एफिसी 2:8 - Sunuwar Bible

⁸ मिनु गेपुकी परमप्रभु यावे आ शिशी तशा, थमा सुइक्‍तीके पाप रे ब्रोंइतीनी। मेको इन पतीके ममाइ, परमप्रभु यावेमी मोशा गेशो बाक्‍ब। रोमी ३:२३-२४; गलाती २:१६

एफिसी 2:8 ပူးပေါင်းရင်းမြစ်များ

मत्ती 16:17

मिनु येसुमी पत्रुस कली “योना आ तौ सिमोन, ग्‍येरसो। मारदे हना इ देंशो लोव़ मुरुमी शेंशो ममाइ। स्‍वर्गम बाक्‍ब आं आफोमी इ कली रुप्‍पाइक्‍तु। मत्ती ११:२७; गलाती १:१५-१६

मत्ती 20:9

मिनु क्‍यारश चोक्‍ची ना जाक्‍शो आन कली ङोंइती ब्रेश्‍शा, काबु ङा गाल्‍च देनार का का गेमी बाक्‍त।

मर्कूस 16:16

सुमी थमा सुइश्‍शा, ब्‍वाक्‍कुमी ख्रुम्‍शा ग्रुंइचा पुंइसीबा, मेको ब्रोंइचा ताइब। सुमी चहिं थमा मसुइक्‍बा, मेको सजाइ गेचा पुंइसीब। प्रेरित २:३८; प्रेरित १६:३१-३३

लूका 7:50

मिनु येसुमी मीश मुर कली “इ थमा सुइश्‍शोमी पाप रे ब्रोंइते। इ थुं नाइश्‍शा ग्‍येरशा बाक्‍को” देंशा सोइक्‍ता बाक्‍त। लूका ८:४८; लूका १७:१९; लूका १८:४२

यूहन्‍ना 3:36

सुमी आ तौ आ देंशो थमा सुइक्‍बा, मेको गेना हना यो ब्रोंइशा बाक्‍चा ताइब। सुम चहिं आ देंशो मटीबा, मेको गेना हना यो ब्रोंइशा बाक्‍चा मतथु, परमप्रभु यावे आ गाइश्‍शो ताइब” दे यूहन्‍नामी शेंताक्‍व।

यूहन्‍ना 4:10

मिनु येसुमी मेको मीश मुर कली “परमप्रभु यावेमी इ कली मार गेचा दाक्‍ब, दे तुइक्‍ताक्‍वी हना, नु ब्‍वाक्‍कु पुंइब, आं कली, सु बाक्‍नुङ, दे तुइक्‍ताक्‍वी हना, आं कली ‘ब्‍वाक्‍कु गेयी’ दे पुंइदी वा। मिनु ब्रोंइचा गेब ब्‍वाक्‍कु गेन वा” दे मदा बाक्‍त। यूहन्‍ना ७:३८-३९

यूहन्‍ना 5:24

नोफा दाइश्‍शा नेनीन, सुमी आं लोव़ नेंबा नु आं कली सोइक्‍ब आं आफ परमप्रभु यावे कली थमा सुइक्‍बा, मेको गेना हना यो ब्रोंइशा बाक्‍चा ताइब। सजाइ मताइब। मारदे हना बेक्‍शो रे गेना हना यो ब्रोंइशा बाक्‍चा ताइब। यूहन्‍ना ३:१६-१८

यूहन्‍ना 6:35

मिनु येसुमी “गेना हना यो परमप्रभु यावे नु ब्रोंइ‍चा गेब शोब्‍ले गो नङ। सु सु आं गे पीनीमी, मेको शोव़लु मबेक्‍नीम। मिनु आं कली थमा सुइक्‍बपुकी गेनायो तूतू मदाक्‍नीम। यूहन्‍ना ४:१४; यूहन्‍ना ७:३७

यूहन्‍ना 6:37

मिनु आं आफोमी आं कली गेशो मुरपुकी आं गे पीनीम। आं गे पीब आन कली गेनायो मतिल्‍नुङमी। मत्ती ११:२८

