एफिसी 4:1 - Sunuwar Bible

¹ गो प्रभु आ पर्बम ग्‍याइक्‍चा पुंइसीब, इन कली अरेनुङ। गेपुकी परमप्रभु यावे आ ब्रेश्‍शो दुम्‍शो बाक्‍नीनी। मोपतीके परमप्रभु यावे कली शिरशो गेय पने।

एफिसी 4:1 ပူးပေါင်းရင်းမြစ်များ

उत्पत्ती 17:1

मिनु अब्राम ९९ बर्स दुम्‍मेनु, परमप्रभु यावे अब्राम आ ङोंइती ग्रूशा, मेको कली “गो नेल्‍ल क्‍येङा सक्ति पाइश्‍शो परमप्रभु नङ। गे, गो नु बाक्‍शा, ठीक पाइब दुमो। उत्‍पत्ती ३५:११; प्रस्‍थान ६:३; ब्‍यवस्‍था १०:१२

उत्पत्ती 5:24

हनोक परमप्रभु नु गाक्‍बाक्‍माक्‍त। मिनु परमप्रभुमी हनोक कली आ बाक्‍तीक लदा बाक्‍त। मुरपुकीम हनोक कली माल्‍शा, मथिदमे बाक्‍त। २राजा २:११; हिब्रू ११:५

येरमीया 38:20

मिनु येरमीयामी “मेकोपुकीमी इन कली मेको आन गुइम जिम्‍मा मगेनीम। गो इन कली देंशो परमप्रभु यावे आ लोव़ टिने। मिनु इन कली रिम्‍शो दुम्‍ब। इन सोक्‍ती यो ब्रोंइब।

प्रेरित 9:31

मिनु यहूदीया, गालील नु सामरीया रागीमी बाक्‍ब थमा सुइक्‍बपुकी खेदा पचा मपुंइसीथु, बाक्‍चा तामे बाक्‍त। थमा सुइक्‍बपुकीमी प्रभु कली मान पा हिंशा, परमप्रभु यावे आ सोक्‍त रे पा वारच पचा पुंइसीशा, आन थुं बारना बारन ल‍माक्‍त। मिनु थमा सुइक्‍ब यो तेम्‍सीन सीन लमा बाक्‍त।

रोमी 11:29

परमप्रभु यावेमी गेशो नु आ योव़तीक गेनायो मजाम्‍ब। गन्‍ती २९:१३

रोमी 12:1

आं लोक्‍बपुकी, इन कली मुल यो शुश शेंचा दाक्‍ताक्‍ङ। परमप्रभु यावेमी इन कली शिशी पा आ मुर सेल्‍तु। मोपतीके आ मुर दुम्‍शा, इन रां, थुं, गिंम नेल्‍ल, सेसीन परमप्रभु यावे आ दाक्‍शो चढ़ेतीक खोदेंशो पा जिम्‍मा गेंसीन। मेको इन परमप्रभु यावे कली रिम्‍शो पशो गेय बाक्‍ब। रोमी ६:१३

१ कोरिन्‍थी 4:16

मोपतीके गो इन कली अर्ती का गेनन्‍नी। आं पशो खोदेंशो पने। १कोरिन्‍थी ११:१

२ कोरिन्‍थी 10:1

गो, ख्रीस्‍त आ ब्रेम्‍शो नु रिम्‍शो पतीकेमी, इन कली शेंना शेंन बाक्‍नुङ। गो इन नेक्‍था बाक्‍शा, ब्रेम्‍शो लोव़ पाइनुङ। तन्‍न गो ङोन बाक्‍ती हना, हुइश्‍शा लोव़ पाइनुङ।

२ कोरिन्‍थी 5:20

मिनु गो ख्रीस्‍त आ पर्बम मुर आन कली गेय पाइब बाक्‍नीकी। परमप्रभु यावेमी आंइ पतीकेमी मुर आन कली ब्रेप्‍ब। गोपुकी ख्रीस्‍त आ पर्बम मुर नेल्‍ल आन कली “परमप्रभु यावे नु गारब दुमीने” दे शेंनीकी। लूका १०:१६

२ कोरिन्‍थी 6:1

गो परमप्रभु यावे नु गेय पतीके इन कली “परमप्रभु यावे आ शिशी त‍शा, मप्रेंदीन” देंनीकी। २कोरिन्‍थी १:२४

गलाती 4:12

आं लोक्‍बपुकी, गो रिती थिती पचा प्रोंइशा, येसु ख्रीस्‍त कली थमा सुइक्‍ता। आं खोदेंशो पा थमा सुइक्‍चा मप्रोंइथु बाक्‍कीन, दे इन कली देंनुङ। साइ गेपुकी नु बाक्‍ङानु, गारशा बाक्‍तय। गेपुकीमी आं कली वारच पशो मिम्‍शा, मुल यो मप्रेंनुङ।

