उपदेसक 7:8 - Sunuwar Bible

⁸ गेय पचा गोशो क्‍येङा थुम्‍शो रिम्‍शो दुम्‍ब। ठेयब लेश्‍शो थुं पाइश्‍शो दुम्‍चा क्‍येङा फाल्‍तीक थुं पाइश्‍शो दुम्‍चा रिम्‍शो बाक्‍‍ब।

उपदेसक 7:8 ပူးပေါင်းရင်းမြစ်များ

हितोपदेस 13:10

ठेयब लेश्‍शो नु सुइ कली ममिम्‍ब मुर जिचा पोक्‍‍ब बाक्‍ब। तन्‍न अर्ती नेंब मुर तुइक्‍तीके नु बाक्‍ब। हितोपदेस १:५

हितोपदेस 14:29

रीब पा मगाइक्‍ब शुश रुप्‍ब मुर बाक्‍ब। तन्‍न रीब पा गाइक्‍ब मुर मूर्ख दुम्‍शा लाइब। हितोपदेस १६:३२; हितोपदेस १९:११

हितोपदेस 15:18

शुश गाइक्‍ब मुरुमी जिचा पोक्‍ब। तन्‍न रीब पा मगाइक्‍ब मुरुमी जितीके तेक्‍ब।

हितोपदेस 16:32

लडाइ पाइब बोल्‍यो मुर दुम्‍चा क्‍येङा फाल्‍ब मुर दुम्‍चा रिम्‍शो बाक्‍ब। मिनु सहर कली ग्राब क्‍येङा आंम गाइक्‍चा कली तेक्‍ब रिम्‍शो बाक्‍ब। हितोपदेस १४:२९

हितोपदेस 28:25

शिंम मुरुमी जिचा पोक्‍ब। तन्‍न सुमी परमप्रभु यावे कली थमा सुइक्‍बा मेको आसीक ताइब।

उपदेसक 7:1

शुश क्‍येट लाइब ख्रेक्‍तीक क्‍येङा रिम्‍शो नें ठेयब बाक्‍ब। मिनु जरमेशो नाक्‍त क्‍येङा बेक्‍तीक नाक्‍त रिम्‍शो बाक्‍ब। हितोपदेस २२:१

लूका 16:25

तन्‍न अब्राहाममी ‘ङोंइती थम रिम्‍शो पा बाक्‍ते। लाजरस चहिं शुश श्‍येत जशा बाक्‍त। मुल चहिं लाजरस आ थुं नाइक्‍चा ताप्‍तु, गे चहिं श्‍येत जशा बाक्‍नेवे। लूका ६:२४

लूका 21:19

मोपतीके थमा सुइक्‍चा मप्रोनीन। मिनु ला गे ब्रोंइचा ताइनीनी। हिब्रू १०:३६

गलाती 5:22

परमप्रभु यावे आ सोक्‍तीमी ब्रीशो थुं पाइश्‍शोपुकीमी परमप्रभु यावे आ सोक्‍त रे पा दोदेंशो पाइनीम देंशा हना, दाक्‍मुइनीमी, ग्‍येरनीमी, थुं नाइक्‍नीमी, शुश फाल्‍नीमी, रिम्‍शो पाइनीमी, शिशी पाइनीमी, कबल खाप्‍नीमी,

एफिसी 4:2

गेपुकी ब्रेम्‍शो दुम्‍शा, सुइ नु मचुरथु, रिम्‍शो पा बाक्‍कीन। मुर आन कली फाल्‍शा, मेकोपुकी नु रिम्‍शो पा दाक्‍मुने। कलस्‍सी ३:१२-१३

हिब्रू 10:36

गे फाल्‍तीक सक्ति माल्‍नीनी। परमप्रभु यावे आ दाक्‍शो गेय पना पन बाक्‍कीन। मिनु आ गेनुङ देंशो थोव़क ताइनीनी। लूका २१:१९; याकूब ५:७

याकूब 5:11

नेनीने, मेको परमप्रभु यावे कली मप्रोंइब आन पर्बम “ग्‍येरशो मुर दुम्‍तेक्‍म” दे लोव़ पाइनीकी। अय्‍युब माइश्‍शो मुर का श्‍येत जशा यो, परमप्रभु यावे कली काइ मप्रोंइथु, बाक्‍शो बाक्‍त। गेपुकी मेको आ कथा नेंतीनी। परमप्रभु यावेमी मारदे अय्‍युब कली मेको शुश श्‍येत जचा गेवा, तुइक्‍ताक्‍नी। परमप्रभु यावेमी गिश लेम्‍शा शिशी पाइबा, मेको ताइतीनी। इं कली आ लेम्‍शो नु आ शिशी कोंइताक्‍व। अय्‍युब १:२१; अय्‍युब ४२:१०-१६

याकूब 5:8

थुं नाइश्‍शा बाक्‍कीन। मारदे हना प्रभु जाक्‍चा चिक्‍शो बाक्‍ब। मोपतीके प्रभु कली टिचा मप्रोंइथु बाक्‍कीन।

१ पत्रुस 1:13

मोपतीके इन थुं फ्रेंदीन। गेय पचा ङोंइती मिम्‍तीन। येसु ख्रीस्‍त जाक्‍मेनु, इन कली शिशी पाइब, दे आस पा बाक्‍कीन। लूका १२:३५-३६