उपदेसक 6:3 - Sunuwar Bible

³ सुइ मुर का के सहे का जना आल बाक्‍शा, मेको शुश बर्स ब्रोंइशा यो आ चेम्‍शो जशा मग्‍येरसीब, रिम्‍शो पा थिम्‍चा यो मपुंइसीब। मेको क्‍येङा शाम्‍शा लशो आल कली रिम्‍शो बाक्‍ब। उपदेसक ४:३

उपदेसक 6:3 ပူးပေါင်းရင်းမြစ်များ

उत्पत्ती 33:5

मिनु एसावमी कोव़शा, आलपुकी नु मीश मुर आन कली तशा “गे नु बाक्‍ब सु नमी?” दे हिल्‍लो पवा बाक्‍त। मिनु याकूबमी “परमप्रभुमी इन गेय पाइब कली शिशी पशा, गेशो आलपुकी नम” दे मदा बाक्‍त। भजन संग्रह १२७:३

उत्पत्ती 47:9

मिनु याकूबमी “गो मुल सम्‍म रागीम बाक्‍शो, सहे का ३० बर्स दुम्‍ती। आं किकी पिपी खोदेंशो पा शुश बर्स मदुम्‍ङ। गो मरिम्‍शो नाक्‍त यो ताता” देंमाक्‍त। हिब्रू ११:१३

२ राजा 10:1

आहाब आ ७० जना तौ सामरीया सहरम बाक्‍शो बाक्‍मा बाक्‍त। मोपतीके येहूमी चिठी का ब्रेक्‍शा सामरीयाम, येज्रेल ङा हुकुम पाइब, खाल्‍पा नु आहाब आ तौ आन कली कोव़ब मुर आन कली सोइक्‍ता बाक्‍त।

२ राजा 9:35

मिनु मुरपुकी मेको कली थिम्‍चा कली उइ ब्रुम्‍मा बाक्‍त। तन्‍न मेकेर आ पिया, गुइ नु खोइल ङा लाक्‍शा अरु मारेइ मथिदमे बाक्‍त।

१ इतिहास 28:5

परमप्रभु यावेमी आं कली शुश तौ गेती। परमप्रभु यावेमी आ राज्‍य इस्राएलम पिप दुम्‍चा कली आं तौ सोलोमन कली योव़तु।

२ इतिहास 11:21

मिनु रेहोबाममी आ ग्‍युंबे पशो मीशपुकी नु अरु मीश आन क्‍येङा अब्‍सालोम आ तमी माकाह कली शुश दाक्‍बाक्‍माक्‍त। मेको के १८ जना ग्‍युंबे पशो मीश नु ६० जना अरु मीश बाक्‍मा बाक्‍त। मेको के २८ जना तौ नु ६० जना तमी बाक्‍मा बाक्‍त।

एस्‍तर 5:11

मिनु मेको आन कली “आं शोंप, आं थेरशो रू नु शुश तौ बाक्‍नीम। मिनु पिपमी सासन पाइब नु गेय पाइब नेल्‍ल आन क्‍येङा आं कली शुश मान गेशो बाक्‍ब” दे आ नें बोरपाइश्‍शा लोव़ पाप्‍तु।

एस्‍तर 7:10

मिनु मेकोपुकीमी मोरदेकै कली साइक्‍चा, दे ग्रुक्‍शो थाममी, हामान कली लाइश्‍शा क्‍युक्‍तेक्‍म। मिनु पिप आ थुं नांइसाक्‍व।

अय्‍युब 3:11

गो मारदे जरमेसी ङा चोटीन मबेक्‍ङा? गो मारदे कोव़ज रे ग्रूङानु मबेक्‍ङा?

अय्‍युब 3:16

मारदे गो शाम्‍शो आल खोदेंशो पा थिम्‍चा मपुंइसीङा? मो दुम्‍शो हना गो हाम्‍सो गेनायो मतशो आल खोदेंशो पा बाक्‍ङ वा।

भजन संग्रह 58:8

मेकोपुकी गाक्‍ना गाक्‍न यशा, दे खोदेंशो दुम्‍मल। मेकोपुकीमी शाम्‍शो आलपुकीम खोदेंशो पा नां मतामेक्‍ल।

हितोपदेस 17:6

खाल्‍पा खाल्‍पी आन सिरपेच आन चच युइ नमी। मिनु आल आन ग्‍योम्‍सीशो आन आम आफ बाक्‍नीम।

उपदेसक 4:3

तन्‍न मेको निम्‍फा आस क्‍येङा मुल मजरमेशो मुर ग्‍येरसीशो बाक्‍ब। मारदे हना मेकोमी रागीम मरिम्‍शो दुम्‍शो मतशो बाक्‍ब। उपदेसक ६:३

उपदेसक 6:4

शाम्‍शा लशो आल जाम्‍शा लचा कली जर‍मेसीशो बाक्‍ब। मिनु मेको छिङछिङमी जाम्‍शा लाइब। मिनु छिङछिङमीन मेको आ नें सुम्‍ब।

येरमीया 22:19

मेको कली गधा का थिम्‍शो खोदेंशो पा, कीशा लाइश्‍शा यरूसलेम ङा ठेयब लाप्‍चो आ ङोंइती ग्रुंइशा ताइक्‍नीम” देंत। येरमीया ३६:३०

येरमीया 36:30

मोपतीके परमप्रभु यावेमी यहूदा ङा पिप येहो-याकीम आ पर्बम “मुल रे दाऊद आ नित्‍तीकेम मेको आ चच युइ तेकोइ मनित्‍नीम। मेको पिप आ बेक्‍शो रां नाक्‍त नांम नु नाक्‍दो फुरशेम जिप्‍पाइक्‍चा ङा पा तांइसीब। येरमीया २२:३०; येरमीया २२:१९

येरमीया 8:2

मिनु मेको रुश नेल्‍ल, नां, तास्‍ला नु सोरुल आन ङोंइती फ्रचा माल्‍नीम। मारदे हना मेको मुरपुकीमी मेको आन कली गेय पा शुश दाक्‍ताक्‍म। मेको आन नोले खोइक्‍ब दुम्‍‍तेक्‍म। मेको आन कली लां कोंइब सेल्‍शा पूजा पाम्‍तेक्‍म। मेको रुश आन कली खुप्‍शा थिम्‍चा मदुम्‍ब। मेको खप कली मोव़ल दुम्‍चा माल्‍नीम। ब्‍यवस्‍था ४:१९

मत्ती 26:24

रागीम जरमेशो आ पर्बमी ब्रेक्‍शो साइ नेसी ङा लोव़ नेल्‍ल थमा दुम्‍चा माल्‍ब। मो दुम्‍चा माल्‍शो बाक्‍त हना यो, ग्‍याइक्‍पाइक्‍चा वारच पाइब कली थमा मरिम्‍शो दुम्‍ब। मोदेंशो पाइब मुर मजरमेशो हना, मेको कली रिम्‍शो दुम्‍ब वा” देंत। लूका १७:१-२