ना दाक्‍न बाक्‍बा, मेको परमप्रभु यावे नु थुं का ङा बाक्‍ब। परमप्रभु यावे यो मेको नु थुं का ङा बाक्‍ब।