एफिसी 2:10

गोपुकी परमप्रभु यावे रे ख्रीस्‍त येसु आ पतीकेमी सेल्‍शो बाक्‍नय। परमप्रभु यावेमी इं कली रिम्‍शो गेय वोइश्‍शो बाक्‍त। मेको पचा माल्‍नय। तीतस २:१४

एफिसी 3:1

मिनु गो पावल अर्को रागी ङा मुर इन कली ख्रीस्‍त येसु आ लोव़ शेंतीके साङलोम पाइक्‍‍साक्‍यी। फिलिप्‍पी १:७,१३

एफिसी 4:17

परमप्रभु यावे कली मतुइक्‍ब मुरपुकी जाम्‍शा लाइब गेय ला मिम्‍शा पाइनीम। मिनु गेपुकी मुल रे मेको आन खोदेंशो मपने, दे प्रभु आ नेंमी इन कली रिम्‍शो पा अरेनुङ। रोमी १:२१-२४

एफिसी 4:4

दोपा रां नु सोक्‍त का बाक्‍नीसी, मोपा थुं का दुमीन। गे नेल्‍ल इन आस कान बाक्‍ब। मोपा ब्रेत्‍चा पुंइसाक्‍नी। रोमी १२:५

एफिसी 5:2

मिनु येसु ख्रीस्‍तमी इं कली दाक्‍शो खोदेंशो पा दाक्‍मुने। मेकोमी दोपा दाक्‍ताक्‍व देंशा हना, आंम कली ममिम्‍थु, ब्रोव़शो रिना पाइश्‍शो धूप नु क्‍योरशा चढ़ेशो खोदेंशो पा, इं पाप क्‍याम्‍चा कली बेक्‍शा, परमप्रभु यावे कली जिम्‍मा गेंसाक्‍व।

फिलिप्‍पी 1:27

गे इन नाक्‍त किंत किंत ङा पतीकेमी ख्रीस्‍त आ ग्‍येरपाइक्‍ब लोव़ कली शिरशो दुम्‍शा बाक्‍कीन। गो गेपुकी नु बाक्‍ती हना यो, मबाक्‍ती हना यो, इन सोक्‍त का दुम्‍शा, इन थुं का दुम्‍शा, ग्‍येरपाइक्‍ब लोव़ ङा थमा सुइक्‍तीके गेय पा वारच पमुने।

फिलिप्‍पी 3:14

परमप्रभु यावेमी ख्रीस्‍त येसु आ नेंमी आ बाक्‍तीके रे इनाम गेचा कली मार देंमे, मेकोन शुश पाइनुङ। १कोरिन्‍थी ९:२४

कलस्‍सी 1:10

इन ङोंइती शिरशो मुर दुम्‍मल। आन पशो नेल्‍लेमी इन कली ग्‍येरपदमेक्‍ल। रिम्‍शो पामेनु, इन कली तुइक्‍तीके आन थुंमी बारना बारन लल। एफिसी ४:१; फिलिप्‍पी १:२७

कलस्‍सी 2:6

गेपुकी दोपा ङोंइती प्रभु ख्रीस्‍त येसु कली ओव़चा गेनी, मोपा मेको नु बाक्‍कीन।

कलस्‍सी 4:12

ख्रीस्‍त येसु आ गेय पाइब इन मुर इपाफ्रासमी इन कली “रिम्‍शो बाक्‍कीन” देंत। मेकोमी इन कली मिम्‍शा, परमप्रभु यावे कली “कलस्‍सी आन कली रुप्‍तीक थुं गेशा, इन दाक्‍शो नेल्‍ल तुइक्‍तमेक्‍ल” दे पुंइना पुंइन बाक्‍ब। कलस्‍सी १:७; फिलेमोन २३

१ थिस्‍सलोनिकी 2:12

“परमप्रभु यावे आ मुर दुम्‍शा, मेको आ ङोंइती शिरशो दुम्‍शा बाक्‍कीन” दे इन कली पन कि पन, दे शेंशा शुश अरेतक। परमप्रभु यावेमी इन कली आंम राज्‍य नु आ छेङछेङमी बाक्‍चा गेचा कली ब्रेप्‍ब। एफिसी ४:१-२; फिलिप्‍पी १:२७

