एफिसी 1:21 - Sunuwar Bible

²¹ मिनु हुकुम पाइब, अधिकार पाइश्‍शो, सक्ति पाइश्‍शो ठेयब दुम्‍शो नेल्‍लेमी ख्रीस्‍त कली प्रभु देंचा माल्‍नीमी। मेको नेल्‍ल आन क्‍येङा ठेयब नें बाक्‍ब। मुल ला ममाइ, नोले यो मोदेंशोन बाक्‍ब। रोमी ८:३८-३९; फिलिप्‍पी २:९; कलस्‍सी २:१०

एफिसी 1:21 ပူးပေါင်းရင်းမြစ်များ

दानीएल 7:27

मिनु राज्‍य, सासन पतीक अधिकार नु राज्‍य नेल्‍ल आन ठेयब दुम्‍तीके नेल्‍ल क्‍येङा ठेयब आ मुर आन कली गेचा पुंइसीनीम। मेको आन राज्‍य गेना हना यो लीब राज्‍य दुम्‍ब। मिनु सक्ति पाइश्‍शो नेल्‍लेमी मेको आ गेय पा, मेको कली टीनीम” देंत।

मत्ती 12:32

रागीम जरमेशो आ पर्बम शुक्‍शी लोव़ पाम्‍तेक्‍म हना, माफ ताइनीम। तन्‍न सुमी परमप्रभु यावे आ सोक्‍त आ पर्बम शुक्‍शी लोव़ पाइबा, मेको आ पाप मुल मक्‍याम्‍सीब, बेक्‍शा लशा नोले यो मक्‍याम्‍सीब, गेना हना यो लीब। १तिमोथी १:१३

प्रेरित 4:12

मुर आन कली श्‍येत नु पाप रे प्रोंइब येसु ख्रीस्‍त का ला बाक्‍ब। परमप्रभुमी येसु ख्रीस्‍त कली अधिकार गेशा, मुर नेल्‍ल आन क्‍येङा ठेयब सेल्‍तु। मिनु आ नेंमी ला ब्रोंइचा तांइसीब, दे तुइक्‍तीने” दे माइक्‍मी बाक्‍त। प्रेरित १०:४३; मत्ती १:२१

एफिसी 2:2

मिनु रागी ङा मुर आन लां खोइक्‍तीनी। मोपा फशेम हुकुम पाइब, सैतान आ देंशो टीब बाक्‍तीनी। मेको आ सोक्‍ती परमप्रभु परमप्रभु यावे कली मटीब आन आगाम बाक्‍ब। तीतस ३:३; एफिसी ६:१२; यूहन्‍ना १२:३१

एफिसी 3:10

मारदे आं कली मोदेंशो सेल्‍ती देंशा हना, येसु ख्रीस्‍त कली थमा सुइक्‍बपुकीमी परमप्रभु यावे आ मिम्‍शो मार बाक्‍बा, मेको स्‍वर्गम बाक्‍ब हुकुम नु अधिकार पाइब आन कली तुइक्‍पदमेक्‍ल, दे आं कली कोंइब सेल्‍ती। १पत्रुस १:१२

एफिसी 6:12

गोपुकी मुर नु लडाइ मपाइनय। हुकुम पाइबपुकी, अधिकार पाइबपुकी नु रागी कली मुल छिङछिङमी गेय पाइब वोल नु लडाइ पाइनय। मेको स्‍वर्गम बाक्‍ब सैतान आ गेय पाइबपुकी बाक्‍नीम। एफिसी २:२; लूका २२:३१

कलस्‍सी 2:10

गेपुकी मेको नु बाक्‍शा, आ ब्रोंइतीक सक्तिम ब्रीशो मुर दुम्‍तीनी। मेको नेल्‍ल हुकुम पाइब नु नेल्‍ल अधिकार पाइब आन पिया बाक्‍ब। एफिसी १:२१

कलस्‍सी 2:15

मेकोमी हुकुम पाइब नु अधिकार पाइब आन कली आन या रोइश्‍शा फ्रुम्‍तीमी। मोदेंशो पा ग्राशा, नेल्‍ल आन कली कोंइताक्‍व। परमप्रभु यावे येसु ख्रीस्‍त आ पशो तशा शुश ग्‍येरसाक्‍व। कलस्‍सी १:१३; एफिसी ४:८

हिब्रू 1:4

परमप्रभु यावे आ स्‍वर्ग ङा गेय पाइब आन क्‍येङा आ तौ ठेयब बाक्‍ब। मिनु मेको आन क्‍येङा ठेयब नें तशो बाक्‍ब। १पत्रुस ३:२२; फिलिप्‍पी २:९

हिब्रू 2:5

इं देंशो लोव़ मार बाक्‍ब देंशा हना, पाप रे प्रोंइचा नु नोले जाक्‍ब परमप्रभु यावे आ राज्‍य चहिं परमप्रभु यावेमी आ स्‍वर्ग ङा गेय पाइब आन गुइमी जिम्‍मा मगेशो बाक्‍ब।

हिब्रू 4:14

तन्‍न गो इं के ठेयब चढ़ेब का बाक्‍ब। मेको स्‍वर्ग लाक्‍शा लाइब, परमप्रभु यावे आ तौ, येसु बाक्‍ब। इं थमा सुइक्‍तीके बोल्‍यो सेल्‍शा, गेनायो मप्रोंइय। हिब्रू ३:१; हिब्रू ९:११,१२; हिब्रू १०:२३

१ पत्रुस 3:22

मेको स्‍वर्ग लशा, परमप्रभु यावे आ ग्‍युरा गे बाक्‍ब। परमप्रभु यावे आ स्‍वर्ग ङा गेय पाइबपुकी, अधिकार तशोपुकी नु सक्ति पाइश्‍शो नेल्‍लेमी मेको आ देंशो टीनीम। एफिसी १:२०-२१