उपदेसक 8:13 - Sunuwar Bible

¹³ तन्‍न परमप्रभु यावे आ अरेशो मटीब आन कली गेनायो रिम्‍शो मदुम्‍ब। मिनु शुश ब्रोंइचा यो मताइनीम। मारदे हना मेकोपुकीमी परमप्रभु कली मान पा महिंनीम।

उपदेसक 8:13 ပူးပေါင်းရင်းမြစ်များ

अय्‍युब 14:2

मेको फू खोदेंशो पा बोइश्‍शा, सोल सुल बेक्‍ब। वांकु जाम्‍शो खोदेंशो पा जाम्‍शा लाइब। भजन संग्रह ९०:५

अय्‍युब 18:5

थमा पा, परमप्रभु यावे आ अरेशो मटीब आन बत्ती काप्‍ब। मिनु मेको आन मी ङा राप रे हाम्‍सो मग्रूब। हितोपदेस १३:९

अय्‍युब 20:5

एको मार लोव़ बाक्‍ब देंशा हना, परमप्रभु यावे आ अरेशो मटीब आन ठेयब लेश्‍शो इच्‍का नाक्‍त ला लीब। मेको आन ग्‍येरसीशो याम का ला लीब।

अय्‍युब 21:30

शुश हिंचा ङा श्‍येत दुम्‍मेनु, परमप्रभु यावे आ अरेशो मटीबपुकी ब्रोंइचा ताइनीम। मिनु परमप्रभु आ गाइक्‍ची नाक्‍त मेकोपुकी प्रोंइचा पुंइसीनीम।

भजन संग्रह 11:5

परमप्रभु यावेमी ठीक पाइब नु आ अरेशो मटीब आन कली नाक्‍ब। मिनु हुश ख्राक्‍श पोक्‍चा दाक्‍ब आन कली काइ मदाक्‍ब।

भजन संग्रह 144:4

मुर कीशो सोक्‍त खोदेंशो बाक्‍नीम। मेको आन ब्रोंइतीक नाक्‍ती जाम्‍शा लाइब वांकु खोदेंशो बाक्‍नीम। अय्‍युब १४:२

भजन संग्रह 37:1

परमप्रभु आ अरेशो मटीब आन कली तशा, गाइश्‍शा, चुरशा मपने। दूली पाइब आन कली तशा, गेहे मपने। हितोपदेस २४:१९

भजन संग्रह 39:5

गे आं ब्रोंइतीक नाक्‍त बित्‍ता का निक्‍शी खोदेंशो सेल्‍तीनी। आं ब्रोंइतीक नाक्‍त इन ङोंइती मारेइ ममाइ। मुर नेल्‍ले आन ब्रोंइतीके जाम्‍शा लाइब फश खोदेंशो बाक्‍नीम” देंती। भजन संग्रह ९०:५-६ ठेयब सेंदा पा।

भजन संग्रह 55:23

तन्‍न परमप्रभु, गे मरिम्‍शो पाइब आन कली खतम दुम्‍तीकेमी ताइक्‍नीनी। हुश ख्राक्‍श पोक्‍ब नु जोल पाइब आन ब्रोंइतीक नाक्‍त उइक्‍थ यो मब्रोंइनीम। तन्‍न गो इन कली थमा सुइश्‍शा बाक्‍नुङ। भजन संग्रह १०२:२५

उपदेसक 3:14

परमप्रभुमी मार पाइबा, मेको गेना हना यो लीब, दे गो तुइश्‍शो बाक्‍नुङ। मेकेर मारेइ तेम्‍ने नु ग्रुंइने मचाम्‍सीब। मुर नेल्‍लेमी परमप्रभु कली हिंशा मान पामेक्‍ल, दे मोदेंशो पाप्‍तु।

उपदेसक 5:7

शुश लोव़ नु शुश ङोमुमी जाम्‍शा लाइब सेल्‍ब। मोपतीके परमप्रभु कली मान पा हिनीन। येरमीया २३:२७-२८

उपदेसक 6:12

मुर इच्‍का नाक्‍त ब्रोंइब बाक्‍ब, मार रिम्‍शो बाक्‍मे, मेको सुम तुइक्‍बा ङा? मुर आ नाक्‍त वांकु खोदेंशो पा लाक्‍ब। मेको बेक्‍शा लम नोले मार दुम्‍बा, दे सुम देंने चाप्‍बा ङा? १इतिहास २९:१५; भजन संग्रह १४४:४