२ थिस्‍सलोनिकी 1:11

मोपतीके गो इन पर्बम प्रार्थना पना पन बाक्‍नीकी। परमप्रभु यावेमी इन कली ब्रेश्‍शा, आ ब्रेश्‍शो शिरशो सेलल, दे गोपुकीमी गेना हना यो, पुंइना पुंइन बाक्‍नीकी। इन रिम्‍शो पतीके नु इन थमा सुइश्‍शो ङा गेय आ सक्तिमी पपदल।

२ तिमोथी 1:9

परमप्रभु यावेमी सैतान रे प्रोंइशा “आं मुर नम” दे ब्रेत्‍ताक्‍व। इं रिम्‍शो पतीके कोव़शा ममाइ, आ माल्‍शो नु शुश ङोंइती रे ख्रीस्‍त येसुमी इं कली गेशो दाक्‍तीके आ पर्बम ब्रेत्‍ताक्‍व। तीतस ३:५

तीतस 2:10

खुइ पचा मदुम्‍ब, नेल्‍ल गेयमी थम रिम्‍शो पाइब दुम्‍चा माल्‍नीम। मोदेंशो रिम्‍शो गेय पा इं कली पाप रे प्रोंइब परमप्रभु यावे आ शेंतीके रिम्‍शो लोव़ बाक्‍ब, दे कोंइनीमी। मेको शेंचा माल्‍नेवे।

हिब्रू 13:21

परमप्रभु यावेमी येसु ख्रीस्‍त रे पा इन थुं रिम्‍शो सेलल, आ दाक्‍शो गेय पपदल, आ कली ग्‍येरपाइक्‍ब सेलल। येसु ख्रीस्‍त कली गेना हना यो ठेयब सेल्‍य। आमेन। आमेन आ अर्थ “गो यो मेकोन मिम्‍नुङ” बाक्‍ब।

हिब्रू 3:1

मोपतीके परमप्रभु यावे आ मुर, आं लोक्‍बपुकी, गे यो स्‍वर्ग रे ब्रेत्‍चा पुंइसीशो बाक्‍नीनी। सोइश्‍शो, दे नें वोइक्‍चा पुंइसीशो नु इं थमा सुइक्‍तीक ङा नेल्‍ल क्‍येङा ठेयब चढ़ेब येसु कली मिम्‍तीने। हिब्रू ४:१४

१ पत्रुस 2:11

आं दाक्‍शो लोक्‍बपुकी, गो इन कली इन थुं बारपाइक्‍तीक लोव़ पाइनुङ। गो रागीम बाक्‍यानु, रागी ङा पौना खोदेंशो बाक्‍नय। मोपतीके इन दला दाक्‍स पा रागी ङा मुर खोदेंशो मपने। ग्रांग्रा दिचा ङा गेय रे ङोन बाक्‍कीन। मारदे हना मोदेंशो गेय इन थमा सुइक्‍तीक थुं नु जीब। भजन संग्रह ३९:१३

१ पत्रुस 3:9

इन कली मरिम्‍शो पाइब आन कली मरिम्‍शो मपने। इन कली शुक्‍शी लोव़ पाइब आन कली शुक्‍शी लोव़ मपने, आसीक गेने। मारदे हना गे आसीक ताइब दुम्‍चा कली योव़शो बाक्‍नीनी। १थिस्‍सलोनिकी ५:१५

१ पत्रुस 5:10

मिनु का निक्‍शी नाक्‍त श्‍येत जनी नोले नेल्‍ल शिशी पाइब परमप्रभु यावेमी “गेना हना यो छेङछेङमी बाक्‍चा गेनुङमी” दे ख्रीस्‍त आ नेंमी इन कली ब्रेश्‍शो बाक्‍त। मेकोमी इन कली आ राज्‍यम गारचा ङा सक्ति पाइश्‍शो नु ठीक सेल्‍ब। १पत्रुस १:६

२ पत्रुस 1:3

परमप्रभु यावे आ सक्तिमी ब्रोंइचा नु परमप्रभु यावे आ ङोंइती बाक्‍चा कली मार मार माल्‍या, मेको नेल्‍ल इं कली मो गेप्‍तु। दोपा गेप्‍तु देंशा हना, मेको कली तुइक्‍तीके गेप्‍तु। आ छेङछेङमी बाक्‍चा नु आ पतीके नेल्‍ल पचा कली योव़तु। १पत्रुस २:४

२ यूहन्‍ना 1:5

मिनु गोमी “गोपुकी दाक्‍मुय” दे मीश मुर इन कली देंशो नक अरेशो लोव़ मब्रेक्‍नुङ। तन्‍न साइ ङोंइती रे दाक्‍मुचा, दे अरेशो लोव़ बाक्‍शो बाक्‍ब। १यूहन्‍ना २:७