उपदेसक 7:15 - Sunuwar Bible

¹⁵ गो आं इच्‍का नाक्‍त ब्रोंइतीकेमी ठीक पाइब मुर आ ठीक पशोमी खतम दुम्‍शो नु मरिम्‍शो मुर आ मरिम्‍शो पशोमी शुश बर्स ब्रोंइशो ताता। उपदेसक ८:१४; भजन संग्रह ७३:१२-१४

उपदेसक 7:15 ပူးပေါင်းရင်းမြစ်များ

उत्पत्ती 47:9

मिनु याकूबमी “गो मुल सम्‍म रागीम बाक्‍शो, सहे का ३० बर्स दुम्‍ती। आं किकी पिपी खोदेंशो पा शुश बर्स मदुम्‍ङ। गो मरिम्‍शो नाक्‍त यो ताता” देंमाक्‍त। हिब्रू ११:१३

१ राजा 21:13

मिनु मेको नोले मेको मरिम्‍शो पाइब मुर निक्‍शी जाक्‍शा, मेको आ ङोंइती निस्‍ससा बाक्‍त। मिनु मेको निक्‍शीमी “नाबोथम परमप्रभु नु पिप कली सराप पशो बाक्‍ब” दे नेल्‍लेम नेंचा ङा पा दोस गेम्‍से बाक्‍त। मिनु मेकोपुकीम मेको कली लाङगा ग्रुंइशा फुल्‍लु आप्‍शा सदमे बाक्‍त।

भजन संग्रह 10:3

परमप्रभु आ अरेशो लोव़ मटीबपुकीमी “आं द‍ला दाक्‍स नेल्‍ल पने चाप्‍नुङ” दे ठेयब लेत्‍नीम। लोभी आन कली आसीक गेनीम। मिनु परमप्रभु यावे कली मान मपथु, महिंथु, मेको आ पर्बम शुक्‍शी लोव़ पाइनीम।

भजन संग्रह 39:6

मुरपुकी वांकु खोदेंशो पा गाक्‍शो बाक्‍नीम। मेकोपुकी मोशा सुर्ता पाइनीम। शुश शोंप तेल्‍नीम। मेको सुम जाइबा मतुइक्‍नीम। भजन संग्रह ४९:१७-२१; उपदेसक २:१८-२१; लूका १२:१५-२१

उपदेसक 2:23

मेको नाक्‍त किंत किंत श्‍येत जाइनीम। मिनु नाक्‍दो यो आन थुं नाइक्‍चा मताइनीम। मेको यो जाम्‍शा लाइब बाक्‍ब।

उपदेसक 3:16

मिनु गो रागीम अर्को का यो ताता। मार ताता देंशा हना, ठीक निसाफ पतीक आ पा ङा काइ मरिम्‍शो पतीक बाक्‍बाक्‍त। ठीक पतीक आ पा ङा जोल पतीक बाक्‍बाक्‍त।

उपदेसक 6:12

मुर इच्‍का नाक्‍त ब्रोंइब बाक्‍ब, मार रिम्‍शो बाक्‍मे, मेको सुम तुइक्‍बा ङा? मुर आ नाक्‍त वांकु खोदेंशो पा लाक्‍ब। मेको बेक्‍शा लम नोले मार दुम्‍बा, दे सुम देंने चाप्‍बा ङा? १इतिहास २९:१५; भजन संग्रह १४४:४

उपदेसक 9:9

परमप्रभुमी गेशो इच्‍का नाक्‍त ब्रोंइशा बाक्‍तीकेमी आंम दाक्‍शो मीश नु ग्‍येरशा बाक्‍को। मारदे हना रागीमी इ श्‍येत पा पशो गेय ङा भाग मेको बाक्‍ब। हितोपदेस ५:१८-१९

यसैया 65:20

का निक्‍शी नाक्‍त ला ब्रोंइब आल मेकेर मबाक्‍नीम। मिनु मेकेर सुइ यो खूशो दुम्‍चा क्‍येङा ङोंइती मबेक्‍नीम। सहे का बर्स ब्रोंइशा बेक्‍ब कली ठिटा देंनीम। मिनु सहे का बर्स मगाप्‍थु, बेक्‍ब मुर कली ‘सराप रशो मुर का बाक्‍त’ देंनीम। जकरिया ८:४

यूहन्‍ना 16:2

मुरपुकीमी इन कली ग्रुम्‍तीक खिं रे तिल्‍नीम। थमा, इच्‍का नोले इन कली साइक्‍बपुकीमी ‘गो परमप्रभु यावे आ दाक्‍शो पना पन बाक्‍ती’ दे मिम्‍नीम। मत्ती १०:१७,२२; मत्ती २४:९

प्रेरित 7:52

इन किकी पिपीमी मार पामे? परमप्रभु आ लोव़ पाइब सु कली श्‍येत मगेमे ङा? नेल्‍ल आन कली श्‍येत गेम्‍तेक्‍म। श्‍येत गेशा ला ममाइ। इन कली पाप रे प्रोंइब ख्रीस्‍त जाक्‍ब, दे लोव़ नेंपा गाक्‍ब आन कली साइक्‍पाइक्‍ना पाइक्‍न बाक्‍तेक्‍म। इन कली पाप रे प्रोंइब ख्रीस्‍त जाक्‍त। मिनु गेपुकीमी मेको कली यो साइक्‍पाइक्‍तीनी। २इतिहास ३६:१६; मत्ती २३:३१