एफिसी 2:18 - Sunuwar Bible

¹⁸ मोपा गोपुकी परमप्रभु यावे आ सोक्‍तीम पतीके नेल्‍ल येसु ख्रीस्‍त रे पा इं आफ परमप्रभु यावे आ नेक्‍था जाक्‍दीत्‍नय। एफिसी ३:१२

एफिसी 2:18 ပူးပေါင်းရင်းမြစ်များ

जकरिया 12:10

मिनु परमप्रभुमी “गो दाऊद आ खिं ङा मुर नु यरूसलेममी बाक्‍ब मुर आन तारी शिशी पतीक नु पुंइतीक लोव़ पतीके सोक्‍त मोइक्‍नुङ। मो दुम्‍मेनु, आ साइश्‍शो आन कली तशा, मेको आन पर्बम आन का ला तौ आन पर्बम रोंका पशो खोदेंशो पा, रोंका पाइनीम। मेको आन पर्बम, आन ङोंइती जरमेशो तौ आन पर्बम खोदेंशो पा ङाक्‍नीम। योएल ३:१; यूहन्‍ना १९:३७; प्रकाश १:७

मत्ती 28:19

मोपतीके रागीम नेल्‍ल हिरशा, नेल्‍ल जात, थर ङा मुर आन कली आं पर्बमी शेंशा, आं नोले खोइक्‍ब शेंसीब सेलीने। आं आफ, परमप्रभु यावे, आ तौ नु परमप्रभु यावे आ सोक्‍त आन नेंमी मेको आन कली ब्‍वाक्‍कुम ख्रुम्‍शा ग्रुंइदीने। मत्ती २४:१४; मर्कूस १६:१५-१६; २कोरिन्‍थी ५:२०

यूहन्‍ना 10:7

येसुमी लेंशा मेको आन कली “नोफा दाइश्‍शा नेनीन, गो भेडा गोठ ङा लाप्‍चो नङ।

यूहन्‍ना 10:9

गो लाप्‍चो नङ। सु सु मेको लाप्‍चो रे ओव़नीमी, मेकोपुकी श्‍येत रे ब्रोंइनीम। मिनु रिम्‍शो घांस बाक्‍तीकेमी लशा, जोचा ताइनीम। यूहन्‍ना १४:६

यूहन्‍ना 14:6

मिनु येसुमी “गो थमा नु ब्रोंइचा गेब लां नङ। सुइ आन पतीक गेना हना यो आं आफ नु बाक्‍चा मताइनीम। तन्‍न आं पतीके रे ला गेना हना यो परमप्रभु यावे नु बाक्‍चा ताइनीम। यूहन्‍ना १०:९; मत्ती ११:२७; रोमी ५:१-२; हिब्रू १०:२०

रोमी 5:2

येसु ख्रीस्‍त आ पतीके गो परमप्रभु यावे आ शिशी ताइतय। मिनु परमप्रभु यावे नु बाक्‍चा ताइनीकी, दे आस पशा, ग्‍येरशा बाक्‍तय। यूहन्‍ना १४:६; एफिसी ३:१२

रोमी 8:15

मारदे हना गेपुकी परमप्रभु यावे कली हिंब थुं ताक्‍शा, वाइल मबाक्‍नीनी। गोपुकी आ तमी तौ दुम्‍‍तीके मेको कली “आब्‍बा, आं दाक्‍शो आफ” दे ब्रेत्‍नय। गलाती ४:५-६; २तिमोथी १:७

१ कोरिन्‍थी 12:13

परमप्रभु यावे आ सोक्‍तीम पतीके यहूदी, ग्रीक, वाइलीम वाइल, होव़प नु गो नेल्‍ल परमप्रभु यावे आ सोक्‍त ङा दुम्‍तय। गलाती ३:२८

१ कोरिन्‍थी 8:6

इं कली परमप्रभु यावे का ला बाक्‍ब। मेको मारेइ मारेइ सेल्‍ब इं आफ बाक्‍ब। मिनु गोपुकी यो मेको आ सेल्‍शो बाक्‍नय। मिनु इं प्रभु का ला बाक्‍ब, मेको प्रभु येसु ख्रीस्‍त बाक्‍ब। मेको आ पतीकेम मारेइ मारेइ दुम्‍शा, गो ब्रोंइचा ताइनीकी। १कोरिन्‍थी १२:५-६; प्रस्‍थान २०:३; मलाकी २:१०; एफिसी ४:५-६; यूहन्‍ना १:३; कलस्‍सी १:१६

