एफिसी 2:22 - Sunuwar Bible

²² मिनु गेपुकी यो परमप्रभु यावे आ सोक्‍तीम पतीके परमप्रभु यावे आ खिं बाक्‍नीनी।

एफिसी 2:22 ပူးပေါင်းရင်းမြစ်များ

१ कोरिन्‍थी 3:16

गे परमप्रभु यावे आ खिं ननी, दे मतुइक्‍नीनी? मिनु परमप्रभु यावे आ सोक्‍त इन आगाम बाक्‍ब, दे मतुइक्‍नीनी? १कोरिन्‍थी ६:१९; २कोरिन्‍थी ६:१६

१ कोरिन्‍थी 3:9

गे परमप्रभु यावे आ रू नु आ खिं ननी। गोपुकी चहिं मेको रूमी गेय पाइब नु मेको खिं सेल्‍ब नकी। मत्ती १३:२-९; एफिसी २:२०

१ कोरिन्‍थी 6:19

इन रां परमप्रभु यावे आ सोक्‍त आ खिं बाक्‍ब दे मतुइक्‍नीनी? परमप्रभु यावेमी आ सोक्‍त इन रांमी वोइक्‍तु। मिनु इन रां इन के ममाइ। १कोरिन्‍थी ३:१६

२ कोरिन्‍थी 6:16

परमप्रभु यावे आ खिं नु मूर्ति दोपा गारनीसी ङा? मारदे हना गो गेना हना यो ब्रोंइशा बाक्‍ब परमप्रभु यावे आ खिं बाक्‍नीकी। मिनु परमप्रभु यावेमी “आं मुर आगाम बाक्‍नुङ। मेको आन दातेम गाक्‍नुङ। मेको आन परमप्रभु यावे दुम्‍नुङ। मिनु मेकोपुकी आं मुर दुम्‍नीम” देंशो बाक्‍त। लेवी २६:११-१२; इजीकीएल ३७:२७; १कोरिन्‍थी ३:१६

एफिसी 3:17

मोपा थमा सुइक्‍तीके ख्रीस्‍त मेको आन थुंमी बाक्‍ब। मिनु ‘येसु ख्रीस्‍तमी आं कली दाक्‍ब’ दे शाक्‍श ग्रुक्‍शो रवा खोदेंशो पा इन दाक्‍तीकेमी ख्रुम्‍शो मुरपुकी से‍लीन। यूहन्‍ना १४:२३; कलस्‍सी २:७

१ यूहन्‍ना 3:24

सुमी आ अरेशो लोव़ पाइबा, येसु नु थुं का ङा बाक्‍ब। मिनु येसु यो मेको मुर नु थुं का ङा बाक्‍ब। परमप्रभु यावे नु गोपुकी थुं का ङा दुम्‍तय, दे दोपा तुइक्‍नय देंशा हना, मेकोमी गेशो सोक्‍तीमी शेंशो रे तुइक्‍नय। १यूहन्‍ना ४:१३; रोमी ८:९

१ यूहन्‍ना 4:13

परमप्रभु यावेमी इं कली आ सोक्‍त गेप्‍तु। मोपतीके गो परमप्रभु यावे नु थुं का ङा दुम्‍नय नु मेको गो नु थुं का ङा दुम्‍शो तुइक्‍नय।

१ यूहन्‍ना 4:16

मोपतीके गोपुकी “परमप्रभु यावेमी इं कली दाक्‍ब” दे तुइश्‍शा थमा सुइक्‍नय। परमप्रभु यावेमी मुर आन कली दाक्‍ब। सुमी दाक्‍ना दाक्‍न बाक्‍बा, मेको परमप्रभु यावे नु थुं का ङा बाक्‍ब। परमप्रभु यावे यो मेको नु थुं का ङा बाक्‍ब।