उपदेसक 9:10 - Sunuwar Bible

¹⁰ इ ङोंइती मार गेय बाक्‍मे, मेको इ सक्ति नेल्‍लेमी पावो। मारदे हना बेक्‍शो मुर आन बाक्‍तीकेम मारेइ मिम्‍तीके, जोक्‍तीके नु तुइक्‍तीके मबाक्‍ब।

उपदेसक 9:10 ပူးပေါင်းရင်းမြစ်များ

उत्पत्ती 37:35

आ तमी तौ आन आफ कली लेम्‍थ जाक्‍मा बाक्‍त। मिनु याकूबमी “गो आं बेक्‍ची ना सम्‍म आं तौ कली रोंका पाइनुङ” दे लेम्‍चा मगेमी बाक्‍त। मोपा आ आफ योसेफ आ पर्बम ङाक्‍माक्‍त।

१ इतिहास 22:19

मुल इन थुं नेल्‍लेमी परमप्रभु यावे, इन परमप्रभु कली मालीन। मिनु परमप्रभु यावे, परमप्रभु आ बाक्‍तीक सेल्‍चा गोने। मिनु नोले परमप्रभु यावे आ कबल पशो सन्‍दोस नु परमप्रभु आ ग्‍योंबपुकी परमप्रभु यावे कली सेल्शो खिंमी वोइक्‍चा माल्‍नीनी” दे माइक्‍मी बाक्‍त।

१ इतिहास 28:20

मिनु दाऊदमी आ तौ सोलोमन कली “बोल्‍यो नु महिंब दुम्‍शा, एको गेय पावो। महिनो, इ थुं ग्‍येत्‍थ लुक्‍च मपावो। मारदे हना परमप्रभु यावे, आं परमप्रभु गे नु बाक्‍ब। परमप्रभु यावेमी आ खिंमी गेय पचा कली मारेइ मारेइ सेल्‍ने मथुमा सम्‍म इ कली मप्रोंइथु वारच पाइब। १इतिहास २२:१३; ब्‍यवस्‍था ३१:६

नेहेम्‍याह 2:12

मिनु नोले गो नाक्‍दो बोक्‍शा, का निक्‍शी मुर नु गारो कोव़थ लती। तन्‍न आं परमप्रभुमी आं थुंमी यरूसलेम आ पर्बम वोइश्‍शो लोव़ सुइ आन कली मशेंदुमी। मिनु गो आं ङोइश्‍शो शारा ङा लाक्‍शा, अरु शारा मलदु।

नेहेम्‍याह 4:2

मिनु मेकोमी यहूदी आन पर्बम शुक्‍शी पा, आ लोक्‍बपुकी नु सामरीया ङा लडाइ पाइब आन ङोंइती “एको मारेइ सोक्‍त मपाइश्‍शो यहूदीपुकीमी मार पना पन बाक्‍नीमी? मार, मेकोपुकीमी आन गारो लेंशा प्रोव़ने चाप्‍नीमी? मार, मेकोपुकीमी चढ़ेनीमी? मार, मेकोपुकीम काबुमी थुम्‍नीमी? मेको मीम दुप्‍शो फुल्‍लुम गारो प्रोव़ने चाप्‍नीमी ङा?” दे लोव़ पाप्‍तु।

नेहेम्‍याह 4:6

मिनु गोपुकीमी आधा लाइश्‍शो सम्‍म गारो प्रोव़शा, एर ओंथ नेल्‍ल हिरने थुम्‍शो। मारदे हना प्रोव़ब मुरपुकीमी आन थुं नुशा, ग्‍येरशा, गारो प्रोव़तेक्‍म।

अय्‍युब 10:21

लेश्‍शा मजाक्‍तीक रागीम लचा क्‍येङा ङोंइती, थम छिङछिङ नु क्‍येर नाक्‍दो

अय्‍युब 10:22

नु ग्रांग्‍ये माग्‍ये दुम्‍तीकेम लचा क्‍येङा ङोंइती आं कली आं कान प्रोंइ‍‍यीनी। मेकेर ङा छेङछेङ यो छिङछिङ दुम्‍त” दे अय्‍युबम परमप्रभु कली देंमाक्‍त। अय्‍युब ७:१०

अय्‍युब 21:13

मेकोपुकीम आन नाक्‍त ग्‍येरशा सोइक्‍नीम। मिनु मेको आन थुं नाइश्‍शा बेक्‍शो मुर आन बाक्‍‍तीक लाइनीम।

भजन संग्रह 6:5

मारदे हना बेक्‍शो नोले सुइ मुरुमी इन कली ममिम्‍नीम। मिनु बेक्‍शो मुर आन बाक्‍तीकेमी सुइमी इन कली ठेयब मसेल्‍नीमी। भजन संग्रह ३०:१०; भजन संग्रह ८८:११; भजन संग्रह ११५:१७-१८; यसैया ३८:१८

हितोपदेस 3:28

गे नु बाक्‍त हना “दीसा जाक्‍को। मिनु गेनन” दे इ नेक्‍था ङा मुर आन कली मदेनो।

उपदेसक 11:3

गोस्‍सुम ब्‍वाक्‍‍कु ब्रीत हना, मेकोमी रागीम रेउ यिपाइक्‍ब। रवा दक्‍खिन गे गोल्‍त हना यो, उत्तर गे गोल्‍त हना यो, मेको ते गे गोल्‍मे, मेकेरन ली‍ब।

