एफिसी 3:5 - Sunuwar Bible

⁵ मुल परमप्रभु यावे आ सोक्‍तीमी येसु ख्रीस्‍त आ सोइश्‍शो नु परमप्रभु यावे आ लोव़ पाइब आन कली परमप्रभु यावे आ ख्रुइश्‍शो मार बाक्‍बा, दे शेंताक्‍ङमी। ङोंइती ङा मुरपुकीमी चहिं मतुइश्‍शो बाक्‍तेक्‍म। कलस्‍सी १:२६

एफिसी 3:5 ပူးပေါင်းရင်းမြစ်များ

यसैया 52:15

मिनु मेकोमी रागी रागी ङा शुश मुर आन कली छक लाक्‍पाइक्‍ब। मिनु पिपपुकी मेको कली तशा, सिक्‍सी पा बाक्‍नीम। मारदे हना मेको आन ङोंइती गेनायो मशेंसीशो ताइनीम। मेको आन मनेंशो लोव़ आ पर्बम शुश मिम्‍चा माल्‍नीमी। यसैया ६५:१; रोमी १५:२१

मत्ती 13:17

नोफा दाइश्‍शा नेनीने, गेमी मुल तशो नेंशो साइ नेसी रे परमप्रभु यावे आ लोव़ पाइबपुकीमी तचा नेंचा दाक्‍बाक्‍मा बाक्‍त। तन्‍न तचा नेंचा मतामे बाक्‍त। १पत्रुस १:१०

मत्ती 20:7

मिनु मेकोपुकीमी ‘सुइमी गेय मगेमे। मिनु गो मार पाइनीकी?’ देंमानु ‘गे यो लशा, आं अङगुर रूमी गेय पने’ दे माइक्‍मी बाक्‍त।

मत्ती 23:34

मोपतीके गो इन बाक्‍तीके परमप्रभु यावे आ लोव़ पाइब, जोक्‍ब तुइक्‍ब मुर नु परमप्रभु यावे आ लोव़ शेंब सोइक्‍नुङमी। का निक्‍शी आन कली साइक्‍नीनी, का निक्‍शी आन कली शीमी क्‍याइश्‍शा साइक्‍नीनी, का निक्‍शी आन कली ग्रुम्‍तीक खिंमी लाइश्‍शा, कोर्रामी युक्‍नीनी, मिनु तेइ बाक्‍चा मगेथु, खेदा पा खेरनीनी।

लूका 10:24

मारदे हना इन तशो नेंशो साइ नेसी रे परमप्रभु यावे आ लोव़ पाइब नु पिपीपुकीमी तचा नेंचा दाक्‍ताक्‍मे। तन्‍न तचा नेंचा मतामे” दे माइक्‍मी बाक्‍त। १पत्रुस १:१०

लूका 11:49

साइ नेसी परमप्रभु यावे आ तुइक्‍तीक पाइश्‍शोमी ‘गो आं लोव़ शेंब मुर सोइक्‍नुङमी। मेको आं सोइश्‍शो मुर का निक्‍शी आन कली खेदा पा श्‍येत गेनीम, का निक्‍शी आन कली साइक्‍नीम’ देंशो बाक्‍त।

यूहन्‍ना 14:26

आं नेंमी आं आफोमी इन कली वारच पाइब आ सोक्‍त सोइक्‍ब। मेको सोक्‍तीमी इन कली मारेइ मारेइ शेंब नु आं देंशो लोव़ नेल्‍ल फ्रुक्‍पाइक्‍ब।

यूहन्‍ना 16:13

मिनु थमा ङा सोक्‍त जाक्‍शा, इन कली थमा लां कोंइशा शेंब। मेकोमी आंम मिम्‍शो मशेंब। तन्‍न मार मार नेंबा, मेकोन शेंब। नोले मार मार दुम्‍बा, मेको यो शेंब। यूहन्‍ना १४:२६; १यूहन्‍ना २:२७

प्रेरित 10:28

मिनु पत्रुसमी मेको देल्‍शा बाक्‍ब आन कली “गो आंइ यहूदी अर्को रागी ङा मुरपुकी नु काथा बाक्‍चा, जचा, आन खिं ओव़चा मदुम्‍ब, दे नेल्‍लेमी तुइक्‍नीनी। मोदेंशो बाक्‍त हना यो, परमप्रभु यावेमी आं कली सुइ आन कली आइक्‍च ममिम्‍चा, दे शेंताक्‍यी।

रोमी 16:25

परमप्रभु यावेमी इन कली आ ग्‍येरपाइक्‍तीक लोव़ नु येसु ख्रीस्‍त आ पर्बम शेंतीक नेंशा, बोल्‍यो पा थमा सुइक्‍ब सेल्‍ने चाप्‍ब, दे तुइक्‍ताक्‍ङ। मोपा साइ ङा ख्रुइश्‍शो लोव़ नेल्‍ल तुइक्‍पाइश्‍शो बाक्‍ब। १कोरिन्‍थी २:७; एफिसी १:९; एफिसी ३:४-९

१ कोरिन्‍थी 2:10

मेको लोव़ परमप्रभु यावेमी आ सोक्‍त रे पा इं कली तुइक्‍पाइश्‍शा रुप्‍पाइक्‍तु। मारदे हना परमप्रभु यावे आ सोक्‍तीम नेल्‍ल तुइक्‍ब। ख्रुइश्‍शो लोव़ यो माल्‍शा ग्रुंइब। परमप्रभु यावे आ सोक्‍तीम परमप्रभु यावे आ थुं ङा लोव़ यो नेल्‍ल तुइक्‍ब।

एफिसी 2:20

मिनु ख्रीस्‍त आ सोइश्‍शो नु साइ ङा परमप्रभु यावे आ लोव़ पाइबपुकी जग खोदेंशो दुम्‍तेक्‍म। गेपुकी चहिं मेको तारी सेल्‍शो खिं खोदेंशो ननी। ख्रीस्‍त येसु मेको खिं ङा ङोंइती वोइश्‍शो जग फुल्‍लु खोदेंशो बाक्‍ब। मत्ती १६:१८; यसैया २८:१६; १पत्रुस २:४-६ मत्ती १६:१८

एफिसी 3:9

मिनु मारेइ मारेइ सेल्‍ब परमप्रभु यावेमी रागी सेल्‍शो रे ख्रुइश्‍शा वोइश्‍शो नेल्‍ल आन कली त‍पाइक्‍चा, दे कोंइब सेल्‍ती। एफिसी १:९-१०; रोमी १६:२५-२६; कलस्‍सी १:१६

२ पत्रुस 3:2

इन कली मार फ्रुक्‍पाइक्‍चा दाक्‍ताक्‍ङ देंशा हना, परमप्रभु यावे आ साइ ङा लोव़ पाइब आन ब्रेक्‍शो लोव़ फ्रुक्‍पाइक्‍चा दाक्‍ताक्‍ङ। पाप रे प्रोंइब प्रभु आ अरेशो लोव़ इन कली मिम्‍पाइक्‍चा दाक्‍ताक्‍ङ। इन शेंबपुकीमी इन कली शेंताक्‍मे।

यहूदा 1:17

आं दाक्‍शो लोक्‍बपुकी, इं प्रभु येसु ख्रीस्‍त आ सोइश्‍शोपुकीमी ङोंइती देंशो लोव़ ति फ्रुक्‍शा मिम्‍चा माल्‍नीनी।