एफिसी 2:15 - Sunuwar Bible

¹⁵ दोपा साम्‍तु देंशा हना, यहूदी आन कली अरेशो, शेंशो, फुल्‍लुम मुशा ब्रेक्‍शो लोव़ ङा गेय नेल्‍ल आ रां साइक्‍चा गेशा साम्‍तु। मिनु मेकोमी जात निक्‍शी के जात का सेल्‍शा, नक मुर सेल्‍तु। मोपा दुशा बाक्‍चा गेप्‍तु। कलस्‍सी २:१४

एफिसी 2:15 ပူးပေါင်းရင်းမြစ်များ

यसैया 9:6

मारदे हना आंइ कली आल का थिशो बाक्‍ब। तौ का गेशो बाक्‍ब। मेको आंइ कली रिम्‍शो पा सासन पाइब दुम्‍ब। मेको आ नें मार बाक्‍ब देंशा हना, छक लाक्‍चा ङा गेय पाइब, जोक्‍तीक तुइक्‍तीक अर्ती गेब, सक्ति पाइश्‍शो परमप्रभु, गेना हना यो बाक्‍ब आफ नु थुं नाइश्‍शा बाक्‍चा गेब पिप बाक्‍ब। यसैया २२:२२; मीका ५:१; मीका ४:३

२ कोरिन्‍थी 5:17

सुइ ख्रीस्‍त आगाम बाक्‍त हना, मेको नक सेल्‍सीशो मुर का दुम्‍ब। ङोंइती ङा नेल्‍ल जाम्‍शा लत। नेल्‍ल नक दुम्‍ने नुप्‍त। रोमी ८:१०; गलाती २:२०; गलाती ६:१५; प्रकाश २१:५

गलाती 3:10

सु सुमी चहिं यहूदी आन पतीक पा, ठीक दुम्‍चा माल्‍मे, मेकोपुकी सराप राइनीम। मिनु “परमप्रभु यावेमी अरेशो लोव़ नेल्‍ल टिचा माल्‍ब। सु सुमी लोव़ नेल्‍ल टिशा पशा, का चहिं मटीमे, मेकोपुकी सराप राइनीम” दे ब्रेक्‍शो बाक्‍ब। ब्‍यवस्‍था २७:२६

गलाती 3:28

मोपा रां का दुम्‍शो आन कली यहूदी नु ग्रीक, वाइल नु होव़प, मीश मुर नु वोंइश मुर मतिल्‍सीब। मेको ख्रीस्‍त येसुम नेल्‍ल खाल का ङा बाक्‍नीम। रोमी १०:१२; १कोरिन्‍थी १२:१३

गलाती 6:15

ख्रोइक्‍तीक चिनु ख्रोइक्‍चा, मख्रोइक्‍चा मेको ममिम्‍तीने। ख्रीस्‍त येसु नु थुं का दुम्‍शा, नक मुर दुम्‍चा चहिं नेल्‍ल क्‍येङा ठेयब बाक्‍ब, दे रुपीने। गलाती ५:६; १कोरिन्‍थी ७:१९; २कोरिन्‍थी ५:१७

एफिसी 2:10

गोपुकी परमप्रभु यावे रे ख्रीस्‍त येसु आ पतीकेमी सेल्‍शो बाक्‍नय। परमप्रभु यावेमी इं कली रिम्‍शो गेय वोइश्‍शो बाक्‍त। मेको पचा माल्‍नय। तीतस २:१४

एफिसी 2:14

मेको इं कली दुशा बाक्‍चा गेब बाक्‍ब। मेकोमी इस्राएली नु अर्को रागी ङा थमा सुइक्‍ब आन कली का सेल्‍तु। मिनु मेको आन दातेमी बाक्‍शो दुचा मगेब गारो प्रेश्‍शा, जितीक खेतीक नेल्‍ल साम्‍तु। यसैया ९:५; गलाती ३:२८

