उपदेसक 9:8 - Sunuwar Bible

⁸ गेना हना यो रिम्‍शो वा फेक्‍शा इ ब्रोव़शो तेल ख्रेक्‍सो।

उपदेसक 9:8 ပူးပေါင်းရင်းမြစ်များ

२ सामुएल 14:2

मिनु योआबम मुर का कली तेकोहा सहरम सोइश्‍शा जोक्‍ब तुइक्‍ब मीश मुर का कली चाक्‍पाइक्‍मी बाक्‍त। योआबम मेको मीश मुर कली “रोंका पशो मीश मुर खोदेंशो पखु पावो। रोंका पतीक वा फेक्‍सो। पियाम तेल मख्रेक्‍सो। शुश नाक्‍त रे बेक्‍शो मुर आ पर्बम रोंका पशो मीश मुर खोदेंशो पखु पावो।

२ सामुएल 19:24

सावल आ चच मेफी-बोशेथ यो दाऊद पिप कली ग्रुम्‍थ उइ यिमाक्‍त। मेकोम पिप गाक्‍म रे ग्राशा मलेम्‍म सम्‍म आ खोइल ङा ग्‍ये यो मख्रोदा बाक्‍त। आ गल शोक्रे यो मप्रेक्‍गा बाक्‍त। आ वा यो ममुरशो बाक्‍माक्‍त। २सामुएल ९:६

एस्‍तर 8:15

मिनु मोरदेकै पिप आ बाक्‍तीक रे दरवार ङा ठेयब नीलो नु बुश फेक्‍तीक वा फेक्‍शा, पियाजी रङ ङा बरखी रुक्‍शा, पियामी सुन के ठेयब सिरपेच गुप्‍शा, सहर लत। मिनु मोरदेकै कली तशा, सुसा सहर ङा मुरपुकी थाम्‍पान ग्‍येरसाक्‍म।

भजन संग्रह 23:5

गे आं कली आं जोरी सत्रु आन ङोंइती थुल्‍नीनी। आं पिया तार तेल लुक्‍नीनी। आं कचौरा क्‍युप्‍चा ङा पा प्रिंताक्‍नी। भजन संग्रह ३६:९

दानीएल 10:3

मेको हप्‍ता सां सम्‍म गो ब्रोव़शो मारेइ जचा थोव़क मजङ। श्‍ये मब्‍वङ। अङगुर शांबु यो मतूङु। मिनु तेल यो मख्रेक्‍सीङ।

आमोस 6:6

मेकोपुकीम डाप्‍काम अङगुर शांबु तूनीमी। नेल्‍ल क्‍येङा रिम्‍शो तेल ख्रेक्‍सीनीमी। तन्‍न योसेफ आ खिं ङा मुरुम श्‍येत जामेनु, सुर्ता मपाइनीम।

मत्ती 6:17

गेपुकी चहिं बर्त बाक्‍नीनु, चांमी तेल ख्रेक्‍शा, कुल चिक्‍शा, इन बुं जिप्‍शा बाक्‍कीन।

लूका 7:46

गेमी आं पियाम तेल मख्रेक्‍ती। एकोमी दा आं खोइलीम तेल ख्रेक्‍ताक्‍यी।

प्रकाश 16:15

“नेनीन, गो खुइ खोदेंब पा जाक्‍नुङ। सु थमा सुइश्‍शा मइप्‍थु सेंशा, ठीक दुम्‍शा बाक्‍मे, मेको ग्‍येरसेक्‍ल। तन्‍न सु पाप पाइबा, मेको शिश्रा गाक्‍ब मुर खोदेंब पा मुने दोक्‍ब” दे येसुमी माइक्‍तीमी। १थिस्‍सलोनिकी ५:२

प्रकाश 19:14

मिनु स्‍वर्ग ङा फौजपुकी बुश शारा ङोइश्‍शा, मेको आ नोले खोइश्‍शो बाक्‍तेक्‍म। मेको शारा ङोइक्‍बपुकी रिम्‍शो बुश सुती के वा फेक्‍शो बाक्‍तेक्‍म। प्रकाश १७:३४

प्रकाश 19:8

मेको ग्‍युम्‍ली कली सुती के रिम्‍शो बुश टल्‍केशो वा फेक्‍चा कली गेशो बाक्‍त” देंशो नेंता। मिनु मेको सुती के रिम्‍शो वा मार बाक्‍ब देंशा हना, परमप्रभु यावे आ योव़शो आन ठीक पतीके बाक्‍ब। यसैया ६१:१०

प्रकाश 7:9

मिनु नोले हिक्‍ने मचाप्‍चा ङा पा रागी रागी नेल्‍ल ङा, जात नेल्‍ल ङा, थर नेल्‍ल ङा मुर नेल्‍ल नु लोव़ नेल्‍ल ङा मुर ठेयब नित्‍तीकेमी निप्‍ब नु पाठा आस ङोंइती राप्‍शो तातामी। मेकोपुकीम बुश वा फेक्‍शो बाक्‍तेक्‍म। मिनु आन गुइमी खजूर रवा आ राशी शेशो तातामी।

रूथ 3:3

मोपतीके गे चिक्‍शा, तेल ख्रेक्‍शा, रिम्‍शो वा फेक्‍शा, क्‍योव़ज तुप्‍तीकेम लावो। बोआजम मजवा मतूङा सम्‍म मतपांइसो।