उपदेसक 11:6

गे सुनी इ वांचेर शोक्‍को। मिनु नाक्‍दो यो गेय प‍चा मप्रोनो। मारदे हना मुल शोक्‍शो नु आपो शोक्‍शो तेको ग्रेल्‍बा, मतुइक्‍नेवे। निम्‍फा ग्रेल्‍नीसी कों? मतुइक्‍नेवे।

यसैया 38:10

गो थम रिम्‍शो पा बाक्‍ना बाक्‍न, बेक्‍शो मुर आन बाक्‍तीके लचा माल्‍नुङ।

येरमीया 29:13

गेपुकीम इन थुं नेल्‍लेमी आं कली माल्‍तीनी हना, थित्‍नीनी। येरमीया ३०:३; ब्‍यवस्‍था ४:२९; यसैया ५५:६

गन्‍ती 13:30

मिनु कालेबमी मोसा आ ङोंइती बाक्‍शो मुर आन थुं नाइक्‍पाइक्‍चा, दे मोसा कली “गोपुकी रीब पा लशा, मेको रागी इं के सेल्‍य। मारदे हना गो मेको थमा पा ग्राने चाप्‍नय” देंत। गन्‍ती १४:६

मत्ती 20:7

मिनु मेकोपुकीमी ‘सुइमी गेय मगेमे। मिनु गो मार पाइनीकी?’ देंमानु ‘गे यो लशा, आं अङगुर रूमी गेय पने’ दे माइक्‍मी बाक्‍त।

मत्ती 6:33

ङोंइती परमप्रभु यावे आ राज्‍य नु आ ठीक पतीके मिम्‍शा मालीने। मिनु जचा तूचा फेक्‍चा यो ताइनीनी। रोमी १४:१७; १राजा ३:१३-१४; भजन संग्रह ३७:४,२५

यूहन्‍ना 4:34

येसुमी मेको आन कली “आं जचा थोव़क मार बाक्‍ब देंशा हना, आं कली सोइक्‍ब आ दाक्‍शो पचा नु आ देंशो गेय थुम्‍चा। मेको आं के जचा थोव़क बाक्‍ब। यूहन्‍ना ६:३८; यूहन्‍ना १७:४

यूहन्‍ना 5:4

मारदे हना परमप्रभु यावे आ स्‍वर्ग ङा गेय पाइबमी यिशा, दोम्‍ली ङा ब्‍वाक्‍कु कली हिम्‍बाक्‍माक्‍त। मिनु ब्‍वाक्‍कु हिम्‍सेनु, नेल्‍ल क्‍येङा ङोंइती दोम्‍लीम ग्रुम्‍ब आ रोइ साबाक्‍माक्‍त।

यूहन्‍ना 9:4

मिनु गोपुकीमी आं कली सोइक्‍ब आ गेय नाक्‍ती पचा माल्‍नय। नां रिक्‍मेनु, सुइमी गेय पने मचाप्‍नीम। यूहन्‍ना ५:१७; येरमीया १३:१६

रोमी 12:11

पचा माल्‍शो गेय अल्‍सी मपथु पने। परमप्रभु यावे आ सोक्‍तीम इन थुंम मी ब्रशो खोदेंशो आ प्रभु कली गेय पने। प्रकाश ३:१५; प्रेरित १८:२५; कलस्‍सी ३:२३

१ कोरिन्‍थी 15:10

तन्‍न परमप्रभु यावेमी शिशी पा आ सोइश्‍शो नु आ लोव़ शेंब सेल्‍ती। आ शिशी पशो यो मो मबाक्‍ब। मिनु गो नेल्‍ल आन क्‍येङा शुश गेय पाता। मेको नेल्‍ल आं पशो ममाइ, तन्‍न परमप्रभु यावे आ पपाइश्‍शो बाक्‍ब। २कोरिन्‍थी ११:५,२३

१ कोरिन्‍थी 16:10

तिमोथीमी एको चिठी कुरशा जाक्‍मेनु, मेको कली रिम्‍शो पतीने। आ लोव़ नेनीने। मारदे हना गो नु बाक्‍शा, आं यो प्रभु आ गेय पना पन बाक्‍ब। १कोरिन्‍थी ४:१७; फिलिप्‍पी २:१९-२२

१ कोरिन्‍थी 9:24

इनाम तांइसीब, दे दोरबपुकी “ङोंइती जाक्‍दीत्‍नुङ” दे मिम्‍शा दोरनीम। दोरमानु, नेल्‍ल क्‍येङा ङोंइती जाक्‍दीप्‍बम ला इनाम ताइब दे मतुइक्‍नीनी? मोपतीके गे यो इनाम तकल दे मिम्‍शा दोरीने। २तिमोथी ४:७; फिलिप्‍पी ३:१४

१ कोरिन्‍थी 9:26

गो ते जाक्‍दीत्‍चा माल्‍बा, मेको मतुइक्‍थु हेंथे पा मदोरनुङ। गो हेंथे पा फशीम मुडकी मआप्‍नुङ।

एफिसी 5:16

मुरपुकीमी मरिम्‍शो गेय पना पन बाक्‍तेक्‍म हना यो, गेपुकीमी नेल्‍ल नाक्‍त रिम्‍शो गेय पने।

कलस्‍सी 3:23

इन गेय मार बाक्‍त हना यो, इन थुं नेल्‍लेमी मुर आन कली ममाइ, प्रभु कली गेय पने।

१ सामुएल 10:7

मिनु मोदेंशो चिन्‍ड नेल्‍ल दुम नोले इ ङोंइती मार गेय बाक्‍बा, मेको पावो। मारदे हना परमप्रभु गे नु बाक्‍ब।