उपदेसक 9:12 - Sunuwar Bible

¹² मिनु हिंचा ङा श्‍येत गेना जाक्‍बा, सुइम मतुइक्‍नीम। शिशी मपाइब आन ग्‍याइलीम ङांइ रेश्‍शो नु ब्‍वारदम चिक्‍ब रेश्‍शो खोदेंशो पा मुरपुकी यो ममिम्‍थु हिंचा ङा श्‍येत जशा बेक्‍नीम।

उपदेसक 9:12 ပူးပေါင်းရင်းမြစ်များ

भजन संग्रह 11:6

परमप्रभुमी आ अरेशो मटीब आन तारी मी नु गन्‍धक यिपाइक्‍ब। मिनु मेको आन तारी होश फश पपाइक्‍ब। मरिम्‍शो पाइब मोदेंशो पाइक्‍चा पुंइसीशो बाक्‍नीम।

हितोपदेस 24:22

मारदे हना मेको आस पतीके रे गे मतुइक्‍थु श्‍येत ज‍ने चाप्‍नेवे। मिनु मेको आस खतम पोक्‍तीक सुम तुइक्‍बा?

हितोपदेस 29:6

मरिम्‍शो पाइब मुर आ मरिम्‍शो पतीकेमी श्‍येत जाइब। ठीक पाइब मुर चहिं शुश ग्‍येरसीशा कुम्‍सो पाइनीम।

हितोपदेस 6:15

मोपतीके मेको आन मतुइक्‍चा ङा पा मेको आन तार श्‍येत जाक्‍ब। मिनु मारेइ पचा मतथु, खतम दुम्‍नीम।

उपदेसक 3:19

मुर नु बस्‍तु भाव आन लां खाल का ङा बाक्‍ब। मेको खाल का ङा पा बेक्‍नीम। का दोपा बेक्‍बा, अर्को यो मोपान बेक्‍ब। मेको नेल्‍ल खाल का ङा पा सोक्‍त कीनीम। मुर आन ततीके बस्‍तु भाव आन क्‍येङा रिम्‍शो मबाक्‍ब। मारदे हना नेल्‍ल जाम्‍शा लाइब बाक्‍नीम। भजन संग्रह ४९:१३,२१

उपदेसक 8:11

मुरुमी मरिम्‍शो पाप्‍तु हना, रीब पा सजाइ मताप्‍तु हना, मेकोमी मरिम्‍शो पना पन बाक्‍ब। अय्‍युब ३५:१५-१६; मलाकी ३:१४-१५

उपदेसक 8:8

फश कली तेक्‍शा वोइक्‍तीक सक्ति सुइ के मबाक्‍ब। मोपान आंम बेक्‍तीक नाक्‍त कली सुइमी तेक्‍ने मचाक्‍ब। दोपा लडाइ पची ना सुइ खिं लचा मताइनीमी, मोपान मरिम्‍शो पतीकेमी मरिम्‍शो पाइब कली गेनायो मप्रोंइब।

उपदेसक 9:13

गो रागीमी जोक्‍तीक तुइक्‍तीक का यो ताता। मेको थम ठेयब बाक्‍त।

यसैया 24:18

मिनु सु सु शुश हिंचा ङा रेयके नेंशा प्रोक्‍नीमी, मेको बिक्‍तीकेम बिक्‍नीम। सु सु बिक्‍तीके रे ग्रूनीमी, मेको ब्‍वारदम रेत्‍नीम। मारदे हना सरीङ ङा झेल रोक्‍सीशो बाक्‍नीम। मिनु रागी आ जग हिम्‍सीशो बाक्‍ब। येरमीया ४८:४३-४४; आमोस ५:१९; उत्‍पत्ती ७:११

यसैया 30:13

मोपा इन मरिम्‍शो पशो ब्रेत्‍चा चिक्‍शो लाइश्‍शो गारो खोदेंशो दुम्‍शो बाक्‍ब। मेको इन मतुइक्‍थु याम काम ब्रेप्‍ब।