एफिसी 2:16

येसु ख्रीस्‍तमी इं कली परमप्रभु यावे नु गारपाइक्‍चा कली शीम कांटी थोक्‍चा पुंइसीशा बेक्‍त। मोपा इस्राएली नु अर्को रागी ङा जिचा खे‍चा साम्‍शा, निम्‍फा आस कली परमप्रभु यावे नु गारपाइक्‍तु।

एफिसी 4:16

मोपा येसु ख्रीस्‍त पिया दुम्‍तीके रां नेल्‍ल का खोदेंशो पा गारपाइक्‍ब। थमा सुइक्‍बपुकीमी ठीक गेय पाम्‍तेक्‍म हना, मेको रां बारना बारन लशा, थमा सुइक्‍बपुकी दाक्‍मुइनीम। कलस्‍सी २:१९

कलस्‍सी 2:14

नेल्‍ल गेचा चिक्‍शो दोस नु सजाइ ब्रेक्‍शो कागज लाइश्‍शा, कांटी थोक्‍शा साइक्‍तीक शीम वोइक्‍तु। एफिसी २:१५

कलस्‍सी 2:20

गेपुकी ख्रीस्‍त नु बेक्‍तीनी हना, रागी ङा थोव़क नेल्‍ल इन कली आइक्‍च बाक्‍ब। मिनु मारदे गेपुकी रागी ङा मुर खोदेंशो पा पाइनीनी? मारदे गेपुकी रिती थिती पचा टीनीनी? गलाती ४:९-१०

कलस्‍सी 3:10

रिम्‍शो पाइब नक मुर दुमीन। परमप्रभु यावेमी इन थुं आ थुं खोदेंशो पा नक सेल्‍ना सेल्‍न बाक्‍ब। मारदे मो पाइब देंशा हना, आंम कली नेल्‍ल तुइक्‍पाइक्‍चा कली मोदेंशो पाइब। एफिसी ४:२४; उत्‍पत्ती १:२६-२७

कलस्‍सी 3:11

मुल रे ग्रीक नु यहूदी ख्रोइक्‍तीक चिनु ख्रोइक्‍पांइसीशो नु मख्रोइक्‍पांइसीशो मुरपुकी उइक्‍थ उइक्‍थ दुम्‍तेक्‍म। रागी रागी ङा मरुप्‍चा ङा लोव़ पाइबपुकी, ब्‍वाकी मुरपुकी, वाइलीम वाइलपुकी नु ठेयब मुर उइक्‍थ उइक्‍थ दुम्‍तेक्‍म। ख्रीस्‍त नेल्‍ल क्‍येङा ठेयब बाक्‍ब। मिनु नेल्‍ल आन आगामी बाक्‍ब। गलाती ३:२८

कलस्‍सी 3:15

ख्रीस्‍त आ थुं इन थुंम नाइश्‍शा हुकुम पचा गेने। गेपुकी रां का ङा दुम्‍चा कली योव़सीशो बाक्‍नीनी। गेपुकीमी प्रभु कली “गे रिम्‍शो पाइब बाक्‍नीनी” दे शुश देनीन। फिलिप्‍पी ४:७; १कोरिन्‍थी १२:१३,२७; एफिसी ४:३-४

हिब्रू 7:16

मेको आ किकी पिपी आन थर रे चढे़ब मदुम्‍शो बाक्‍ब। तन्‍न गेनायो जाम्‍शा मलाइब सक्ति रे पा चढ़ेब दुम्‍शो बाक्‍ब।

हिब्रू 8:13

नक कबल आ पर्बम लोव़ पा ङोंइती ङा कबल कली माइत सेल्‍तु। मुल ङा मेरे ममाल्‍शो नु माइत दुम्‍शो नेल्‍ल जाम्‍शा लचशो बाक्‍ब। रोमी १०:४

हिब्रू 9:23

रागी ङा मोदेंशो थोव़क कली चोव़खो सेल्‍चा कली मोदेंशो माल्‍ताक्‍व हना, स्‍वर्गम बाक्‍शो कली चोव़खो सेल्‍चा कली मेको क्‍येङा रिम्‍शो चढ़ेचा माल्‍‍ताक्‍व।