उपदेसक 7:3 - Sunuwar Bible

³ रित्‍चा क्‍येङा सुर्ता पचा रिम्‍शो बाक्‍ब। मारदे हना सुर्ता पतीकेम थुं कली रिम्‍शो सेल्‍ब।।

उपदेसक 7:3 ပူးပေါင်းရင်းမြစ်များ

भजन संग्रह 119:67

गो श्‍येत जचा क्‍येङा ङोंइती हेंथे लां खोइश्‍शो नङ। तन्‍न मुल इन लोव़ टीनुङ।

भजन संग्रह 119:71

गे आं कली श्‍येत जपाइक्‍तीनी, मेको रिम्‍शो बाक्‍त। मोपा इन फुल्‍लुम मुशा ब्रेक्‍शो लोव़ शेंसाक्‍यी।

उपदेसक 2:2

रिस्‍सीचा यो मूर्खे गेय बाक्‍ब। मिनु ग्‍येरसीशा बाक्‍शोनु, मार रिम्‍शो दुम्‍बा ङा?

उपदेसक 7:4

जोक्‍ब तुइक्‍ब मुर आ थुं रोंका पतीक खिंम बाक्‍ब। तन्‍न मूर्ख आ थुं आंम दला दाक्‍स पतीक खिंम बाक्‍ब।

दानीएल 10:19

मिनु मेकोमी आं कली “नेल्‍ल क्‍येङा दाक्‍चा पुंइसीशो, महिनो। इ कली मारेइ मदुम्‍ब। बोल्‍यो नु महिंब दुमो” दे माइक्‍ती। मेकोमी गो नु लोव़ पवा नोले, गो बोल्‍यो दुम्‍ती। मिनु गो “आं प्रभु, लोव़ पने। मारदे हना गे आं कली बोल्‍यो सेल्‍तीनी” देंती। प्रकाश १:१७

लूका 6:21

मुल जचा मतथु बाक्‍बपुकी, ग्‍येरसीने, मारदे हना परमप्रभु यावेमी इन कली रूथ्री जचा गेब। मुल श्‍येत जशा, ङाक्‍न ङाक्‍न बाक्‍शोपुकी, ग्‍येरसीने। मारदे हना नोले ग्‍येरसीशा बाक्‍चा ताइनीनी। प्रकाश ७:१६-१७

लूका 6:25

मुल शुश जचा ताइबपुकी, हिनीन। मारदे हना नोले जचा मतथु शोव़लु बेक्‍नीनी। मुल रिश्‍शा बाक्‍बपुकी, हिनीन। मारदे हना नोले ङाक्‍शा रोंका पचा माल्‍नीनी।

२ कोरिन्‍थी 4:17

मारदे हना मुल जशो श्‍येत इच्‍का ला बाक्‍ब। नोले मेकोमी इं कली मरुप्‍चा ङा ठेयब छेङछेङमी बाक्‍चा गेब। रोमी ८:१७-१८; १पत्रुस १:६