उपदेसक 5:17 - Sunuwar Bible

¹⁷ मुरुमी आन ब्रोंइतीक नाक्‍त सम्‍म श्‍येत पा जशा तूशा, हिंशा, रोइ पा, सुर्ता पाइनीम।

उपदेसक 5:17 ပူးပေါင်းရင်းမြစ်များ

उत्पत्ती 3:17

मिनु आदम कली “मारदे हना गे इ मीश आ लोव़ नेंशा, मब्‍वचा देंशो रवा आ फल ब्‍वाप्‍तीवी, इ पतीके आ पर्बम इ रू नेल्‍लेमी सराप ताइनीम। इ जचा थोव़क श्‍येत पा ख्रुम्‍चा माल्‍नेवे। उत्‍पत्ती ८:२१-२२; अय्‍युब ३१:३८-३९

१ राजा 17:12

तन्‍न मेकोमी “परमप्रभु यावे, इन परमप्रभु ब्रोंइशा बाक्‍शो खोदेंशो पा बोसुम मुठी का फस नु ढुङग्रोम इच्‍का खोइ तेल ङा लाक्‍शा, आं खिंम मारेइ मबाक्‍ब। गो इच्‍का खोइ शी खुप्‍शा, खिं लशा, गो नु आ तौ आंस कली शोब्‍ले सेल्‍नुङ। मिनु गो मेको जशा, बेक्‍नस्‍कु” देंमाक्‍त।

२ राजा 1:2

अहाज्‍याह सामरीया सहर ङा आ खिं ङा तला तार रे दोक्‍शा, गार दुम्‍माक्‍त। मोपतीके मेकोमी मुर आन कली “लशा, एक्रोन ङा देवता बाल-जेबुब नु पुनीन। गो एको आं गार रे सानुङा देय मसानुङा?” दे हिल्‍लो पचा कली सोइक्‍तीमी बाक्‍त। १राजा २२:५२-५४

२ राजा 1:6

मिनु मेकोपुकीमी “गो आंइ कली ग्रुम्‍थ मुर का जाक्‍त। मिनु मेकोमी ‘लेश्‍शा लशा इन कली सोइक्‍ब पिप आ बाक्‍तीक लने। मिनु मेको कली परमप्रभु यावेमी मार, इस्राएलम परमप्रभु मबाक्‍बा ङा? गे एक्रोन ङा देवता बाल-जेबुब कली हिल्‍लो पथ मुर सोइक्‍तीके, मसा‍नीनी, बेक्‍नीनी’ देंत माइक्‍चा” देंमा बाक्‍त।

२ राजा 5:27

मुल नामान आ कोव़र पतीक रोइ गे नु इ चच युइ इन खिंम गेना हना यो खोक्‍शा लीब” दे मदा बाक्‍त। मिनु गेहाजी मेको आ ङोंइती रे लमाक्‍त। मिनु मेको फुं खोदेंशो पा बुश पा कोव़र मुमाक्‍त।

अय्‍युब 21:25

का निक्‍शी चहिं श्‍येतम ब्रीशा, आन थुं कशो दुम्‍शा बेक्‍नीम। मेकोपुकीम गेनायो ग्‍येरचा मतामे।

भजन संग्रह 102:9

मारदे हना गो शोब्‍ले खोदेंशो पा पुलु जाइनुङ। मिनु प्रेक्‍कु ब्‍वाइश्‍शो ब्‍वाक्‍कु तूनुङ।

भजन संग्रह 127:2

गे सुनी कना बोक्‍शा, नाक्‍दो सम्‍म शुश गेय पाइनीनी। मिनु इन शोब्‍ले सुर्ता पा जाइनीनी। मेको मोशा बाक्‍ब। मारदे हना परमप्रभुमी आ दाक्‍शो मुर आन कली इप्‍ची ना आन माल्‍शो गेब। हितोपदेस १०:२२

भजन संग्रह 39:6

मुरपुकी वांकु खोदेंशो पा गाक्‍शो बाक्‍नीम। मेकोपुकी मोशा सुर्ता पाइनीम। शुश शोंप तेल्‍नीम। मेको सुम जाइबा मतुइक्‍नीम। भजन संग्रह ४९:१७-२१; उपदेसक २:१८-२१; लूका १२:१५-२१

भजन संग्रह 78:33

मोपतीके परमप्रभुमी मेको आन नाक्‍त मोशा नु मेको आन बर्सपुकी श्‍येत जपाइश्‍शा साम्‍तु। गन्‍ती १४:२२-२३; १कोरिन्‍थी १०:५

उपदेसक 2:10

गो मार कोव़चा दाक्‍ङा, मेकोन कोव़ता। आं दाक्‍शो नेल्‍ल पाता। मोपा आं पशो गेय नेल्‍लेमी आं थुं कली ग्‍येरपाइक्‍तु। मेको आ श्‍येत पा पशो गेय रे ताता।

उपदेसक 2:23

मेको नाक्‍त किंत किंत श्‍येत जाइनीम। मिनु नाक्‍दो यो आन थुं नाइक्‍चा मताइनीम। मेको यो जाम्‍शा लाइब बाक्‍ब।

उपदेसक 2:24

मुरुमी जचा, तूचा नु आंम गेयमी ग्‍येरशा बाक्‍चा क्‍येङा लाक्‍शा अरु मारेइ रिम्‍शो मबाक्‍ब। मेको यो परमप्रभु रे जाक्‍शो तशो बाक्‍नुङ। उपदेसक ३:१२,२२; उपदेसक ५:१७; उपदेसक ८:१५; उपदेसक ९:७

उपदेसक 7:14

नाक्‍त रिम्‍शो दुम्‍मेनु ग्‍येरसीन। तन्‍न नाक्‍त मरिम्‍शो दुम्‍मेनु मिम्‍तीन। मेको निम्‍फा परमप्रभुमी सेल्‍शो बाक्‍ब। मोपा मुरुमी नोले आंम कली मार दुम्‍बा, दे मतुइक्‍नीम।

प्रेरित 12:23

पिप हेरोदमी परमप्रभु यावे कली मान मपथु, आंमान ठेयब सेल्‍सीतीके परमप्रभु यावे आ स्‍वर्ग ङा गेय पाइबमी मेको कली रोइ पपदा बाक्‍त। मिनु मेको हेरोद लुस्‍पु जोल्‍शा बेक्‍माक्‍त। दानीएल ५:२०