उपदेसक 7:9 - Sunuwar Bible

⁹ रीब पा मगाइक्‍तो। मारदे हना गाइक्‍‍तीक मूर्ख आन थुंम बाक्‍ब। याकूब १:१९

उपदेसक 7:9 ပူးပေါင်းရင်းမြစ်များ

उत्पत्ती 4:8

मिनु काइनमी आ लोक्‍ब हाबील कली “रूमी लस” देंमाक्‍त। मिनु रूमी बाक्‍सानु, काइनमी हाबील कली सदा बाक्‍त। १यूहन्‍ना ३:१२,१५

२ सामुएल 13:22

अब्‍सालोमम अम्‍नोन कली रिम्‍शो मरिम्‍शो मारेइ लोव़ मपवा बाक्‍त। आ समी तामार कली बिथोलो सेल्‍‍तीके अब्‍सालोमम अम्‍नोन कली काइ मदाक्‍ता बाक्‍त।

२ सामुएल 13:28

मेकोम आ गेय पाइब आन कली “रिम्‍शा बाक्‍कीन। अम्‍नोन अङगुर शांबुम दुक्‍त हना, गो ‘मेको कली सतीन’ देंनुङ। मिनु गे मेको कली सतीन। मारेइ हिंचा ममाल्‍नीनी। एको आं हुकुम बाक्‍ब। महिंथु बाक्‍कीन” दे माइक्‍मी बाक्‍त। लेवी २०:१७

२ सामुएल 13:32

मिनु दाऊद आ लोक्‍ब शिमेआह आ तौ योनादाबम “आं प्रभु, मेकोमी पिप आ तौ नेल्‍ल साइक्‍तु, दे ममिम्‍तीन। अम्‍नोन कली ला साइश्‍शो बाक्‍ब। अम्‍नोनम तामार कली बिथोलो सेला नाक्‍त रे अब्‍सालोम आ कुल राव किक्‍शो तांइसीशो बाक्‍ब।

२ सामुएल 19:43

मिनु इस्राएल ङा मुरपुकीम यहूदा ङा मुर आन कली “पिप इन क्‍येङा १० खेयप शुश आंइ पिप बाक्‍ब। गे मारदे आइक्‍च सेल्‍नीनी? पिप दाऊद कली लेश्‍शा चाक्‍‍ता, दे गोपुकीम ङोंइती देंशो बाक्‍नीकी, मेको मप्रेंदीन” देंमा बाक्‍त। तन्‍न इस्राएल ङा मुर क्‍येङा यहूदा ङा मुरपुकीमी ठेयब लोव़ पामे बाक्‍त। २सामुएल १९:१०-११

हितोपदेस 14:17

रीब पा गाइक्‍ब मुरुमी मूर्खे गेय पाइब। मिनु मुर आन कली दोपा श्‍येत गेङा, दे मिम्‍ब। मेको सुइम मदाक्‍चा पुंइसीब।

हितोपदेस 14:29

रीब पा मगाइक्‍ब शुश रुप्‍ब मुर बाक्‍ब। तन्‍न रीब पा गाइक्‍ब मुर मूर्ख दुम्‍शा लाइब। हितोपदेस १६:३२; हितोपदेस १९:११

हितोपदेस 16:32

लडाइ पाइब बोल्‍यो मुर दुम्‍चा क्‍येङा फाल्‍ब मुर दुम्‍चा रिम्‍शो बाक्‍ब। मिनु सहर कली ग्राब क्‍येङा आंम गाइक्‍चा कली तेक्‍ब रिम्‍शो बाक्‍ब। हितोपदेस १४:२९

हितोपदेस 25:8

गे मार मरिम्‍शो ताप्‍तीवी हना यो, रीब पा निसाफ पतीकेमी मलावो। मारदे हना इ नेक्‍था ङा मुरुम इ कली मुने तोक्‍ते हना, मार पाइनेवे। लूका १४:७-११

उपदेसक 7:10

गेपुकीम “ङोंइती ङा नाक्‍त, मुल ङा नाक्‍त क्‍येङा मारदे रिम्‍शो बाक्‍मा?” दे मदेनीन। मारदे हना जोक्‍ब तुइक्‍बपुकीम मोदेंशो लोव़ हिल्‍लो मपाइनीम।

योना 4:3

मुल परमप्रभु यावे, आं कली साइय्‍यीनी। मारदे हना गो ब्रोंइचा क्‍येङा बेक्‍चा दाक्‍नुङ” दे परमप्रभु यावे नु लोव़ पवा बाक्‍त। १राजा १९:४

योना 4:8

मिनु नां दाम्‍मेनु, परमप्रभुमी योना आ बाक्‍तीकेम पूर्ब रे होश फश सोइक्‍ता बाक्‍त। मिनु नांमी योना आ पिया नाप्‍शा, योना ओले पेते दुम्‍शा, गोल्‍माक्‍त। मिनु योनामी “ब्रोंइचा क्‍येङा बेक्‍चा दाक्‍नुङ” देंमाक्‍त।

योना 4:9

मिनु परमप्रभुमी योना कली “गे मेको रवा आ पर्बम गाइक्‍चा, ठीक दुम्‍बा ङा?” दे लोव़ पवानु, मेकोमी “गो मबेक्‍ङा सम्‍म गाइक्‍नुङ” दे लोव़ लेत्‍ता बाक्‍त।

मर्कूस 6:19

मोदेंशो आ पर्बम हेरोद आ मीशेमी चुरशा, यूहन्‍ना कली साइक्‍पाइक्‍चा माल्‍शो बाक्‍माक्‍त।

मर्कूस 6:24

मिनु मीश आल ग्रूशा, आ ममा कली “मार पुनु माइ” दे हिल्‍लो पवानु, आ ममामी “ब्‍वाक्‍कुम ख्रुम्‍शा ग्रुंइब यूहन्‍ना आ पिया गेचा नङ, दे पुनो” देंमाक्‍त।

याकूब 1:19

आं दाक्‍शो लोक्‍बपुकी, मार तुइक्‍चा माल्‍नीनी देंशा हना, गेपुकी नेंस ङा नेंस बाक्‍कीन। शुश मब्‍वाक्‍कीन। शुश मचुरीन। हितोपदेस २९:२०; उपदेसक ५:१-२; उपदेसक ७:९