एफिसी 1:20 - Sunuwar Bible

²⁰ मेको सक्तिमी ख्रीस्‍त कली बेक्‍शो रे सेंशा, स्‍वर्ग ङा इन बाक्‍तीकेमी इन ग्‍युरा गे निप्‍पाइक्‍तीनी। भजन संग्रह ११०:१

एफिसी 1:20 ပူးပေါင်းရင်းမြစ်များ

भजन संग्रह 110:1

परमप्रभु यावेमी, आं परमप्रभु कली “गे आं ग्‍युरा गे निस्‍सो। मिनु गो इ जोरी सत्रु आन कली इ खोइल थेक्‍तीके सेल्‍नुङमी। मत्ती २२:४४; प्रेरित २:३४; हिब्रू १:१३; १कोरिन्‍थी १५:२५; फिलिप्‍पी २:८-११; हिब्रू १०:१२-१३

दानीएल 7:14

मिनु मेको कली सासन पतीक अधिकार, मान ततीक नु पिप सेल्‍‍शा राज्‍य गेशो ताता। मिनु जात जात नु रागी रागी ङा आंम आंम लोव़ पाइब मुर नेल्‍लेमी मेको कली गेय पशो ताता। आ सासन पतीके अधिकार गेना हना यो लीबाक्‍त। आ पिप दुम्‍शो राज्‍य गेनायो खतम मदुम्‍बाक्‍त।

मत्ती 26:64

येसुमी “गे आंमा देंतीनी। मुल ङा मेरे रागीम जरमेशो कली नेल्‍ल सक्ति पाइश्‍शो आ ग्‍युरामी बाक्‍शो ताइनीनी। गोस्‍स तारी बाक्‍शा, यिना यिन पशो ताइनीनी, दे गो इन कली देंनुङ” दे मदा बाक्‍त। भजन संग्रह ११०:१; मत्ती १६:२७; मत्ती २४:३०; दानीएल ७:१३

मत्ती 28:18

मिनु येसु नेल्‍ल आन नेक्‍था जाक्‍शा “स्‍वर्ग नु रागी ङा अधिकार नेल्‍ल आं कली गेशो बाक्‍ब। मत्ती ११:२७; एफिसी १:२०-२२

मर्कूस 14:62

येसुमी “गो नङ। गे रागीम जरमेशो कली नेल्‍ल सक्ति पाइश्‍शो आ ग्‍युरा गे बाक्‍शो ताइनीनी। गोस्‍सुमी गिल्‍सीशा जाक्‍ना जाक्‍न पशो ताइनीनी” दे मदा बाक्‍त। भजन संग्रह ११०:१; दानीएल ७:१३-१४

मर्कूस 16:19

मेको लोव़ नेल्‍ल थुम्‍शा नोले प्रभु येसु स्‍वर्ग लाइक्‍चा पुंइसे बाक्‍त। मिनु परमप्रभु यावे आ ग्‍युरा गे निस्‍से बाक्‍त। प्रेरित १:२; भजन संग्रह ११०:१; प्रेरित ७:५५

यूहन्‍ना 10:18

गो साइक्‍चा मपुंइसाक्‍यी हना, सुइमी आं कली साइक्‍ने मचाप्‍नीम। गो आं के साइक्‍चा पुंइसीतीके अधिकार बाक्‍ब। मिनु बेक्‍शो रे सेंसीचा अधिकार यो बाक्‍ब। मेको अधिकार निम्‍फा आं आफोमी गेती” दे शेंताक्‍व। यूहन्‍ना ५:२६

यूहन्‍ना 10:30

गो नु आं आफ उइक्‍थ उइक्‍थ नस्‍कु” देंत।

प्रेरित 10:40

साइक्‍चा पुंइसीशा यो आ बेक्‍शो आ नित्‍थ नाक्‍ती परमप्रभुमी बेक्‍शो रे सेंपाइश्‍शा कोंइताक्‍व। १कोरिन्‍थी १५:४-७

प्रेरित 26:8

परमप्रभु यावेमी बेक्‍शा लशो आन कली सेंपाइश्‍शा गेना हना यो ब्रोंइशा बाक्‍चा गेब देंशो लोव़ थमा सुइक्‍तीक लोव़ ममाइ ङा? हजुरपुकी, एको लोव़ मारदे थमा सुइक्‍ने मचाप्‍नीनी? प्रेरित २३:८

प्रेरित 4:10

गे ला ममाइ, तन्‍न इं इस्राएल ङा मुर नेल्‍लेमी रुप्‍चा माल्‍नीम। मेको खोइल मदुक्‍ब मुर नासरथ ङा येसु ख्रीस्‍त आ नें ब्रशा साशा गाक्‍ने चाप्‍ब दुम्‍माक्‍त, दे रुपीने। मेको नासरथ ङा येसु ख्रीस्‍त कली गेपुकीमी शीमी केप्‍शा कांटी थोक्‍शा क्‍याइक्‍पाइश्‍शा साइक्‍पाइक्‍तीनी। तन्‍न परमप्रभु यावेमी मेको कली बेक्‍शो रे सेंताक्‍व। प्रेरित ३:६,१३-१६

प्रेरित 5:31

परमप्रभु यावेमी इस्राएली आन थुं आ गे लेप्‍पाइक्‍ब, लां कोंइब कली नु पाप रे प्रोंइब सेल्‍शा, आ ग्‍युरा गे निप्‍पाइक्‍तु। प्रेरित २:३३

