उपदेसक 7:7 - Sunuwar Bible

⁷ थमा पा दिप्‍बपुकीम जोक्‍ब तुइक्‍ब मुर आन कली मूर्ख सेल्‍नी‍म। घूसमी मुर आन थुं मरिम्‍शो सेल्‍ब।

उपदेसक 7:7 ပူးပေါင်းရင်းမြစ်များ

प्रस्‍थान 23:8

गेपुकी ख्रुइश्‍शा मारेइ मताक्‍कीन। मारदे हना मेकोमी मिक्‍च सिल्‍ब। मिनु ख्रुइश्‍शा ताक्‍शोमी ठीक पाइब आ मुददा लोक्‍ब। ब्‍यवस्‍था २७:२५; १सामुएल ८:३; हितोपदेस १७:२३

हितोपदेस 17:23

परमप्रभु यावे आ अरेशो मटीब मुरुमी निसाफ दूली सेल्‍चा कली ख्रुइश्‍शा घूस जाइब। प्रस्‍थान २३:८

हितोपदेस 17:8

घूस गेबमी आ घूसमी मारेइ मारेइ पने चाप्‍ब, दे मिम्‍ब। मेको ते लत हना यो आ देंशो खाप्‍ब।

उपदेसक 4:1

मिनु गो रागीम कोव़ङुनु, मेकेर थम मरिम्‍शो पशो ताता। गो दिप्‍चा पुंइसीशो आन ङाक्‍शो ताता। मेको आन कली लेम्‍ब सुइ मबाक्‍म। मेको मरिम्‍शो पाइब सक्ति पाइश्‍शो बाक्‍तेक्‍म। दिप्‍चा पुंइसीब आन कली चहिं लेम्‍ब सुइ मबाक्‍म।

उपदेसक 5:8

राज्‍य कामी प्रुङग आन कली दिप्‍शो नु मेको आन कली ठीक निसाफ मपशो ताइ‍तीनी हना, छक मलाक्‍कीन। मारदे हना मेको आन क्‍येङा अधिकार पाइश्‍शो का बाक्‍ब। मिनु मेको नेल्‍ल आन क्‍येङा ठेयब अर्को का बाक्‍ब। प्रस्‍थान २३:६

उपदेसक 8:9

गो रागीम पशो नेल्‍ल कोव़ङुनु, नेल्‍ल ताता। सक्ति पाइश्‍शो मुरुमी अरु आन कली दिप्‍शा वोइक्‍नीम।

यसैया 1:23

इ सासन पाइबपुकी मटीब नु खुइ आन वारच दुम्‍शा, घूस जशा, क्‍येट ताक्‍चा दाक्‍नीम। मेकोपुकीम रोम रोइक्‍च आन कली ठीक निसाफ मपाइनीम। वोंइश बेक्‍शो मीश मुर आन लोव़ मनेंनीम” देंत।

यसैया 33:15

सु ठीक पाइबा, रिम्‍शो थुं ङा लोव़ पाइबा, गेयी कि गेयी, दे क्‍येट मताक्‍बा, सुम घूस मजाइ‍बा नु “हुश ख्राक्‍श पोक्‍य” देंमानु, मेको आन लोव़ मटीबा नु मरिम्‍शो पाइब आन पशो काइ तचा मदाक्‍बा। भजन संग्रह १५:-; भजन संग्रह २४:३-४

ब्‍यवस्‍था 16:19

निसाफ हेंथे मपने। कुल मकोव़ङीन। घूस मजने। मारदे हना घूसमी जोक्‍ब तुइक्‍ब मुर आन मिक्‍च सिल्‍ब। मिनु ठीक पाइबमी घूस जशा दूली लोव़ पाइब। १सामुएल ८:३

ब्‍यवस्‍था 28:65

मेको रागी रागी ङा मुर आन दातेमी गे नाइक्‍चा मताइनीनी। इन कली गेना हना यो खेरनीमी। मिनु परमप्रभु यावेमी मेकेर इन कली हिंब थुं गेब। मिनु फाल्‍ने मचाप्‍ब नु थुं लुक्‍च लाइब मुर दुम्‍नीनी।

१ सामुएल 12:3

गो एक बाक्‍ती। आं पर्बम मारेइ मरिम्‍शो लोव़ पचा बाक्‍त हना, परमप्रभु यावे नु आ तेल लुक्‍शो आ ङोंइती देनीन। गो सुका आ ब्‍यफ, गधा रोइश्‍शो बाक्‍ङा? गो सु सु कली श्‍येत गेङा? गो सु सु आन कली दि‍बुमी? मिनु सु सु आन निसाफ पची ना घूस जङा? आं कली देंनीन। मिनु गो मेको थाप्‍नुङ” दे माइक्‍मी बाक्‍त। गन्‍ती १६:१५

१ सामुएल 21:14

मिनु अकीशमी आ गेय पाइब आन कली “एको मुर आ निप्‍स ग्राइश्‍शो बाक्‍त। एको कली मारदे आं बाक्‍तीक चाक्‍नी?

१ सामुएल 8:3

तन्‍न मेको निक्‍शीमी आस आफोम पशो खोदेंशो मपाम्‍से बाक्‍त। क्‍येट पाइश्‍शो दुम्‍चा कली घूस जाम्‍से बाक्‍त। दूली निसाफ पाम्‍से बाक्‍त। ब्‍यवस्‍था १६:१९