यूहन्‍ना 6:40

मिनु सु सुमी परमप्रभु यावे आ तौ, दे आं कली तुइक्‍नीमी नु थमा सुइक्‍नीम। मेको आन कली नोले ङा नाक्‍तीमी सेंपाइश्‍शा, गेना हना यो ब्रोंइशा बाक्‍चा गेनुङमी। आं आफ आ दाक्‍शो गेय मेकोन बाक्‍त” दे यहूदी आन कली शेंताक्‍व। यूहन्‍ना ५:२९; यूहन्‍ना ११:२४

यूहन्‍ना 6:44

आं कली सोइक्‍ब आं आफोमी आं कली गेशो मुर ला आं गे पिने चाप्‍नीम। अरु चहिं मचाप्‍नीम। आं कली गेशो मुर आन कली नोले ङा नाक्‍ती सेंनुङमी।

यूहन्‍ना 6:65

मिनु येसुमी “आं आफोमी आं कली गेशो मुर ला आं गे पिने चाप्‍नीम, दे ङोंइती रे माइक्‍तन्‍नी” देंत।

प्रेरित 13:39

येसु कली थमा सुइक्‍ब नेल्‍ल आन पाप क्‍याम्‍चा पुंइसीनीम। मिनु आन पाप क्‍याम्‍चा पुंइसीशा, परमप्रभु आ ङोंइती पाप मपथु बाक्‍शो तांइसीनीम। मोसामी ब्रेक्‍शो लोव़मी इन पाप क्‍याम्‍ने मचाप्‍ब। मारदे हना मेको लोव़ नेल्‍ल टिने मचाप्‍तीके पापी दुम्‍तीनी। रोमी १०:४

प्रेरित 14:27

मिनु जाक्‍शा थमा सुइक्‍ब आन कली खुप्‍शा, दोपा परमप्रभु यावेमी आं नु बाक्‍शा गेय पपाइश्‍शा आसीक गेवा, दोपा अर्को रागी ङा मुर आन कली थमा सुइक्‍पा, पाप रे ब्रोंइतीक लां कोंइशा, आ मुर सेला, मेको लोव़ नेल्‍ल तुइक्‍पदसे बाक्‍त। १कोरिन्‍थी १६:९

प्रेरित 15:11

मारदे हना प्रभु येसुमी इं कली शिशी पतीके पाप रे ब्रोंइचा ताइतय, दे थमा सुइक्‍तय। मेकोपुकीमी इं खोदेंशो पा प्रभु आ शिशी तशा थमा सुइक्‍ब दुम्‍तेक्‍म” दे पत्रुसमी माइक्‍मी बाक्‍त। मिनु नेल्‍ल ब्‍वालेइ पामे बाक्‍त। गलाती २:१६; एफिसी ४:२-१०

प्रेरित 16:14

मिनु मेको आन कली लोव़सी पना पन येसु आं लोव़ शेंताक्‍क। आंइ लोव़ नेंब का चहिं थिआटीरा सहर रे जाक्‍शो वा पसल दाइक्‍ब लिडीया नें पाइश्‍शो मीश मुर का बाक्‍त। मेको लिडीया परमप्रभु यावे कली मान पा ठेयब सेल्‍ब बाक्‍बाक्‍माक्‍त। मेकोमी पावल आ लोव़ थम नोफा दाइश्‍शा नेंतु। मिनु प्रभुमी रुप्‍चा थुं गेप्‍तु।

प्रेरित 16:31

मिनु पावल नु सिलासमी “प्रभु येसु कली थमा सुतो। मिनु गे नु इ खिं ङा मुर नेल्‍लेमी पाप क्‍याम्‍चा पुंइसीशा गेना हना यो ब्रोंइशा बाक्‍चा ताइनीनी” देंसा बाक्‍त।

रोमी 10:14

मेको कली थमा मसुइक्‍बपुकीमी “प्रोंइयीनी” दे पुंइने चाप्‍नीमी ङा? आ पर्बम मनेंशो कली थमा सुइक्‍ने चाप्‍नीमी ङा? सुइ शेंब मबाक्‍त हना, मेको लोव़ नेंने चाप्‍नीमी ङा?