रोमी 1:4

तन्‍न मुर ला ममाइ। परमप्रभु यावे आ तौ यो बाक्‍ब। “आं तौ बाक्‍ब” दे तुइक्‍पाइक्‍चा कली परमप्रभु यावेमी आ सोक्‍त आ सक्तिम येसु ख्रीस्‍त कली बेक्‍शो रे सेंताक्‍व। मत्ती २८:१८; प्रेरित १३:३३

रोमी 8:34

सुमी मेको आन कली सजाइ गेने चाप्‍बा ङा? सुइमी मचाप्‍नीम। मारदे हना मेको आन बेक्‍चा ङा बेक्‍शा, बेक्‍शो रे सेंसीशा, परमप्रभु यावे आ ग्‍युरा गे बाक्‍चा तशो ख्रीस्‍त येसुमी मेको आन पर्बम मपुंइबा ङा? पुंइब। १यूहन्‍ना २:१; हिब्रू ७:२५

एफिसी 1:3

इं प्रभु येसु ख्रीस्‍त आ आफ परमप्रभु यावे कली “गे ठेयब बाक्‍नीनी” देंय। मारदे हना मेकोमी स्‍वर्गम आ सोक्‍तीम पतीके इं कली आसीक गेप्‍तु। मेको नेल्‍ल ख्रीस्‍तम बाक्‍ब।

फिलिप्‍पी 3:10

आं दाक्‍शो मार बाक्‍त देंशा हना, गो येसु ख्रीस्‍त कली तुइक्‍ने चबुल। आ सेंतीक सक्ति गो नु बाक्‍ल। दोपा श्‍येत जशा, साइक्‍चा पुंइसीशो बाक्‍मे, मोपा गो यो मोदेंशो दुम्‍ङल। रोमी ६:३-५; रोमी ८:१७; गलाती ६:१७

कलस्‍सी 1:16

सरीङ नु रागीमी बाक्‍ब, तांइसीब नु मतांइसीब नेल्‍ल, पिपपुकी, मान पचा पुंइसीबपुकी, हुकुम पाइबपुकी, अधिकार पाइब नेल्‍ल नु मार मार सेल्‍शो बाक्‍मा, मेको नेल्‍ल येसु ख्रीस्‍तमी आंम कली सेल्‍तु। यूहन्‍ना १:३,१०; हिब्रू १:२

कलस्‍सी 3:1

गेपुकी ख्रीस्‍त नु सेंसीशो बाक्‍तीनी हना, स्‍वर्गमी बाक्‍ब दोपा बाक्‍मा, मेको मालीन। मेकेर ख्रीस्‍त परमप्रभु यावे आ ग्‍युरा गे निश्‍शो बाक्‍ब। कलस्‍सी २:१२

हिब्रू 1:3

आ तौ आ आफ आ सक्ति नु छेङछेङ बाक्‍ब। मिनु आ सक्ति ङा लोव़ पतीकेमी नेल्‍ल आन कली कोव़ना कोव़न बाक्‍ब। मेकोमी पाप क्‍याम्‍तीक गेय पने थुम्‍शा, नेल्‍ल क्‍येङा ठेयब मान ताइब आ ग्‍युरा गे निश्‍शो बाक्‍ब।

हिब्रू 10:12

तन्‍न ख्रीस्‍तमी चहिं आ रां चढ़ेशोमी पाप क्‍याम्‍तीक गेय पने थुम्‍तु। मिनु गेना हना यो परमप्रभु यावे आ ग्‍युरा गे निश्‍शो बाक्‍ब।

हिब्रू 13:20

नेल्‍ल क्‍येङा ठेयब भेडा गोठला, इं प्रभु येसुमी आ हुशेम गेना हना यो लीब कबल खाप्‍तु। दुशा बाक्‍चा गेब परमप्रभु यावेमी मेको कली बेक्‍शो रे सेंताक्‍व। यूहन्‍ना १०:११; १पत्रुस २:२५

हिब्रू 2:9

गोपुकीमी येसु कली मान पाइक्‍चा पुंइसीतीके, छेङछेङ ङा सिरपेच गुप्‍शो नु सक्ति पाइश्‍शो दुम्‍शो ताइतय। रागीम बाक्‍मेनु, परमप्रभु यावे आ स्‍वर्ग ङा गेय पाइब क्‍येङा इच्‍ची आइक्‍च दुम्‍शो बाक्‍त। मारदे हना परमप्रभु यावेमी मुर नेल्‍ल आन कली शिशी पाइनुङ, दे कोंइचा कली मुर आन पर्बम श्‍येत जपाइश्‍शा बेक्‍चा गेप्‍तु। फिलिप्‍पी २:८-९

१ पत्रुस 1:3

इं प्रभु येसु ख्रीस्‍त आ आफ नेल्‍ल आसीक पाइश्‍शो बाक्‍ब, दे गो मान पय। मेको आ शुश शिशी पतीके नु येसु ख्रीस्‍त बेक्‍शो रे सेंसीशोमी इं कली ब्रोंइशा बाक्‍तीक आस गेशा, नक जरमेशो मुर सेल्‍तु। कलस्‍सी १:५

प्रकाश 1:17

मिनु गोमी मेको मोदेंशो तङानु, बेक्‍शो मुर खोदेंब पा मेको आ खोइलीम गोल्‍ती। मिनु मेकोमी चहिं आ ग्‍युरा गुइ आं तारी वोइश्‍शा “महिनो, गो नेल्‍ल क्‍येङा ङोंइती नु नेल्‍ल क्‍येङा नोले ङा नङ। दानीएल ८:१८