गलाती 4:6

गो आ तमी तौ दुम्‍शोपुकी परमप्रभु यावेमी आ तौ आ सोक्‍त गेचा पुंइसाक्‍य। मेको सोक्‍तीमी “आब्‍बा, आं दाक्‍शो आफ” देंब। रोमी ८:१५

एफिसी 3:12

मोपा येसु ख्रीस्‍त कली थमा सुइक्‍तीकेमी गोपुकी महिंथु, इं कली दाक्‍ब, दे तुइश्‍शा, परमप्रभु यावे आ नेक्‍था जाक्‍दीत्‍नय। रोमी ५:२

एफिसी 3:14

मोदेंशो पा गो इं आफ परमप्रभु यावे आ ङोंइती बाप्‍शा, पोक्‍च थेक्‍शा, इन कली मिम्‍शा पुंइशा बाक्‍नुङ।

एफिसी 4:4

दोपा रां नु सोक्‍त का बाक्‍नीसी, मोपा थुं का दुमीन। गे नेल्‍ल इन आस कान बाक्‍ब। मोपा ब्रेत्‍चा पुंइसाक्‍नी। रोमी १२:५

एफिसी 6:18

मिनु गेपुकीमी गेना हना यो परमप्रभु यावे आ सोक्‍तीमी पतीके परमप्रभु यावे नु लोव़ पशा पुनीन। पुंइचा मदथु, परमप्रभु यावे आ मुर नेल्‍ल आन पर्बम पुनीन।

कलस्‍सी 1:12

इं आफ, परमप्रभु यावे कली “गे रिम्‍शो पाइब बाक्‍नीनी” देनीन। मारदे हना इन कली थमा सुइक्‍ब आन छेङछेङमी बाक्‍चा गेप्‍तु। एफिसी १:११; १पत्रुस १:४

हिब्रू 7:19

मिनु मेको आ पा ङा नेल्‍ल क्‍येङा रिम्‍शो नक आस वोइश्‍शो बाक्‍त। मेको आस रे पा परमप्रभु यावे आ नेक्‍था जाक्‍दीन्‍ने चाप्‍नय।

याकूब 3:9

गोपुकीमी प्रभु नु आ आफ कली “गे ठेयब नसी” दे लोव़ पाइनय। मिनु परमप्रभु यावेमी आ खोदेंशो सेल्‍शो मुर आन कली सराप पाइनय। भजन संग्रह १४१:३; उत्‍पत्ती १:२६-२७

१ पत्रुस 1:17

गेपुकीमी परमप्रभु यावे कली “इं आफ” दे पुंइना पुंइन बाक्‍नीनी। मेकोमी मुर आन कुल मकोव़थु, आन पशो कोव़शा, निसाफ पाइब। मोपतीके गे रागीमी बाक्‍नीनु, पाप पचा हिनीन। रोमी २:११; फिलिप्‍पी २:१२

१ पत्रुस 1:21

गे येसु ख्रीस्‍त आ पतीके परमप्रभु यावे कली थमा सुइक्‍नीनी। मेकोमी येसु ख्रीस्‍त कली बेक्‍शो रे सेंपाइश्‍शा, छेङछेङम वोइक्‍तु। मोपतीके गे “परमप्रभु यावेमी इं कली कोव़ब” दे थमा सुइश्‍शा आस पने।

१ पत्रुस 3:18

मारदे हना ख्रीस्‍त यो मुर नेल्‍ल आन पाप क्‍याम्‍चा कली साइक्‍चा पुंइसाक्‍व। ठीक पाइबमी ठीक मपाइब आन श्‍येत जाप्‍तु। मो पशा इं कली परमप्रभु यावे आ बाक्‍तीक चाक्‍दीप्‍ब। मोपतीके साइक्‍चा पुंइसीशा यो, सेंचा पुंइसाक्‍व।

यहूदा 1:20

आं दाक्‍शो लोक्‍बपुकी, इन रिम्‍शो थमा सुइक्‍तीके बारपतीन। परमप्रभु यावे आ सोक्‍तीमी प्रार्थना पने। कलस्‍सी २:७; १थिस्‍सलोनिकी ५:११