रोमी 10:17

ङोंइती ख्रीस्‍त आ लोव़ नेंशा तुइक्‍पाइक्‍चा माल्‍नीम। मेको लोव़ नेंशा ला थमा सुइक्‍ने चाप्‍नीम।

रोमी 4:16

थमा सुइक्‍तेक्‍म हना, शिशी ताइनीम। अरेशो टीबपुकीम यो शिशी ताइनीम। सु सुमी अब्राहामम खोदेंशो पा, परमप्रभु यावे कली थमा सुदमे, मेको आ थोक्‍शो लोव़ ङा मुर नु अब्राहाम आ आल दुम्‍नीम।

रोमी 4:5

तन्‍न सुमी गेय मपाइब, ङोंइती मटीब मुर आन कली ठीक पाइब कली थमा सुइक्‍बा, मेको आ थमा सुइक्‍तीके ठीक बाक्‍ब। रोमी ३:२६

रोमी 9:16

मारेइ मारेइ पशोमी परमप्रभु यावे आ शिशी पाइक्‍‍चा मपुंइसीब। परमप्रभु यावेमी शिशी पचा दाक्‍ताक्‍व हना, शिशी पाइ‍ब। एफिसी २:८

गलाती 3:14

ख्रीस्‍त येसु सराप रमेनु, अर्को रागी ङा मुरपुकी यो अब्राहाम आ तशो आसीक ताइनीम। मिनु यहूदी आन पशो पतीक रे ममाइ। ख्रीस्‍त येसु कली थमा सुइश्‍शो रे पा गोपुकीमी परमप्रभु यावेमी गेनुङ देंशो आ सोक्‍त ताइतय, दे रुब्‍य।

गलाती 3:22

तन्‍न परमप्रभु यावेमी ब्रेक्‍पाइश्‍शो लोव़मी “मुर नेल्‍ल पाप आ वाइलीम वाइल दुम्‍शो बाक्‍नीम” दे ब्रेक्‍शो बाक्‍ब। सु सुमी येसु ख्रीस्‍त कली थमा सुदमे, मेको आन थमा सुइश्‍शोमीन “पाप रे ब्रोंइचा ताइनीम” दे गेशो लोव़ खाप्‍शो ताम्‍तेक्‍म। रोमी ३:९-२०; रोमी ११:३२

एफिसी 1:19

मिनु गो थमा सुइक्‍ब आंइ कली इन ठेयब सक्तिम मार पाइनीनी नु इन गेशो बोल गिश ठेयब बाक्‍मे, मेको रुप्‍तीक थुं यो गेने।

एफिसी 2:10

गोपुकी परमप्रभु यावे रे ख्रीस्‍त येसु आ पतीकेमी सेल्‍शो बाक्‍नय। परमप्रभु यावेमी इं कली रिम्‍शो गेय वोइश्‍शो बाक्‍त। मेको पचा माल्‍नय। तीतस २:१४

एफिसी 2:5

मेना गोपुकी मटिथु बेक्‍शो बाक्‍तय हना यो, मेकोमी इं कली ख्रीस्‍त नु कालेम सेंताक्‍व। मोपा आ शिशी रे गोपुकी ब्रोंइशो बाक्‍तय।

फिलिप्‍पी 1:29

ख्रीस्‍त कली थमा सुइक्‍चा ला इन कली गेशो ममाइ, तन्‍न मेको आ पर्बम श्‍येत जचा यो गेशो बाक्‍ब।

कलस्‍सी 2:12

मिनु गेपुकी ब्‍वाक्‍कुम ख्रुम्‍शा ग्रुंइचा पुंइसीनीनु, मेको नु बेक्‍शा थिम्‍शो दुम्‍तीनी। परमप्रभु यावे आ पतीके कली थमा सुइक्‍तीके मेको नु बेक्‍शो रे सेंशो यो बाक्‍नीनी। रोमी ६:४; कलस्‍सी ३:१

२ थिस्‍सलोनिकी 1:9

मेको मुरपुकी गेना हना यो साम्‍सीशो दुम्‍शा, प्रभु आ कुल मताइनीम। आ सक्ति ङा छेङछेङ यो मताइनीम।

हिब्रू 6:4

मारदे हना ङोंइती शेंतीक लोव़ रुप्‍शा, परमप्रभु यावे आ छेङछेङ तशा, आ सक्ति तशा, परमप्रभु यावे आ सोक्‍तीम ब्रीशा,

१ पत्रुस 1:5

परमप्रभु यावे आ सक्तिमी इं कली कोव़ब। गो पाप रे ब्रोंइशो मुर बाक्‍नय, दे थमा सुइक्‍नय। मेको नेल्‍ल नोले ङा नाक्‍तीमी कोंइब। यूहन्‍ना १०:२८