उपदेसक 6:12 - Sunuwar Bible

¹² मुर इच्‍का नाक्‍त ब्रोंइब बाक्‍ब, मार रिम्‍शो बाक्‍मे, मेको सुम तुइक्‍बा ङा? मुर आ नाक्‍त वांकु खोदेंशो पा लाक्‍ब। मेको बेक्‍शा लम नोले मार दुम्‍बा, दे सुम देंने चाप्‍बा ङा? १इतिहास २९:१५; भजन संग्रह १४४:४

उपदेसक 6:12 ပူးပေါင်းရင်းမြစ်များ

१ इतिहास 29:15

गोपुकी इन ङोंइती शुश नाक्‍त मबाक्‍ब अर्को रागी ङा मुर दुम्‍शो बाक्‍नीकी। आंइ किकी पिपी यो मोदेंशो बाक्‍मा बाक्‍त। आंइ रागीम बाक्‍तीके नाक्‍ती वांकु खोदेंशो बाक्‍नीम। शुश बाक्‍तीक आस मबाक्‍ब। भजन संग्रह ३९:१३; हिब्रू ११:१३; अय्‍युब १४:२

अय्‍युब 14:2

मेको फू खोदेंशो पा बोइश्‍शा, सोल सुल बेक्‍ब। वांकु जाम्‍शो खोदेंशो पा जाम्‍शा लाइब। भजन संग्रह ९०:५

अय्‍युब 14:21

मेको आन आल ठेयब दुम्‍शा मान पाइक्‍चा पुंइसाक्‍म हना यो, मेकोपुकीम मतुइक्‍नीम। आइक्‍च सेल्‍चा पुंइसाक्‍म हना यो, मतुइक्‍नीम।

अय्‍युब 8:9

मारदे हना गोपुकी सिनाक्‍त ला जरमेशो बाक्‍नीकी। मिनु गो मारेइ मतुइक्‍ब बाक्‍नीकी। रागीम आंइ नाक्‍ती वांकु खोदेंशो ला बाक्‍ब।

भजन संग्रह 102:11

आं ब्रोंइतीक नाक्‍त पेरचा चिक्‍शो नां खोदेंशो बाक्‍ब। मिनु गो घांस खोदेंशो पा बेक्‍शो बाक्‍नुङ। भजन संग्रह ९०:५-६

भजन संग्रह 109:23

गो नां लाक्‍शो ना ङा वांकु खोदेंशो पा जाम्‍शो बाक्‍नुङ। थुर थुर पाइश्‍शो सल्‍हा खोदेंशो बाक्‍नुङ।

भजन संग्रह 144:4

मुर कीशो सोक्‍त खोदेंशो बाक्‍नीम। मेको आन ब्रोंइतीक नाक्‍ती जाम्‍शा लाइब वांकु खोदेंशो बाक्‍नीम। अय्‍युब १४:२

भजन संग्रह 16:5

परमप्रभु यावे, गे आं भाग बाक्‍नीनी। मिनु आं कचौरा प्रिंनीनी। गे आं थेरशो रू कोव़ब बाक्‍नीनी। भजन संग्रह ७३:२६; गन्‍ती १८:२०; बिलाप ३:२४

भजन संग्रह 17:15

गो चहिं ठीक पा बाक्‍शा, थमा पा इन कुल ताइनुङ। सुनी सेंसीशा, इन कली तशा, रूशो खोदेंशो दुम्‍शा, ग्‍येरसीनुङ” देंती।

भजन संग्रह 4:6

शुश मुरुमी “सुमी आंइ कली रिम्‍शो बाक्‍चा गेबा” दे हिल्‍लो पाइनीम। परमप्रभु यावे, इन कुल ङा छेङछेङ आंइ तार ब्रपतीन। गन्‍ती ६:२५

भजन संग्रह 47:4

मेकोमी आंइ कली शोंप योव़शा गेप्‍तु। मेको याकूब आ दाक्‍शो रागी बाक्‍त। मारदे हना परमप्रभुमी याकूब कली शुश दाक्‍ताक्‍व।ठेयब सेंदा पा। ब्‍यवस्‍था ३२:९

भजन संग्रह 89:47

परमप्रभु, आं ब्रोंइशा बाक्‍तीक नाक्‍त इच्‍का ला बाक्‍ब। गे मुर नेल्‍ल आन कली जाम्‍शा लाइब सेल्‍शो बाक्‍नीनी।

उपदेसक 10:14

मूर्ख मुर ब्‍वाक्‍स ङा ब्‍वाक्‍स पाइब। मार दुम्‍बा, सुइम मतुइक्‍नीम। मेको आ नोले मार दुम्‍बा, मेको सुम देंने चाप्‍बा ङा? उपदेसक ५:२; उपदेसक ८:७

