उपदेसक 7:23 - Sunuwar Bible

²³ गो मारेइ मारेइ जोक्‍तीक तुइक्‍तीकेम नाक्‍शा कोव़ता। मिनु गो “थमा पा जोक्‍ब तुइक्‍ब दुम्‍नुङ” देंती। तन्‍न रुप्‍ने मचबु।

उपदेसक 7:23 ပူးပေါင်းရင်းမြစ်များ

उत्पत्ती 3:5

ब्वाइतीसी हना, इस कली रिम्‍शो नु मरिम्‍शो मार बाक्‍बा तुइक्‍पाइक्‍ब। मिनु गे परमप्रभु खोदेंशो दुम्‍नीसी। मेकोन परमप्रभुमी तुइक्‍ताक्‍व” देंमाक्‍त।

उपदेसक 1:17

गो जोक्‍तीक तुइक्‍तीक रुप्‍चा, बौला दुम्‍तीक नु मूर्ख दुम्‍तीक तुइक्‍चा थुं पाता। तन्‍न मेको दा फश कली खेदा पशो खोदेंशो ला बाक्‍त, दे तुइक्‍ताक्‍ङ। उपदेसक २:१२; उपदेसक ७:२५

उपदेसक 3:11

मेकोमी मारेइ मारेइ आन कली गारपाइश्‍शा सेल्‍तु। मेकोमी गेना हना यो ब्रोंइशा बाक्‍तीके मुर आन थुंम वोइक्‍तु। मो हना यो मेकोपुकीमी परमप्रभुमी ङोंइती रे नोले सम्‍म मार पवा, मेको रुप्‍ने मचाप्‍नीम। उपदेसक ८:१७

उपदेसक 7:22

मारदे हना गे गिश खेयप अरु आन कली सराप पवी, मेको इ थुंम बाक्‍ब।

उपदेसक 8:17

मिनु परमप्रभुमी पशो गेय नेल्‍ल ताता। रागीम मार दुम्‍बा, मेको सुइमी तुइक्‍ने मचाप्‍‍नी‍म। मुरपुकीमी मेको तुइक्‍चा कली शुश श्‍येत पाम्‍तेक्‍म हना यो, मेको नेल्‍ल रुप्‍ने मचाप्‍नीम। तेकोइ जोक्‍ब तुइक्‍ब मुरुमी “गो मेको तुइक्‍नुङ” देंत हना यो, मेकोम थमा पा मतुइ‍श्‍शो बाक्‍ब। उपदेसक ३:११; यसैया ५५:८-९

रोमी 1:22

मजोक्‍थु यो ठेयब लेश्‍शा बोरशा “गो शुश जोक्‍ब ठेयब नकी” देंतेक्‍म। मोपा मूर्ख दुम्‍तेक्‍म। १कोरिन्‍थी १:२०

१ कोरिन्‍थी 1:20

जोक्‍ब तुइक्‍ब सु सु नमी? पढेस जोक्‍ब सु सु नमी? सिनाक्‍त मुलाक्‍त शुश लोव़ पा ग्राब सु नमी? लो, मिम्‍तीने। एको रागी ङा जोक्‍ब तुइक्‍ब लोव़ कली परमप्रभु यावेमी फश लोव़ मसेला ङा? मत्ती ११:२५; रोमी १:२२