इजीकीएल 32:3

मिनु परमप्रभु यावेमी “गो मुर आन ठेयब हुल चाक्‍नुङ। मिनु आं ग्‍याइल इ तार ब्‍वारनुङ। मेकोपुकीम आं ग्‍याइलीम इ कली कीशा रागीम ग्रुंइनीम। इजीकीएल १२:१३

होसे 7:12

मिनु मेकोपुकी लची ना, गो मेको आन तारी आं ग्‍याइल ब्‍वार‍नुङ। गो मेको आन कली सरीङ ङा चिक्‍ब आन कली खोदेंशो पा उइ तोक्‍नुङमी। गो मेको आन मरिम्‍शो पतीके कली सजाइ गेनुङ।

होसे 9:8

परमप्रभु यावेमी आ लोव़ पाइब कली एफ्राइम कली कोव़ब सेल्‍तु। मेको आ लां नेल्‍लेमी चिक्‍ब रेत्‍तीक ब्‍वारद खोदेंशो बाक्‍नीम। आ परमप्रभु आ खिंमी यो मेको कली काइ मदाक्‍नीम।

लूका 12:20

मिनु परमप्रभु यावेमी मेको कली ‘गे मूर्ख नवे। मारदे हना मुलाक्‍दो बेक्‍नेवे। मिनु इ खुप्‍शा उप्‍शो शोंप सुम जाइबा?’ दे मदा बाक्‍त।

लूका 12:39

नेनीने, खिं ङा मुरुमी ‘मुल खुइ जाक्‍नीम’ दे तुइश्‍शो नम हना, मेकोम खिं मप्रोंइथु मइप्‍थु बाक्‍शा, खुइ पचा मगेम वा। १थिस्‍सलोनिकी ५:२

२ कोरिन्‍थी 6:2

मारदे हना मेकोमी “शिशी पची ना इ पुंइशो नेंता। गो पाप रे प्रोंइतीक नाक्‍तीमी इ कली वारच पाता” दे ब्रेक्‍शो बाक्‍ब। नेनीने, मुल शिशी पची ना बाक्‍ब। नेनीन मुल पाप रे प्रोंइतीक नाक्‍त बाक्‍ब। यसैया ४९:८; लूका ४:१९,२१

१ थिस्‍सलोनिकी 5:3

मेना मुरुमी “दुशा बाक्‍नय, मारेइ मदुम्‍ब” देंतेक्‍म हना यो, आल कुरशो मीश मुर आल थिचा रोइ गेना पाइबा मतुइक्‍ब। मोदेंशो खोदेंशो पा मुरपुकी मब्रोंइचा ङा पा श्‍येत जाइनीम। येरमीया ६:१४; मत्ती २४:३९

२ तिमोथी 2:26

सैतानमी मेको आन कली ग्‍याइश्‍शा, आ दाक्‍शो पपदानु, मेको रे प्रोक्‍मल।

१ पत्रुस 2:12

थमा मसुइक्‍ब आन दातेमी रिम्‍शो पने। मेकोपुकीमी इन पर्बम “मरिम्‍शो पाइब बाक्‍नीम” दे मरिम्‍शो लोव़ पाम्‍तेक्‍म हना यो, इन रिम्‍शो पतीक तशा, परमप्रभु यावे नु ग्रुम्‍ची ना मेकोपुकीमी परमप्रभु यावे कली ठेयब सेल्‍मेक्‍ल। मत्ती ५:१६

२ पत्रुस 2:12

मेको दूली शेंब ममिम्‍ब ग्‍याइक्‍चा नु साइक्‍चा पुंइसीचा कली जरमेशो बस्‍तु भाव खोदेंशो पा, आन तुइश्‍शो ला पाइनीम। मेकोपुकीम काइ मरुप्‍नीम। तन्‍न शुक्‍शी पाइनीम। मिनु बस्‍तु भाव खोदेंशो पा खतम दुम्‍नीम।