उपदेसक 7:15

गो आं इच्‍का नाक्‍त ब्रोंइतीकेमी ठीक पाइब मुर आ ठीक पशोमी खतम दुम्‍शो नु मरिम्‍शो मुर आ मरिम्‍शो पशोमी शुश बर्स ब्रोंइशो ताता। उपदेसक ८:१४; भजन संग्रह ७३:१२-१४

उपदेसक 7:18

का कली वोतीन नु अर्को कली यो मप्रोनीन। मारदे हना परमप्रभु कली मान पा हिं‍ब, मेको नेल्‍ल रे ङोन बाक्‍नीम।

उपदेसक 8:8

फश कली तेक्‍शा वोइक्‍तीक सक्ति सुइ के मबाक्‍ब। मोपान आंम बेक्‍तीक नाक्‍त कली सुइमी तेक्‍ने मचाक्‍ब। दोपा लडाइ पची ना सुइ खिं लचा मताइनीमी, मोपान मरिम्‍शो पतीकेमी मरिम्‍शो पाइब कली गेनायो मप्रोंइब।

यसैया 3:11

आबी, दोस ताइब कली हिंचा ङा दुम्‍ब। मारदे हना दोपा मरिम्‍शो पवा, मोपा आ मरिम्‍शो पशो ताइब।

यसैया 30:13

मोपा इन मरिम्‍शो पशो ब्रेत्‍चा चिक्‍शो लाइश्‍शो गारो खोदेंशो दुम्‍शो बाक्‍ब। मेको इन मतुइक्‍थु याम काम ब्रेप्‍ब।

यसैया 57:21

आं परमप्रभुमी “आं अरेशो मटीब आन थुं नाइश्‍शा बाक्‍चा मताइनीम” देंत।

यसैया 65:20

का निक्‍शी नाक्‍त ला ब्रोंइब आल मेकेर मबाक्‍नीम। मिनु मेकेर सुइ यो खूशो दुम्‍चा क्‍येङा ङोंइती मबेक्‍नीम। सहे का बर्स ब्रोंइशा बेक्‍ब कली ठिटा देंनीम। मिनु सहे का बर्स मगाप्‍थु, बेक्‍ब मुर कली ‘सराप रशो मुर का बाक्‍त’ देंनीम। जकरिया ८:४

येरमीया 44:10

मुल सम्‍म मेकोपुकीमी आंम कली ब्रेम्‍शो मसेल्‍सम। आं कली मान पा महिंम। गो आं अरेशो नु आं फुल्‍लुम मुशा ब्रेक्‍शो लोव़ इन ङोंइती नु इन किकी पिपी आन ङोंइती वोइक्‍ता। मिनु मेको, गेपुकी नु इन किकी पिपीमी मटिनी” देंत।

मलाकी 3:18

मेको नाक्‍त ठीक पाइब नु परमप्रभु आ अरेशो मटीब खाल का ङा मदुम्‍नीम। मेको ताइनीनी। परमप्रभु कली गेय पाइब नु गेय मपाइब खाल का ङा मदुम्‍नीम। मेको यो ताइनीनी” देंत।

यूहन्‍ना 5:29

ङोंइती रिम्‍शो पाइबपुकी गेना हना यो ब्रोंइशा बाक्‍चा कली सेंसीनीम। मरिम्‍शो पाइबपुकी चहिं सजाइ तचा कली सेंसीनीम। दानीएल १२:२; मत्ती २५:४६; २कोरिन्‍थी ५:१०

याकूब 4:14

दीसा नित्‍थी मार दुम्‍बा, ब्रोंइनीनी कों, बेक्‍नीनी कों मारेइ मतुइक्‍नीनी। इन गिंम मार में? मेको गोस्‍स खोदेंशो बाक्‍ब, इच्‍का का ला लीशा, जाम्‍ब। लूका १२:२०

२ पत्रुस 2:3

मेको आन शीम पतीकेमी इन कली दूली लोव़ पा, इन क्‍येट योल्‍नीम। मेकोपुकी ङोंइती रे नरक लचा चिक्‍शो बाक्‍नीम।