एफिसी 3:19 - Sunuwar Bible

¹⁹ ख्रीस्‍त आ दाक्‍तीके गिश ठेयब बाक्‍बा, मेको रुप्‍‍ने मचाप्‍चा ङा बाक्‍त हना यो, मेको आन कली रुप्‍पतीन। मिनु परमप्रभु यावे, गे दोपा मारेइ मारेइमी गाप्‍शो बाक्‍नीनी, मोपा मेको आन कली यो इन सक्तिमी प्रिंदीन। कलस्‍सी २:२-३

एफिसी 3:19 ပူးပေါင်းရင်းမြစ်များ

भजन संग्रह 17:15

गो चहिं ठीक पा बाक्‍शा, थमा पा इन कुल ताइनुङ। सुनी सेंसीशा, इन कली तशा, रूशो खोदेंशो दुम्‍शा, ग्‍येरसीनुङ” देंती।

भजन संग्रह 43:4

मेना गो परमप्रभु कली चढ़ेतीकेम जाक्‍नुङ। मिनु परमप्रभुमी आं कली शुश ग्‍येरपाइश्‍शा, आं थुं नाइक्‍पाइक्‍ब। परमप्रभु, आं परमप्रभु, गो ठेयब ताप्‍तीक ताप्‍शा, कुम्‍सो पा इन कली ठेयब सेल्‍नुङ।

मत्ती 5:6

ठीक पशो तचा दाक्‍बपुकी आसीक राइनीम। मारदे हना आन दाक्‍शो ताइनीम। लूका १८:९-१४; यूहन्‍ना ६:३५

यूहन्‍ना 1:16

आ शिशी पतीक गो शुश शिशी तना तन बाक्‍तक। यूहन्‍ना ३:३४; कलस्‍सी १:१९

यूहन्‍ना 17:3

गेना हना यो गे नु ब्रोंइशा बाक्‍चा मार बाक्‍ब देंशा हना, सुमी इन कली गे ला थमा परमप्रभु यावे बाक्‍नीनी नु गो, इन सोइश्‍शो येसु ख्रीस्‍त नङ, दे तुइक्‍नीमी, मेको ला गेना हना यो गे नु ब्रोंइशा बाक्‍चा ताइनीम। १यूहन्‍ना ५:२०

रोमी 8:35

ख्रीस्‍तमी इं कली शुश दाक्‍ब। मिनु सुमी इं कली ख्रीस्‍त आ दाक्‍तीके रे फ्राने चाप्‍बा ङा? सुइमी मचाप्‍नीम। श्‍येतमी, हिंतीकेमी, खेदा पतीकेमी, जचा मततीकेमी, फेक्‍चा मततीकेमी, मुर साइक्‍तीकेमी नु लडाइमी काइ फ्राने मचाप्‍नीम। भजन संग्रह ७३:२३-२६

रोमी 8:39

इर ङामी, उइ ङामी नु रागीम बाक्‍शो मारेइ मारेइमी इं कली इं प्रभु ख्रीस्‍त येसुम बाक्‍शो परमप्रभु यावे आ दाक्‍शो रे फ्राने मचाप्‍नीम” दे यो तुइक्‍ताक्‍ङ।

२ कोरिन्‍थी 5:14

मारदे हना ख्रीस्‍तमी इं कली दाक्‍ब, दे शुश मिम्‍नीकी। मेको नेल्‍ल मुर आन पर्बम बेक्‍त, दे तुइश्‍शा, गो नेल्‍ल बेक्‍चा ङा मुर बाक्‍नय, दे तुइक्‍नीकी।

गलाती 2:20

तन्‍न गो मब्रोंइनुङ। ख्रीस्‍त आं आगामी ब्रोंइब। तन्‍न आं मुल ब्रोंइतीके गो परमप्रभु यावे आ तौ कली थमा सुइश्‍शा ब्रोंइनुङ। मेकोमी आं कली शुश दाक्‍शा, आं पशो पाप आ पर्बम साइक्‍चा पुंइसाक्‍व। यूहन्‍ना १७:२३; प्रेरित १:४