उपदेसक 12:13

नेनो, नेल्‍ल क्‍येङा नोले ङा लोव़ मार बाक्‍ब देंशा हना, परमप्रभु कली मान पा हिनो। मिनु मेको आ शेंशो टिवो। मारदे हना मुर नेल्‍ल आन पचा माल्‍शो एकोन बाक्‍ब। ब्‍यवस्‍था ६:२

उपदेसक 2:24

मुरुमी जचा, तूचा नु आंम गेयमी ग्‍येरशा बाक्‍चा क्‍येङा लाक्‍शा अरु मारेइ रिम्‍शो मबाक्‍ब। मेको यो परमप्रभु रे जाक्‍शो तशो बाक्‍नुङ। उपदेसक ३:१२,२२; उपदेसक ५:१७; उपदेसक ८:१५; उपदेसक ९:७

उपदेसक 2:3

गो आंम कली ग्‍येरपाइक्‍चा कली इच्‍का अङगुर शांबु तूता। मो पङानु आं थुंम बाक्‍शो जोक्‍तीक तुइक्‍तीक मला। मूर्ख आ गेय रुप्‍चा कली मोदेंशो पाता। मिनु गो मुर आन कली इच्‍का नाक्‍त रागीम ब्रोंइचा कली रिम्‍शो गेय मार बाक्‍बा, दे रुप्‍चा माल्‍ता। हितोपदेस ३१:४

उपदेसक 3:22

मोपतीके मुर नेल्‍ले आंम गेयमी ग्‍येरसीशा बाक्‍कीन। मेको नेल्‍ल क्‍‍येङा रिम्‍शो बाक्‍ब। मारदे हना मुरुमी आ नोले मार दुम्‍बा, दोपा तुइक्‍ने चाप्‍बा ङा?

उपदेसक 6:11

मेको शुश लोव़ पाप्‍तु हना यो, मेको क्‍येङा शोर गाक्‍शो बाक्‍ब। मिनु तेको रिम्‍शो बाक्‍बा?

उपदेसक 7:15

गो आं इच्‍का नाक्‍त ब्रोंइतीकेमी ठीक पाइब मुर आ ठीक पशोमी खतम दुम्‍शो नु मरिम्‍शो मुर आ मरिम्‍शो पशोमी शुश बर्स ब्रोंइशो ताता। उपदेसक ८:१४; भजन संग्रह ७३:१२-१४

उपदेसक 8:13

तन्‍न परमप्रभु यावे आ अरेशो मटीब आन कली गेनायो रिम्‍शो मदुम्‍ब। मिनु शुश ब्रोंइचा यो मताइनीम। मारदे हना मेकोपुकीमी परमप्रभु कली मान पा महिंनीम।

उपदेसक 8:7

नोले ङा लोव़ सुइमी मतुइक्‍नी‍म। मोपतीके सुइम मुर आन कली नोले मार दुम्‍बा, मेको देंने मचाप्‍नीम। उपदेसक १०:१४

उपदेसक 9:6

मेको आन दाक्‍तीके, काइ मदाक्‍तीक नु गेहे पतीक नेल्‍ल जाम्‍शा लत। मेकोपुकीम रागीम मार दुम्‍शो बाक्‍मे, मेको मारेइ ममिम्‍नीम।

उपदेसक 9:9

परमप्रभुमी गेशो इच्‍का नाक्‍त ब्रोंइशा बाक्‍तीकेमी आंम दाक्‍शो मीश नु ग्‍येरशा बाक्‍को। मारदे हना रागीमी इ श्‍येत पा पशो गेय ङा भाग मेको बाक्‍ब। हितोपदेस ५:१८-१९

मीका 6:8

परमप्रभु यावेमी इन कली, गे बेक्‍शा लाइब मुर, इन कली मार रिम्‍शो बाक्‍मे नु मार पचा माल्‍नीनी, मेको देंशो बाक्‍ब। मार देंशो बाक्‍ब देंशा हना, गे ठीक निसाफ पने, शिशी प‍तीक कली दाक्‍तीन। मिनु इन परमप्रभु आ ङोंइती ब्रेम्‍शो दुम्‍शा गाक्‍कीन। ब्‍यवस्‍था १०:१२; १सामुएल १५:२२

याकूब 4:14

दीसा नित्‍थी मार दुम्‍बा, ब्रोंइनीनी कों, बेक्‍नीनी कों मारेइ मतुइक्‍नीनी। इन गिंम मार में? मेको गोस्‍स खोदेंशो बाक्‍ब, इच्‍का का ला लीशा, जाम्‍ब। लूका १२:२०