उपदेसक 8:9 - Sunuwar Bible

⁹ गो रागीम पशो नेल्‍ल कोव़ङुनु, नेल्‍ल ताता। सक्ति पाइश्‍शो मुरुमी अरु आन कली दिप्‍शा वोइक्‍नीम।

उपदेसक 8:9 ပူးပေါင်းရင်းမြစ်များ

२ राजा 25:7

मेकोपुकीम सिदकीयाह आ तौ आन कली मेको आ ङोंइतीन सदमे बाक्‍त। मिनु नोले सिदकीयाह आ मिक्‍च पुक्‍तमे बाक्‍त। मिनु मेको कली कांसा के साङलोम पाइश्‍शा बेबीलोन लदमे बाक्‍त। २सामुएल १२:१०

प्रस्‍थान 14:28

मिनु ब्‍वाक्‍कु लेंशा ङोंइती ङा खोदेंशो दुम्‍मेनु, इजीप्‍त ङा बग्‍गी, शारा ङोइक्‍बपुकी नु फाराओ आ लडाइ पाइब आन कली सुम्‍शा, समुन्‍द्रमी योल्‍ताक्‍व। सुइ यो मब्रोंइम।

उपदेसक 1:14

गो रागीमी पशो गेय नेल्‍ल ताता। मेको नेल्‍ल जाम्‍शा लाइब बाक्‍नीम। मेको फश कली खेदा पशो खोदेंशो बाक्‍ब।

उपदेसक 3:10

परमप्रभुमी मुर नेल्‍ल आन कली श्‍येत ङा गेय गेप्‍तु। गो मुर मेको गेय पस ङा पस तातामी।

उपदेसक 3:16

मिनु गो रागीम अर्को का यो ताता। मार ताता देंशा हना, ठीक निसाफ पतीक आ पा ङा काइ मरिम्‍शो पतीक बाक्‍बाक्‍त। ठीक पतीक आ पा ङा जोल पतीक बाक्‍बाक्‍त।

उपदेसक 4:1

मिनु गो रागीम कोव़ङुनु, मेकेर थम मरिम्‍शो पशो ताता। गो दिप्‍चा पुंइसीशो आन ङाक्‍शो ताता। मेको आन कली लेम्‍ब सुइ मबाक्‍म। मेको मरिम्‍शो पाइब सक्ति पाइश्‍शो बाक्‍तेक्‍म। दिप्‍चा पुंइसीब आन कली चहिं लेम्‍ब सुइ मबाक्‍म।

उपदेसक 5:13

गो रागीमी थम श्‍येत लाक्‍चा ङा मरिम्‍शो पशो का तशो बाक्‍नुङ। मेको मार बाक्‍ब देंशा हना मुरुमी आंमा खतम दुम्‍चा कली शोंप तेल्‍शो बाक्‍ब। मत्ती १९:२२

उपदेसक 5:7

शुश लोव़ नु शुश ङोमुमी जाम्‍शा लाइब सेल्‍ब। मोपतीके परमप्रभु कली मान पा हिनीन। येरमीया २३:२७-२८

उपदेसक 5:8

राज्‍य कामी प्रुङग आन कली दिप्‍शो नु मेको आन कली ठीक निसाफ मपशो ताइ‍तीनी हना, छक मलाक्‍कीन। मारदे हना मेको आन क्‍येङा अधिकार पाइश्‍शो का बाक्‍ब। मिनु मेको नेल्‍ल आन क्‍येङा ठेयब अर्को का बाक्‍ब। प्रस्‍थान २३:६

उपदेसक 7:25

मोपतीके गो जोक्‍तीक तुइक्‍तीक नु नेल्‍ल तुइक्‍चा थुं पाता। मिनु परमप्रभु आ अरेशो मटिचा मूर्ख गेय बाक्‍ब। मिनु मूर्ख गेयमी निप्‍स ग्‍यशो दुम्‍शो बाक्‍ब। भजन संग्रह १४:१

उपदेसक 7:7

थमा पा दिप्‍बपुकीम जोक्‍ब तुइक्‍ब मुर आन कली मूर्ख सेल्‍नी‍म। घूसमी मुर आन थुं मरिम्‍शो सेल्‍ब।

ब्‍यवस्‍था 2:30

तन्‍न हेश्‍बोन ङा पिप सीहोनमी आंइ कली गाक्‍तीक लां मगेव। मारदे हना परमप्रभु यावे, इन परमप्रभुमी इन पा ङा लडाइ पा ग्राचा कली मेको आ थुं खकटा नु मटीब सेला बाक्‍त। मिनु मोदेंशो दुम्‍त। प्रस्‍थान ४:२१