उपदेसक 7:5 - Sunuwar Bible

⁵ मूर्ख आ कुम्‍सो नेंचा क्‍येङा, जोक्‍ब तुइक्‍ब आ हुइश्‍शो नें‍चा रिम्‍शो बाक्‍ब।

उपदेसक 7:5 ပူးပေါင်းရင်းမြစ်များ

भजन संग्रह 141:5

ठीक पाइबमी आं कली तुप्‍‍यील। मेको आं शिशी बाक्‍ब। मेकोमी आं कली हुइक्‍तील। मेको आं पियाम लुक्‍शो तेल खोदेंशो दुम्‍ब। तन्‍न इन अरेशो मटीब आन तेल आं पियाम मलुम्‍सेक्‍ल। मो हना यो गो मेको आन मरिम्‍शो पशो आ पर्बम पुंइना पुंइन बाक्‍नुङ। लेवी १९:१७; हितोपदेस २७:५-६

भजन संग्रह 69:12

ठेयब लाप्‍चोम बाक्‍बपुकीमी आं कली शुक्‍शी पाइनीम। दुक्‍शो मुरपुकीमी आं पर्बम कुम्‍सो पाइनीम। अय्‍युब ३०:९

हितोपदेस 13:13

अर्ती ङा लोव़ मदाक्‍ब मुरुम आंम कली श्‍येत चाक्‍ब। तन्‍न अरेशो टीबपुकीमी इनाम ताइनीम।

हितोपदेस 13:18

सुमी अर्ती मनेंबा, मेको प्रुङग नु सुइम मदाक्‍शो मुर दुम्‍ब। तन्‍न हुइश्‍शो नेंब मुरुम मान ताइब।

हितोपदेस 17:10

मूर्ख मुर कली सहे खेयप तुप्‍चा क्‍येङा जोक्‍ब तुइक्‍ब मुर खेयप का देंशोनु रुप्‍ब।

हितोपदेस 25:12

जोक्‍ब तुइक्‍ब मुर आ हुइक्‍तीक लोव़ नेंब मुर कली सुन के औंठी नु गहना खोदेंशो बाक्‍ब।

हितोपदेस 27:6

वारचमी हुइश्‍शो रिम्‍शो पचा कली बाक्‍ब। तन्‍न मदाक्‍ब मुर आन पुक्‍पु पाइश्‍शो हिंचा ङा बाक्‍ब। भजन संग्रह १४१:५; मत्ती २६:४९

हितोपदेस 6:23

मारदे हना मेको अरेशो बत्ती नु शेंशो छेङछेङ बाक्‍नीस। ठीक पचा कली हुइक्‍तीके ब्रोंइचा गेब लां बाक्‍ब।

हितोपदेस 9:8

सुमी शुक्‍शी पाइब आन कली हुइक्‍बा, मेको काइ मदाक्‍चा पुंइसीब। सुमी चहिं जोक्‍ब तुइक्‍ब आन कली हुइक्‍बा, मेको दाक्‍चा पुंइसीब।

उपदेसक 12:11

जोक्‍ब तुइक्‍ब आन लोव़ गोठला आन कोक्‍के खोदेंशो बाक्‍ब। मिनु मेको आन खुप्‍शो लोव़पुकी बोल्‍यो पा थोक्‍शो कांटी खोदेंशो बाक्‍ब। मेको नेल्‍ल गोठला का रे पान दुम्‍शो बाक्‍ब। यसैया २२:२३

उपदेसक 7:4

जोक्‍ब तुइक्‍ब मुर आ थुं रोंका पतीक खिंम बाक्‍ब। तन्‍न मूर्ख आ थुं आंम दला दाक्‍स पतीक खिंम बाक्‍ब।

उपदेसक 9:17

ठेयब सेंदा पा मूर्ख सासन पाइब आ लोव़ क्‍येङा, जोक्‍ब तुइक्‍ब आ ओंखां पा देंशो लोव़ टीनीम।

प्रकाश 3:19

गो आं दाक्‍शो मुर आन कली आन मरिम्‍शो पतीके कोंइनुङ। नोले गो मेको आन कली श्‍येत गेशा, आल खोदेंशो पा शेंनुङ। इन थुं गो आं गे लेत्‍तीन। इन थमा सुइक्‍तीके बारपतीन। हितोपदेस ३:१२; १कोरिन्‍थी ११:३२; हिब्रू १२:६