उपदेसक 7:26 - Sunuwar Bible

²⁶ मेको बेक्‍तीक क्‍‍येङा मरिम्‍शो ब्‍वारद दाइश्‍शो खोदेंशो मीश मुर बाक्‍त। मेको आ थुं थेम्‍लु नु मेको आ गुइ चहिं पाइक्‍‍तीक साङलो बाक्‍त। सुम परमप्रभु कली ग्‍येरपाइक्‍बा, मेको रे ब्रोंइब। तन्‍न मेकोमी पाप पाइब कली चहिं आ ग्‍याइलीम रेप्‍ब। हितोपदेस २:१६-२२

उपदेसक 7:26 ပူးပေါင်းရင်းမြစ်များ

उत्पत्ती 19:35

मिनु मेको निक्‍शीमी आस आफ कली मेको नाक्‍दो यो दुक्‍पदसे बाक्‍त। मिनु कान्‍छी आ आफ नु इप्‍‍थ लमाक्‍त। मिनु लोतमी आ तमी आं नु इप्‍शो, बोक्‍शो मारेइ मतुइक्‍ता बाक्‍त।

उत्पत्ती 39:9

आं कली आ खिं ङा नेल्‍ल क्‍येङा ठेयब सेल्‍ती। मार मार बाक्‍मा, नेल्‍ल जिम्‍मा गेती। इन कली चहिं आं कली मगेयी। मारदे हना गे आ मीश ननी। गो दोपा परमप्रभु आ ङोंइती मोदेंशो मरिम्‍शो पाप पने चाप्‍नुङा? गो मपाइनुङ?” दे मदा बाक्‍त। प्रस्‍थान २०:१४; लेवी १८:२०

प्रस्‍थान 10:7

मिनु फाराओ आ दरवार ङा गेय पाइबपुकीमी फाराओ कली “मेको मुरुम आंइ कली गेना सम्‍म श्‍येत गेबा? मेको मुर आन कली परमप्रभु यावे, आन परमप्रभु कली चढ़ेचा गेने। इजीप्‍त रागी मुल थुम्‍साक्‍व, दे मतुइक्‍नीनी?” देंमा बाक्‍त।

हितोपदेस 2:16

होस पतीके नु रुप्‍तीकेमी इ कली हेंथे पाइब मीश मुर नु आ वाल्‍चा ङा लोव़ रे यो प्रोंइब।

हितोपदेस 22:14

हेंथे गाक्‍ब मीश मुर आ लोव़ ठेयब खाल्‍टा खोदेंशो बाक्‍ब। परमप्रभु यावे आ गाइश्‍शो ताइबपुकी मेको खाल्‍टाम बिक्‍‍नीम। हितोपदेस ५:३

हितोपदेस 6:23

मारदे हना मेको अरेशो बत्ती नु शेंशो छेङछेङ बाक्‍नीस। ठीक पचा कली हुइक्‍तीके ब्रोंइचा गेब लां बाक्‍ब।

हितोपदेस 6:24

मेकोमी हेंथे गाक्‍ब मीश मुर रे ङोन बाक्‍पाइक्‍नीम। मिनु हेंथे गाक्‍ब ग्‍युंबे पशो मीश मुर आन ग्रेन्‍देल लोव़ रे ङोन बाक्‍पाइक्‍नीम। हितोपदेस २:१६

हितोपदेस 9:18

मिनु मेको लां गाक्‍ब मुरपुकीमी “मेको आ खिं बेक्‍शो मुर आन बाक्‍तीके बाक्‍ब” दे मतुइक्‍नीम। मिनु मेको आ पौनामी आन कली बेक्‍शो मुर आन बाक्‍तीकेमी ब्रेश्‍शो बाक्‍नीम, दे मतुइक्‍नीम।

उपदेसक 2:26

परमप्रभुमी आ दाक्‍शो मुर कली जोक्‍तीक तुइक्‍तीके नु रुप्‍शा ग्‍येरतीक थुं गेब। तन्‍न मरिम्‍शो पाइब आन कली खुप्‍तीक नु तेल्‍तीक गेय पपाइक्‍ब। मिनु नोले मेको नेल्‍ल आ दाक्‍शो मुर आन कली गेब। मेको यो जाम्‍शा लाइब नु फश कली खेदा पशो खोदेंशो ला बाक्‍ब। हितोपदेस १३:२२; हितोपदेस २८:८

उपदेसक 7:27

शेंबमी “गो मार तुइक्‍तु, मेको नेनीन। गो नेल्‍ल रिम्‍शो पा तुइक्‍चा कली नाक्‍ताक्‍ङ।