एफिसी 1:23

मोपा थमा सुइक्‍बपुकी येसु ख्रीस्‍त आ रां दुम्‍तेक्‍म। मिनु मेको रां आ पिया येसु ख्रीस्‍त आंमान दुम्‍शा, मारेइ मारेइ खाप्‍शो बाक्‍त” दे लोव़ पाइनुङ। एफिसी ३:३०; १कोरिन्‍थी १२:२७; कलस्‍सी १:१९

एफिसी 3:18

मो दुम्‍मेनु, मेकोपुकी नु नेल्‍ल थमा सुइक्‍बपुकीमी येसु ख्रीस्‍त आ मुर आन कली दाक्‍तीके गिश ब्रेम्‍शो, गिश दुइश्‍शो, गिश लाइश्‍शो नु गिश लुक्‍च लशो बाक्‍मे, मेको नेल्‍ल रुप्‍तीक थुं गेने।

एफिसी 5:2

मिनु येसु ख्रीस्‍तमी इं कली दाक्‍शो खोदेंशो पा दाक्‍मुने। मेकोमी दोपा दाक्‍ताक्‍व देंशा हना, आंम कली ममिम्‍थु, ब्रोव़शो रिना पाइश्‍शो धूप नु क्‍योरशा चढ़ेशो खोदेंशो पा, इं पाप क्‍याम्‍चा कली बेक्‍शा, परमप्रभु यावे कली जिम्‍मा गेंसाक्‍व।

एफिसी 5:25

गे वोंइश मुरपुकी, आंम मीश कली दाक्‍तीने। दोपा ख्रीस्‍तमी थमा सुइक्‍ब आन कली दाक्‍शा, मेको आन कली पाप रे प्रोंइचा, दे आंम रां जिम्‍मा गेवा, मोपा वोंइश मुरुमी आंम मीश कली दाक्‍चा माल्‍नीमी।

फिलिप्‍पी 1:7

नेल्‍ल इन पर्बम मोदेंशो मिम्‍चा ठीक बाक्‍ब। मारदे हना गो इन कली शुश दाक्‍नुङ। आं जेल्‍खानमी चोक्‍चा पुंइसीशो, निसाफ पची ना नु ग्‍येरपाइक्‍ब लोव़ शेंची ना गो इन कली मिम्‍नुङ। गो नेल्‍ल खाल का ङा शिशी ताइब बाक्‍नय।

फिलिप्‍पी 4:7

परमप्रभु यावे आ गेशो थुं नाइक्‍तीके रुम्‍ने मचाप्‍चा ङा ठेयब बाक्‍ब। मेको थुं नाइक्‍तीके इन थुं नु इन मिम्‍शो ख्रीस्‍त येसु नु बाक्‍ब। यूहन्‍ना १४:२७; कलस्‍सी ३:१५

कलस्‍सी 1:10

इन ङोंइती शिरशो मुर दुम्‍मल। आन पशो नेल्‍लेमी इन कली ग्‍येरपदमेक्‍ल। रिम्‍शो पामेनु, इन कली तुइक्‍तीके आन थुंमी बारना बारन लल। एफिसी ४:१; फिलिप्‍पी १:२७

१ पत्रुस 1:8

गे मेको कली मताइतीनी हना यो, दाक्‍नीनी। मेको कली मुल सम्‍म मतथु यो, थमा सुइक्‍तीनी। गे गिश ग्‍येरना ग्‍येरन बाक्‍शो बाक्‍नीनी, देंने मचाप्‍नीनी। यूहन्‍ना २०:२९; २कोरिन्‍थी ५:७

२ पत्रुस 3:18

तन्‍न इं प्रभु, इं कली पाप रे प्रोंइब येसु ख्रीस्‍त आ शिशी नु मेको कली तुइक्‍तीकेम बारना बारन लल। मेको कली मुल नु गेना हना यो ठेयब सेल्‍य। आमेन।